الجامعه السعوديه الالكترونيه تمنح شهاده انتظام

[Memo bnt nasser]

السالفه زي ماهو مذكور بالعنوان

وانا اتصفح بتويتر شفت اعلان للجامعه وان شهادتهم انتظام

مع ان مافي فرق بين دراستهم ودراستنا ماعدا انها باللغه الانجليزيه

[أم يزيد]

طيب شكلي بعادل المواد واشوف اش يصير بس هم فتحوها ولا لسه

[أبو تركي الرياض]

حتى ولو ..
يكفي اسمها : الجامعة السعودية الإلكترونية

[absentstar]

نعم انتظام ولكن تجبرك يوم بالإسبوع تحضره وتحدده مسبقا ً

[وفاءٍ للعلم]

طيب هدا منو الافضل احنا والا الالكترونيه

[wdo0-]

عادي نحضر يوم واحد بس هل فيه بكذا منطقه ولا منطقه محدده ، وهل نقدر نحول لها اذا عادلنا المواد ؟

[طموح فتاه]

إذا مو من حقنا يكتبون على شهادتنا انتظام .. فآنه أكبر ظلم لنا كتابة انتساب

[عبدالله الاشهب]

اتوقع والله أعلم انك لازم تحضر يوم بالاسبوع ومراكز الحضور بالدمام والرياض وجده فقط بالتوفيق للجميع

[InSpIRe]

للاسف قدمت عليها السيمستر السابق ولا انقبلت ولاعرفت السبب.
امس بحسابهم بتويتر شفتهم كاتبين شهاده التعلم عن بعد غير مقبوله لديهم .
حاولت اتواصل مع الدكتور عبدالله النجار لانه انتقل من جامعه فيصل الى الجامعه الالكترونيه لكن حسيت ماراح استفيد شي.

[vanillastar]

المشاركة الأصلية كتبت بواسطة memo_sss

السالفه زي ماهو مذكور بالعنوان

وانا اتصفح بتويتر شفت اعلان للجامعه وان شهادتهم انتظام

مع ان مافي فرق بين دراستهم ودراستنا ماعدا انها باللغه الانجليزيه

لا في فرق يا قلبي.. وفرق كبيييييير بعد ..

اختي تدرس هناك والكلام الي اقوله لكم من واقع تجربتها مقارنة بتجربتي ..


اولا: لازم حضور بنسبة 20 % يعني يوم في الاسبوع يجمعون كل المحاضرات الي عندك ...وتحضرينها في يوم او يومين على حسب الساعات والجدول ..بس الاغلب يجمعونها لك في يوم .. بمعدل ساعتين لكل مادة ...

اختي تروح من العصر ولا ترجع الا فوق العشر ..

بعض المحاضرات تحضرينها اون لاين ولازم تحضرين في نفس الوقت عشان تنحسبي حضور .. فرق عنا احنا ..
حتى المحاضرات المباشرة نقدر نحملها وقت الي نبغى ! ..

ثانيا: عندهم واجبات ومناقشات واجد واصعب من الي عندنا بمراحل ..لازم يحلونها خلال الفترة المحددة عشان تنحسب لهم ..
مقارنة ان واجباتنا كلها اختياري ..ونقدر نحلها اي وقت خلال السمستر

ثالثا: الدراسة بالانجليزي .. ويمكن يكون هالشي عائق لدى البعض .. يدرسون اول سنة انجليزي مكثف والي ما يعدي الانجلش ما يقدر ينتقل الى التخصص ..!

رابعا: تخصصاتهم قليلة ومحدودة .,

خامسا: صعبه وضغط ضغط .. يعني ما تنفع حق الي ما عندهم وقت كثير للمذاكر .. وابدا ما ينفع معاها اسلوب افتح المادة ليلة الامتحان او حتى قبل الامتحان بيومين!! .. اساسا في شغل وواجبات ومد تيرم طول السمستر..

سادسا: اختي الحين مستوى ثالث .. وهي اول دفعة للجامعة .. كل التخبط والتجارب عليهم .. كل يوم طالعين لهم بقرار ومجربينه فيهم ..

سابعا: شهادتها انتظام .. وشهداتنا انتساب ..

ثامنا: رسومهم اقل من رسومنا .. اظن الساعة ب 130 او 135 مو متأكدة ..واحنا الساعة 165 ..

يعني بالسمستر هي تدفع 1000 وعليها ما ادري كم بالضبط بس انو اقل من 2000 .. وانا رسومي بين 2500-3000

انا من راي هي يمكن كشهادة .. وزارة التعليم العالي قاعدة تحاول انها تدعمها وتخليها قوية .. وفي مخطط في المستقبل ان يكون التعليم عن بعد منحصر فيها فقط ..هي مناسبة للطلاب الي عندهم تفرغ كامل لدراسة ,, وما حالفهم الحظ ينقبلون في جامعات انتظام ..

اما الموظفين او الغير متفرغين لدراسة لاي ظرف ما راح يقدرون لانها ضغط وتحتاج شغل ومذاكرة طول السمستر ..

ان شاء الله يكون ردي مفيد لكم تحياتي