[ استفسار ] هل يشترط التوفل للماستر,,!

[تشتيت جامعي]

صباح / مساء الخيرات والليرات

اتمنى ان تكونوا بتمام الصحه والعافيه و كل عام وانتم بألف خير ..

حبيت اسأل هل اختبار التوفل من شروط الماجستير او الايلتس ؟ والا بس هالاختبارات تخص المبتعثين؟

واذا كنت حابه اكمل دراستي داخل الحدود وش هي الجامعات اللي ممكن تقبل بتخصصنا ؟

ووش التخصصات المتاحه لنا بمرحلة الماستر ؟.

وهل فيه انتظام ؟

واختبار كفايات هل يخص الجامعات التربويه والا يشملنا ؟
ماذا عن القدرات والتحصيلي والقياس هل تخطينا هذه المرحله بسلام والا لابد من اختبارها ؟

خاطره لا احد مجبر للرد عليها /:

كل ماله والتعليم عندنا يصير قذر لا يمشي لا على سياسه معينه ولا على ضوابط وقواعد رسميه واضحه للعيان..
انا الى الان ماعرف من هو وزير التربيه ولن اسعى لمعرفته والله يزيدني به جهل لكن ودي احشره بزاويه واسأله

ليييييييش بصوت سلوى المطيري


ليش تعرقل طالبات وطلاب العلم باختبارات وهميه تدعي انها تساعدنا على ان نكون ملمين بالعلوم والثقافات الزائفه , فعلا اختباراتهم ماهي الا ثقافات زائفه ماوضعت الا لتصعيب حياتنا وامور دنيانا



الاكثر اشمئزازا بالموضوع بعد الانتهاء من مسيره العلم والثقافه السعوديه تبدأ مرحلة البحث عن الوظيفه طبعا هذي المرحله اختصارها كلمة وحده هي " نبحث عن خبرات"

طيب يا عيال اللذين وظفوا العاطلين و جددوا الدماء واسقطوا الديناصورات من منشئاتكم عشان نصير ذوي خبره وافكارنا وليدة 2014/2015 مو 2000قبل الميلاد

يعني فوق العنا والشقا من اول ابتدائي الى الجامعه ,تنتصفها اختبارات ما انزل الله بها من سلطان تقطعون ارزاق العباد بهرطقاتكم وفضاوتكم


سئمت منكم

[آبيات]

شوفي تشتيت ايش المطلوب منا علشان الماستر هذا يرجع ع حسب الجامعة اللي بتقدمين فيه جامعة عبدالعزيز او سعود او ام القرى كل جامعه لها شروط مختلفه عن الثانية سعود مو مطلوب التوفل فيها بعكس عبد العزيز ,,الخ ف انتي ادخلي موقع الجامعة اللي حابه تكملين فيها ماستر وشوفي شروطهم افضل لك

[نسيم الصبا]

معظم الجامعات تشترط (التوفل او الايلتس او الستب) + اختبار قدرات الجامعيين( قياس)
لا مفرّ ..
وخاطرتك جميلة وأجمل شي ليييششش بصوت سلوى المطيري

[تشتيت جامعي]

المشاركة الأصلية كتبت بواسطة آبيات

شوفي تشتيت ايش المطلوب منا علشان الماستر هذا يرجع ع حسب الجامعة اللي بتقدمين فيه جامعة عبدالعزيز او سعود او ام القرى كل جامعه لها شروط مختلفه عن الثانية سعود مو مطلوب التوفل فيها بعكس عبد العزيز ,,الخ ف انتي ادخلي موقع الجامعة اللي حابه تكملين فيها ماستر وشوفي شروطهم افضل لك

الله يعطيك العافيه ابيات
توني منك ادري ان كل جامعه لها شروطها الخاصه

المشاركة الأصلية كتبت بواسطة نسيم الصبا

معظم الجامعات تشترط (التوفل او الايلتس او الستب) + اختبار قدرات الجامعيين( قياس)
لا مفرّ ..
وخاطرتك جميلة وأجمل شي ليييششش بصوت سلوى المطيري

يلا ماعليه هانت راح القليل ومابقى الا الكثير

[soso sh]

الله يوووفقكك
والله يا قلبي انا اعرف ناس كتير يحضرو ماستر هنا وبالاردن وبمصر وفلسطين والمانيا وكلللللهم طلبوو منهم توفل بس اللي يختلف الدرجه االلي يقبلولها
والله يكتبلك الخير