[ شهادة التخرج ] : يد واحده للحصول على شهادة تربوية

[الظويفري]

السلام عليكم ورحمة الله وبركاته
صباح الخير

رأيت مواضيع كثيرة عن أن الشهادة غير تربوية

وذكر أحد الزملاء في موضوع مصيبه مابعد التخرج .. ضياع ...
أن الانتساب لايمنحون شهادة تربوية
وأن جدارة لايقبلنا <<<المصيبه في الجامعة وليست جدارة



هذا غير صحيح شهاتنا ( حسب النظام تربوية )

لأن درستنا تربوية ودرسنا مواد تربوية :
1.مبادىء علم النفس
2.مبادىء التربية
3.بناء وتطوير المناهج
4.علم النفس النمو
5.التوجيه والإرشاد
6.تقنيات التعليم
7.علم النفس التربوي
8.أستراتيجيات التدريس
9.التقويم التربوي
10.التوجيه والإرشاد النفسي
11.مهارات الاتصال
12.علم النفس الفسيولوجي
13.تصميم وتطويرالدروس
14. مبادئ التربية
15. مبادئ علم النفس
16. طرق تدريس خاصة
والمصيبة الكبرى 17. تربية عملي (8)ساعات وطبقنا بمدارس بواقع 60 ساعة

ومع كل ذي المواد التربوية والتربية العملية نمنح شهادة غير تربوية هذا ظلم
مهما كانت دراستنا أنتظام أو أنتساب

التربوي والغير تربوي تعود ع الخطة الدراسية أذا درست مواد تربوية تمنح شهادة تربوية
ونحن درسنا 16 مادة تربوية + تربية عملية

المطلوب
تقديم معارض ع العميد بمنحنا أفادة تثبت أن دراستنا تربوية لكي يتم قبولنا في جدارة اسوتاً بزملانا في الجامعات الأخرى ( ونستطيع أثبات ذلك )

وأنا راح أقدم يوم الاحد طلب أفادة بتوضيح كل ماذكرته أعلاه

ملاحظة : لم أسجل في جدارة لحد الأن بل شفت وثيقة أحد الزملاء وعلى كلام الزملاء الي في المنتدى أن جداراة رفضها بحجة أنها غير تربوية


وأختم كلامي أن قريبه لي سجلتها أنا بنفسي في جدارة تخصصها تاريخ ورفض جدارة ع أنها غير تربوية وتوصلنا مع جامعة القصيم عن طريق معروض أنها درست 5 مواد تربوية فقط وتربية ميداني 4 ساعات
وأعطونا أفادة وأرفقتها مع الوثيقة لجدارة وتم قبولها ولله الحمد وهي أنتساب
وأعطيكم صورة من الافادة التي أتمنى أن تمنحنها لنا الجامعة
أذا تكاتفنا فسوف نحصل عليها بأذن الله
والهمه الهمه والحاضر يعلم الغائب


والسلام عليكم

[°¤©>max<©¤°]

الله يعطيك العافيه فعلا كلامك مابعده كلام وانا يوم سجلت في كتبوا لي ( غير تربوي ) وانا متخرج من كليه التربيه ومتجاوز قياس ومعدلي كويس والله شي يقهر

والله يكتب لنا الخير جميعا

[البارونه 11]

كلام جميل نتظر التطبيق للواقع

[دلع فوشيه]

شيء جممممممممميل انهم رح يعطون الواحد افادة تربويه

ان شاءالله يوافقون ويعطونا

يلا ب انتظار وش يصير معكك

[AmoOoOlh]

طيب اخوي كيف نطالب الجامعه نراسل العميد ؟؟؟؟

[دلع فوشيه]

أرسلت له ع طويطر مرتين قلت له نبي افادة منك ب اننا تربويين مايرررررد هالادمي من شهر طلبته وقبل أسبوع تقريباا

[دارسين]

فكرة ممتازه بس يبغالها متابعة من القريبين من الجامعه

[Мαнαвн]

والله احنا معاكم قلبا وقالبا اجتمعوا الشباب لان احنا ما نقدر ندخل عليه واذا صار وفي اجتماع اللي بتقدر بترسل ولي امرها
انا استلمت وثيقتي بس لسى ما قدمت بجدارة
بس الله يكتب لنا الخيره باذن الله
ومايضيع حق وراه مطالب

[يارب تحقق أملي]

لازم افاده انا صديقتي سجلت كتبو لها غير تربوي وش هالظلم حسبي الله عليهم ع هالجامعه ن دخلنا هي تقول كلية التربيه تربويين الحين وضح كل شي انتم ي اخواني تقدرن تروح وتتواصلون احنا ي طالبات ابد مانقدر حنا نحط حيلنا بالتويتر الهمه الهمه حرام يضيع علينا شي حسبي الله ع من كان السبب

[قلم HB2]

حسبي الله عليهم الله ياخذ حقنا ضيعونا
ولما جيت وحاججت قالو انتساب القديم وطورناه
ماينفع نسكت عن حقنا سكتنا ع مسمى شهاده اتمنى نكون يد وحده ومانسكت عن الشي هذا انا عني حاطه حيلي بالتويتر