[ المناقشات ] : ::[ فضفضة .. غـصـتن بالحلقَ ] ::

[glg]

"



سنخير للكل


اول شيء : آبآرك للجميع الانتهاء من وجع الرأسَ ورفعه الضغط دكاترة ( ساسا ) < نسبة الى ملح ساسا




< ظريف الولد .. وايضا نقول ان شاء الله مايضيع لنا تعب وجهد تعبناه ونحصده باذن الله بالنجاح للكل ، رغم أنفَ من ابى ( تسمع يالدوغآنَ ) ..



ثانياً : عندي بعض البربرة ناشبتن في تسبدي من بدينا اختبارات وادري بأن فيه ناس كثير ناشبتن ايضا بحلوقهم

وتسبودهم نفس الشيء بس يحتاج لهم شوية ( قاز ) ويثار لمعان وبريق فضفضتهم ..


المجال للجميع مسموح للمشاركة ولكن راح تكون المشاركات مثل المتواليات المنتهيه لها حدود ..



واللي بيرمي كلام مالها سنع ويمشيَ .. الله لايهينه يلف كلمته معه ويحطها بالثلاجه لين يجي رمضان ويطلعها

وياكلها بدال السمبوسه



الزبدة > كل اللي فوق مدخلَ توزيع طبيعي


الترم هذا كل واحد مننا جاه احباط عجيب مصطفى الدفعه وبشير الدفعه .. الدافور .. واللي مشي حالك

بالجوال


من اهم وابرز التحديات اللي واجهتنا من الجامعه وهذا الشيء سلبي للغايه عليهم .. اللي هو عدم البحث

عن مصلحه الطالب والمردود العلمي والاكاديمي اولا ثم المادي ثانيا


يعني انا اتسأل الحين دفعه باعداد مهوله تركت اعمالها واشغالها وجت تدرس علشان تحسين من الوضع العملي

في الحياه نروح كلنا غلطه من كاتب اسئلة بدال 1 اضاف معها 0 وتغيرت الحسبه كلها والطالب تغير مخه معه

وقام يضرب اسداس باخماس لين الاله قالت يرحم امك فكني ورني المساله انا احسبها عنك


وين دور دكتور المادة مايشيك ورا طباعه الاسئله .. الواجب يطلع عميد التعليم عن بعد من الجحر التويتري اللي

متوزي فيه .. ويغرد بصوته الشجي المبحوح ويعتذر للجميع عن ماحصل ويبادر هو اولا بالتصحيح هذا من جانب


ويعوض الجميع بلا استثناء .. الجانب الاخر .. الاستهتار الصريح من قبل بعض الدكاترة وكانه داخل ترم كامل وعايش دور البعير الحاقد


ليه ؟؟


وش ذنب اهالينا اللي ينتظروننا نطلع بس ونقول ابشركم اني عديت او حليت زين لابد تنكد علي وعلى اهلي


كل هاذا علشان تتفاخر بالدرجه العلميه اللي عندك .. ؟ والا ناقصك دعوات جاي تدورها من طلابكَ ..

ترا للمعلوميه يادكتور .. بعض الطلبه ماقد شافو خشتك يفتح تشغيل المحاضرة بس اول ما يسمع الصوت يقفل


الصفحه علشان تحسب الدرجة .. ترا مامن شفقه عليك والا حبن فيك بتابعك 14 مرة


لكن فيه اشياء تتطلب اني اتحامل على نفسي واصبر واسمعك لين تشرح وتخلص ولعلي بالاخير افهم وش قلت ؟


رساله لكل من ظلمنا في هذا الترم سواء دكتور / كاتب / مصحح / مراقب ... الخ

تاكد بأن الله يمهل ولا يهمل .. وانك سوف ترا عاقبه فعلت فيك او في من يعز عليك


[ مايستفاد من القرق اللي فوق ] ..


1- كلامي عبارة عن وجهه نظر خاصه فيني لاتمت للكل بصله كل واحد وله لسان يحتسي

2- حسبنا الله ونعم الوكيل على من ظلمنا .

3- من اسوء الاترام اللي اديتها من انضمامي للجامعه .

4- كلمة لمعدلي العزيز : < ادري اني صدمتك صدمه ماتتوقعها لكن وش السوات والحيله اذا طاح الجمل كثرت سكاكينه .

5- لكل دكتور مازال متمسكا بمبدا الانصاف ارفع لك قبعه الاحترام والتقدير .. وواصل بادائك وتسهيل مادتك لطلابك

يكفيك دعوة من القلب قد تحتاجها من رب العباد .

بالنهايه والختام الدعوة نقاش وفضفضه ..


سلام

[reema*]

[Veronica]

اية ولله من اسواء الاترام الي مرت علي :(

[sws]

بكل أسف الجامعه مدحدره ووضعهم مؤسف والطلبه الضحيه

[وضح النقا]

شر البلية مايضحك ,,,,,, في بعض الاحيان ينتابني شعور غريب للغاية ويترجم هذا الشعور برمزيات عقلية داخلية في مخيلتي قد اقرأ الافكار المختبئة فيها والتي تقول لماذا ندرس الجامعة بعد مضي هذه السنين وما الذي جعلنا نتجه هذا الاتجاه (بعا هي ردة فعل عكسية في حالنا هذا اليوم ومع هذا المستوى بالذات ولكن مجمل القول ان هناك ثمة أشياء تدور ومعها فكرة في الانسحاب من هذه الجامعه لغرض المحافظة على الصحة وتجنبا لحدوث كارثة مثل الامراض المزمنه الضغط والسكر ولكن هناك حال يقول ان نبقى مثل جبل طويق صامدين مواجهين كل الظروف ونحتزم بحزام الصبر وعدم الضعف في اصعب المواقف .

[glg]

المشاركة الأصلية كتبت بواسطة وضح النقا

شر البلية مايضحك ,,,,,, في بعض الاحيان ينتابني شعور غريب للغاية ويترجم هذا الشعور برمزيات عقلية داخلية في مخيلتي قد اقرأ الافكار المختبئة فيها والتي تقول لماذا ندرس الجامعة بعد مضي هذه السنين وما الذي جعلنا نتجه هذا الاتجاه (بعا هي ردة فعل عكسية في حالنا هذا اليوم ومع هذا المستوى بالذات ولكن مجمل القول ان هناك ثمة أشياء تدور ومعها فكرة في الانسحاب من هذه الجامعه لغرض المحافظة على الصحة وتجنبا لحدوث كارثة مثل الامراض المزمنه الضغط والسكر ولكن هناك حال يقول ان نبقى مثل جبل طويق صامدين مواجهين كل الظروف ونحتزم بحزام الصبر وعدم الضعف في اصعب المواقف .

يسلم بؤك ياباشا


عيد يخرب بيت عدوك عيد

[وضح النقا]

المشاركة الأصلية كتبت بواسطة glg

يسلم بؤك ياباشا


عيد يخرب بيت عدوك عيد

الخطير اسلوبك الجميل تسلم ياكحيلان

[ameera.co]

مدري وش فيهم الدكاتره مستلعنين هالفصل
كل واحد فيهم يقول ادعوا علي اكثر

الدوغان يدعون عليه مستوى اول ومستوى رابع


عموما كان اسوا فصل مر علي

[glg]

المشاركة الأصلية كتبت بواسطة ameera.co

مدري وش فيهم الدكاتره مستلعنين هالفصل
كل واحد فيهم يقول ادعوا علي اكثر

الدوغان يدعون عليه مستوى اول ومستوى رابع


عموما كان اسوا فصل مر علي

للاسف ..


بحكم احتكاكي المباشر بحكم العمل الاغلبيه اللي مرو علي يمارسون سلطات المركزية .. وحب التسلط

وفرد العضلات .. والمصيبه الادارات العليا تكافئهم وتعطيهم اعتبار فوق المستحق ..


واللي ( على النيه ) | وهمه في هالدنيا يؤدي عمله يرضي به ربه ورسوله .. وينعم فيما اكرمه الله من منصب

تلقى ادارته اللي فوقه -> معطينه أشكلَ .. زي قولت وزع مره ثانيه ياحبيبي وحسن خطك بالتوزيع


زي قوله ياتصير مثل فلان او خلك على قردكَ


> بديت اغطي على شي آخر بالشرح

[منو الامورة]

كلام من جد جميل يعبر عن اراء طلاب هذا المستوى

بصراحة اسوا مستوى مع انه كمواد مو صعبة بس الدكاتره لفو وداروو للاسف كاننا بينهم وبينا ثار قديم

مانبي تكرار للاسئله بس بلاش تلف وتدور وثانيا مانبي كل الاسئله سهله جيب جزء منها سهل وجزء معقول وجزء يعتمدعلى الذكاء بس لاتخرج عن المنهج

اتمنى يفكروا بسياسيه جيده لوضع الاسئله..