[ قسم التاريخ ] : بقول شي تعالوا :(

[Fiifalqhtani]

السلام عليكم شخباركم !
يلا اشكي لكم الزبده تخصصت بالتاريخ وانا م ابيه
وماعندي اي معلومات عنه وضايق صدري لاني جد م ابيه
فيه احد نفسي ولا بس انا ?!
اللي ابيه منكم اللي مستوى رابع او وحده عندها معلومات عن هالتخصص
ي ليت تفيدني وتفيد اللي مثلي
عن المواد ب المستوى 3
والدكاتره الافضل والمميزين و ياليت م يكون دكتور بس دكتوره ، واي معلومات ثانيه لاني جججد مو عارفه شي عن هالتخصص

[احسساس]

ترى كل الاقسام زي بعض
اخونا التاريخ صحيح ممل ومجرد هذره عالفاضي بس ترى اشوفه اسهل قسم لان لو اقارنه بالجغرافيا ترى اصعب الجغرافيا لان فيه مواد احصاء ومعادلات وتعويض واسهل من اللغه العربيه من ناحيه اعربي وماعربي واسهل من علم الاجتماع بكثير واسهل من الانجليززززي بكثير ترى انتي ماعليك فوضي امرك لله اول شي وحبيه ترى دكتوراته حبوبات والله مثل اماني البحر ومنيره الهمشري وفوزيه العمري هذي عسسسسل وشويكار يعني نص ونص محاضرتها حلوه فيها حماس بس اختبارتها مصيبه عندك مها البديع مررره جميله وفيه كم معيده جديده السنه الي طافت شرفو حلوين
واذ انتي مره مو عاجبك الوضع ولا قادره تتحملينه ابد ارفعي معدلك الترم الاول وحولي لتخصص الي تبينه عادي الموضوع سهل جدا لو انتي حابه

ملاحظه/ لا تتحطمين من كلام البنات اذ قالولك اوه تاريخ ومدري ايش حطي في بالك انهم مو احسن منك الحال من بعضه الي عربي والي جغرافيا والي دراسات

[احسساس]

صحيح مواد مستوى ثالث سهله اسهل مواد بتمر عليك بالتخصص :) الدكاتره الرجال اغلبهم ينجحون لله اهم شي لا تسمعين كلام البنات اذ سبوو دكتور ومدري ايش انتي ماعليك منهم شدي حيلك وخليك مع الدكتور وبس تنجحين فيه دكتور البنات مره خوفوني منه اسمه احمد حنفي وبالنهايه نجحني وانا ماحليت شي اول اسابيع الدراسه احضريها مهمه تتعرفين على الماده وعلى الدكتوره لو حضرتي بعدين بتكونين ضايعه القسم سهل مو بذاك الصعوبه ابداً

[Rwaf]

كنت مثلك تخصصت تاريخ وانا ابد مكان عاجبني بس مع الايام حبيت القسم من كل النواحي من دكتورات وطالبات وان شاء الله تحبينو وترتاحين فيه
اهم شي لا تاخذين علي كلام البنات انو هذا الدكتور يسقط ومراح تنجحين لا تاخذين عنده كله كلام فاضي انتي شدي حيلك وحذي كل المواد بكل مستوي
مو انو المادة صعبة مراح اخذها وتأجلينها لا بالعكس لو اجلتيها راح تنحاسين عن تجربة اجلت مادة صعبة وحذتها سمستر ثاني وصار لي تعارض وقت الاختبار ونهلكت الزبدة انك لا تاجلين امشي علي الخطة وربي يكتب لك اللي فيه الخير...

[Fiifalqhtani]

المشاركة الأصلية كتبت بواسطة احسساس

ترى كل الاقسام زي بعض
اخونا التاريخ صحيح ممل ومجرد هذره عالفاضي بس ترى اشوفه اسهل قسم لان لو اقارنه بالجغرافيا ترى اصعب الجغرافيا لان فيه مواد احصاء ومعادلات وتعويض واسهل من اللغه العربيه من ناحيه اعربي وماعربي واسهل من علم الاجتماع بكثير واسهل من الانجليززززي بكثير ترى انتي ماعليك فوضي امرك لله اول شي وحبيه ترى دكتوراته حبوبات والله مثل اماني البحر ومنيره الهمشري وفوزيه العمري هذي عسسسسل وشويكار يعني نص ونص محاضرتها حلوه فيها حماس بس اختبارتها مصيبه عندك مها البديع مررره جميله وفيه كم معيده جديده السنه الي طافت شرفو حلوين
واذ انتي مره مو عاجبك الوضع ولا قادره تتحملينه ابد ارفعي معدلك الترم الاول وحولي لتخصص الي تبينه عادي الموضوع سهل جدا لو انتي حابه

ملاحظه/ لا تتحطمين من كلام البنات اذ قالولك اوه تاريخ ومدري ايش حطي في بالك انهم مو احسن منك الحال من بعضه الي عربي والي جغرافيا والي دراسات

حبيبتي تسلمين جد ريحتيني شوي يعني كنت شايله هم
الله يسعدك ويوفقك

[Fiifalqhtani]

المشاركة الأصلية كتبت بواسطة Rwaf

كنت مثلك تخصصت تاريخ وانا ابد مكان عاجبني بس مع الايام حبيت القسم من كل النواحي من دكتورات وطالبات وان شاء الله تحبينو وترتاحين فيه
اهم شي لا تاخذين علي كلام البنات انو هذا الدكتور يسقط ومراح تنجحين لا تاخذين عنده كله كلام فاضي انتي شدي حيلك وحذي كل المواد بكل مستوي
مو انو المادة صعبة مراح اخذها وتأجلينها لا بالعكس لو اجلتيها راح تنحاسين عن تجربة اجلت مادة صعبة وحذتها سمستر ثاني وصار لي تعارض وقت الاختبار ونهلكت الزبدة انك لا تاجلين امشي علي الخطة وربي يكتب لك اللي فيه الخير...

مشكوره جد جد استفدت منكم
بس معدلي 2.387 م اتوقع يخلوني اخذ اكثر من 6 مواد 😢

[Aisha511]

انا مثلكك ماتقبلته وباخط ٣ مواد تخصص بجربه اذا ارتحت كان بها واذا لا بحول

[Aisha511]

ومواد تخصص تاريخ تكفون سهله ولا كيف وشرايكم بالدكاتره

تاريخ السيرة النبويه عند الشيخ ادريس !
مدخل الى علم التاريخ الشيخ عبد الفاتح ادريس !
تاريخ اليونان والرومان عند مها البديع
والحضضاره الاسلاميه عند سها الحجي


قولو لي كيف سهولة المواد والدكانره كيف بالله !!!

[روااااان]

انا مثلك بس ان شاء الله اقدر اغير :(

[MOoON 07]

انا صراحة بحكم اني من قسم تاريخ لكن عمري م شفت نفس دكاترة هالقسم امانة عشان م نظلمهم متعااونات اخلااقهم زيييينه مع الطالبات .. انا من تجربتي درست مواد من قسم جغرافيا و عربي و دراسات من المواد العامه او تبع التحضيري دكتورات مع الاسف م تعتبرك طالبه جامعية كانك ثنوي عكس تعامل قسم التاريخ و م اقول هالكلم مدح من فراغ لكن هذا اللي نشوفه منهم و الكل يشهد ع هالشي و يساعدون بالدرجات يعني الدكاترة الرجال اكثر من واحد بأول محاضرة يقولون ولا طالبة ترسب عندي و فعلا م يرسب الا اللي ممره درجتها م تساعد ع النجاح.. اما اذا بنتكلم من ناحية المواد فلكل قسم مواده الصعبه و هذا الطبيعي لانها دراسه جامعيه مو اي شي لكن لاا تخافين الموااد اكككثرها سهله يعني بس كم ماده اللي صعبه ممره ..

و ع العموم اتمنى اني افدتك بشء و ربنا ييسر لك و يفتح عليك..