اتوقع محد متنح كثري بـ هالجامعه . بسجل موادي . ممكن أحد يسآعدني الله يفرج لكم

[...بس أحبني...]

السسسسسسسسلام عليكم ..

دايم اذا تلخبطت وتشتت بالمواضيع وانلحست .. أسوي موضوع لي .. يعني ( لحد يقول فيه مواضيع وروحي لها ) فـ أعذروني لآني جد اصير ما استوعب وبموضوعي أجمع بنات افكاري

انا الحمدلله خلصت مستوى اول وثاني ومامعي مواد .. وكنت حاذفه النحو2

الحين طال عمــركم انا اول شي ناويه أمشي على الخطــه عشان ما اتلخبط خصوصا اني مو مره فاهم بأنظمة الجامعه
وصديقتي نصحتني تقول آمشي على خطتهم لآنها هي كانت تاخذ مواد من هنا وهناك وشكل الوضع ماعجبها ولخبطها زيادة

الحين ابي آخذ النحو هالمستوى شرايكم عشان ارمي همـه ..
مع الجدول حق مستوى ثالث صارو 7 مواد صح .. ابي اضيف مادة او مادتين اذا يصير .. وابي اقتراحكم عشان مايكون فيها تعارض للجداول القادمه .. وربي مو فاهمه شي بس بسوي مثلكم لآني مع الخيل ي شقرى ـآء

الحين اللي ابي أعرفــه .. بالتفصيل
كم لازم آخذ من ماده هالمستوى وكم عدد الساعات المتاحــه لي
وهل لو اخذت النحو2 يكون فيه تعارض بجدولي حق مستوى ثالث !!
ووش تنصحوني آخذ من مواد المستويات الجـآيه عشان اخفف علي , وبنفس الوقت ما يتعارض مستقبلا مع أي شي

ونسيت شلون أسجل موادي فيه موضوع فيه شرح ولالا :(
وشكرا لكم عسى ربي يوفقكم ويفتحها بوجهكم .. دايم آحصل جواب شافي وكافي من أصحاب المنتدى ربي يفرج لكم دنيآ وآخرة !

[Mazeedah]

انا مثلك ومدري وش اخذ وش اخلي طبعاً مستوى ثاني بأخذ منه التلاوة والتجويد وش رايكم ب اللغويات؟؟؟؟

[آلاء خالد]

خدي النحو ومادة من مستوى رابع مثلا مدخل الى اللغويات

[reaching higher]

يوم اختبار النحو .. فيه ماده ثانيه .. لكن الفترة مختلفة ..

يعني اذا بتنزلين نحو2 مع كل مواد ثالث .. بيطلع لك يوم فيه اختبار مادتين (مو تعارض) ..

[عطرالحياة]

وعليكم السلام ورحمة الله وبركاته

إذا ماعندك تعارض بجدول الإختبارات بإمكانك تسجيل نحو2
ومعنى تعارض أنه يكون عندك إختبار مادتين بنفس الفترة
وارجعي لجداول الاختبارات الخاصة بقسمكم
والأفضل لك طبعاً إنك تمشين على الخطة الدراسية

بالتوفيق

_

[ابن خلدوون]

أنصحكم تمشون على الخطّة الدراسية وبإمكانكم تضيفون مادة أو مادتين من المستوى القادم ..

إذا كان المجال يسمح لكم بذلك ..

أهم شيء لاتتركون مواد من المستوى الحالي او المستويات السابقة لأنها ستسبّب لكم تعارضات بالمستقبل ..

[الدره]

الله يوفقك خيتوووو

وربي ما آلومك بتخصص كنتي ستعزلين عنه وتلاقين نفسك مجبوره عليه

ولكن حبي هالشي وخليه دافع لك آنك تطورين لغتك ولا تحبطين

وربي يوفقك

[ابوالعيال]

اذا اضفتي النحو 2 على نفس الخطة
بيكون عدد الساعات 18
بكذا يمديك ولا راح يكون في تعارض
الجدول في المرفقات
بتوفيق للجميع

[reaching higher]

هي تخصص انجلش مو اجتماع ..

الجداول طبعا مختلفة

[...بس أحبني...]

Mazeedah : والله مدري يا قلبي ننتظر أحد يفيدنا وش ناخذ من المستويات الثانيه

آلاء خالد : ي بعدي أي ناويه آخذ النحو ان شاءالله ومادة ثانيه بس مدري وش هي بالضبط :(

reaching higher : الله يسعدك على التنبـيه .. مع انهم الترم الاول قالو مافيها تعارض أبد ومادريت انها بتصير مع مادة ثانيه .. طيب لو خذت نفس جدول مستوى ثالث بيكون من بكرة عندي شي ولالا لآنه ضغط علي

عطرالحياة : ناويه أمشي على الخطه بإذن الله .. بس بشوف اول وش المادة اللي اضيفها مع النحو :( تسلمين لي

ابن خلدوون : معاك حق .. وعشان كذا احاول اتخلص من المواد حقت المستوى السابق وربي يوفقك على النصيحه

الدره : الله يسسعدك على كلامك .. كلام يريح الواحد ويبعث فيه التفاؤل .. ربي يوفقك وين ماكنتي شكرا لك

ابوالعيال : يعني بس النحو اللي اقدر اضيفه .. ما اقدر اضيف مادة ثانيه من مستويات أخرى !!!!!!!!!!!



يعني النحــو بيكون بالإختبار معه مادة ثانيه بس بفترة غييييييييييير !!!!!! :( وش هالحظ