بلا عنوان عجزت أدور عنوان لموضوعي

[عباس]

السلام عليكم ورحمة الله وبركاته
:praying:اللهم صل على محمد وآل محمد:praying:
:praying:بسم الله الرحمن الرحيم:praying:
حلمت ان مكتوب على الجدار كلمه مااعرف معناها جقيقةً تاليت
وبعدين على طاولة التليفون سفره دائريه اللي تكون بالسعف والتليفون ماكان موجود على الطاوله وكان شكل السفره حلو يعني موب لون واحد وبس في عدة الوان وكان في وسط هالسفره شكل مبتسم يعني وجه وجالسين خواتيه الثنتين وانا معاهم نطالع في هالسفره واسئلتيه اختيه
بكم هاذي قلت لها مكتوب عندش كان عندها شيء طويل ماادري شسمه ومكتوب عليه اسعار
زي الطباعه اللي تكون مكتوبه على الشيء اذا شريناه من البقاله وطالعت من فوق لمن تحت في هالشيء اللي ماادري شسمه ووصلت لرقم قريب من تحت هالشيء ومكتوب 24 باأنجليزي
وقالت اختيه شوفي ب24 وطالعت في الرقم وتالي طالعت فيها ولا قلت لها شيء وقالت ليش ب24
وتتحلطم وتعيد وتزيد يعني ازعجتيه ولا قلت لها شيء وتالي طالعنا في السفره انا وخواتيه و
يسئلون مين ذي مسويها ماادري شنه احد قال ان مسويها واحد يعني عرفنه ان مسويها واحد بس ماعرفنه اسمه المهم وبعدين راحت اختيه اللي كان عندها الشيء اللي مساعه المطبخ واختيه الثانيه ماادري مابينت ولا شفت الا بنت اخويه جالسه جنبيه يعني انا مني وجنبيه تكيه
وبنت اخويه جنب التكيه
وبعدين رحت انا المطبخ وشفت اميه الله يطول في عمرها ويخليها ليه:praying: عندها كاس حليب
ابيض صافي يعني ابيض ابيض مثل الحليب اللي يكون لونه ابيض يعني مثل القرطاسه
المهم وشفت على دولاب المطبخ في كيسة بريده وكانت يابسه مثل البخصم وفي كيسه جنبه بس ماعرفتها وقلت في خاطريه بقمس هذا البريد مع الحليب لانه يابس وقالت ليه اميه

تبقين حليب وصبت ليه وحطت ليه صحن كبير (كبر صحن الغدا) فيه رهش واجد من النوعيه اللي فيها فستق واجد وجات بنت اخويه اللي في الصاله اللي مساعه واكلت شوي معايه ورن الجرس
ورحت انا بفتح الباب مريت من باب المطبخ ورحت الصاله الا شفت كيسه فيها علب شنها علب حلوى (اقصد علب الحلوى البحرينيه)
وكانت الكيسه كبيره لونها اخضر تقريباً وتحت وجنب هالكيسه كيسه بطاطس كبيره كامله
هذا اللي يبيعونه في البقاله على نكهة الخضروات ام ريالين
وتحت هالكيستين في درج فيه اشياء بس ماعطيته وجه وقلت لبنت اخويه اخذي الكيستين
لاحد يشوفهم بروح افتح الباب ورحت انا وفتحت الباب وطلع الجاي خاليه ودخل خخاليه من
لباب الصاله ورحت انا ودخلت من باب المخزن علشان اروح المطبخ آكمل اكل الرهش
وشفت لمبه حمرا مشغله في المخزن وتويه بدخل للمطبخ الا اشوف ذيك الوزقه وااشرت عليها بصبعيه السبابه من اليد اليمنى واصوت اقول وزقه وزقه وشنه اختيه اللي مساعه تتحلطم
تقصص طماط يعني ماشفتها بس حسيت انها تقصص طماط وجات بنت اخويه وكانت لابسه نعال (عذراً على هالكلمه) وقالت بتوطي على الوزقه ووطت عليها وجابت اميه العسو
(ملاحظه على حد علمي انت من الحسا واكيد تعرف معنى كلمة عسو)
وتبقي تطقها اميه بالعسو الا شفت الوزقه كبرت والتفت حول رجلها اليسرى وقامت تصوت
وبعدين اكبرت وصارت حيه والتفت حول كتفها يعني مو كتفها بالضبط يعني تقدر تقول كوعها
واختيه واميه يبقون يوخرون هالحيه من عليها ولا راضيه توخر لدرجة انهم وصلو للمخزن ولا وخرت
وانا اطالع فيهم تقول مسبهه ولا شنيه موجوده قلت في خاطريه لاتعظها ويطلع دم بعدين تموت
بس اذا رحت بوخر هالحيه يمكن تمسك فينيه انا وانا اطالع وكبر حجم الحيه ولونها اسود
وتخوف وبعدين شفت نفسيه ماسكه بنت اخويه واحاول اوخر الحيه تعبت وانا افتخ ومو راضيه لدرحة انيه عصبت وانا اوخر فيها قلت لاتنجرح وفتحتها ووخرت ولما وخرت صارت شلب اسود عيونه
مبققه يطالع فينيه وانا اطالع في التهويه من باب المخزن شفت خاليه بيمشي وفي قطوه ماادري
شلبه وقلت في خاطريه اكيد بيشوفها الشلب وبيروح معاها وشافها وطلع من باب المخزن وانا اراقب فيه علشان يطلع واسكر الباب كان يطلع ببرود ولاشنه مسوي شيء وانا متصروعه
و انا اسكر الباب يعني تويه بطبق الباب الا جا الشلب زي اللي بيفدع الباب ولا تسكر الباب عدل
وانا ازعق هيفاء هيفاء هيفاء .........
(ملاحظه بنت اخويه اصغر منيه بكمن شهر يعني انا اكبر منها ب6شهور
ولا عندنا وحده في عايلتنا اسمها هيفاء والله مستغربه من هاذي هيفاء
وانا ازعق هيفاء الا ترز الساعه تررررررررررررررررررررررررررن واجلس من النوم مختلسه من هالساعه ورقعتها وبس وخرت يديه من على الساعه قال الموذن الله أكبروحمدت ربيه ان الساعه رنت والا شان الشلب اكليه ورحت في خبر كان)
ملاحظه اللي باللون البنفسجي حقيقه


أعذرني اخويه انيس النفوس على مارود اعلاه لأنه طويل طويل يعني بالتفصيل المممل
الممل جداً جداً جدا تعبت وانا اكتب وبتعبك وانت بتقراه ولكن بتضحك على الكلمات الحساويه البحته
(اللهم صل على محمد وآل محمد اللهم إن لم تكن رؤيايا رؤيا صالحه فأجعلها رؤيا صالحه بحولك وقوتك فإنه لاحول ولا قوة إلا بك اللهم أرزقنا الجنه اللهم ولا تسلط علينا من لايرحمنا اللهم أنصرنا
عليهم اللهم خرب وهدم بيوتهم اللهم من علينا بثوب الصحة والعافيه اللهم انصر من نصر الدين
اللهم اخذل من خذل الدين اللهم شافي مرضانا ومرضا المؤمنين والمؤمنات اجمعين
اللهم أبني لأنيس النفوس بيتأ ومسجداً في الجنه وصلى الله على سيدنا وحبيب قلوبنا محمد
وعلى آله الطيبين الطاهرين):praying:
صلوات:praying:
مع السلامه

[غريبه بين اهلي]

آآآآهـ

شطول حلمك يا عبآآسـ

انا صحيح حساويه بس والله في كلمات ما فهمتهم قمت احك براسي ابي اطلع شي ما طلع معاي شي
خخخخخخخخخخخ

الله يكتبه حلم صالح خخخخخ يعني رؤيا صالحه كل هذا ويطلع بالنهايه اضغاث احلام حسافه عليهـ يا اخوشـ

ههههههههآآي

والله يا حظكم تحلمون احلام انا ما احلم وإذا حلمت ما اتذكر

انا السينما حقتي ما فيها أفلامـ !! O_o كله فاضيه

الظاهر خسرانه بالأسهمـ << برااا

خخخخخخخ
قاعده اطلع برا النص

يلا لنا عودهـ بعد التفسير هع ^_^

[عباس]

اللهم صل على محمد وآل محمد
أذكري الله
صل على محمد
لاتنظلينيه:103:
يبقي ليه اقرأ المعوذات:praying:
والبس فص ازرق
خلاص أكيد انه أنيس النفوس بيفهم الكلام :103:انتي ماعليش الا تاخذين التفسير :103:
وشكرررررررررررررراً
على مرورك الطيب

[مــآآي الــذهب]

كيف نفرق بين الرؤيا و أضغاث أحلام؟؟؟؟؟؟؟؟؟؟

الحالات المتفق عليها انها رؤيا ما يلي :

1-ان الرؤيا ترسخ في الذهن وتطالب صاحبها بتفسيرها قبل ان تقع وإذا وقعت عرفها
وقد اخذ هذا من رؤية العزيز وإصراره على معرفة تفسير حلمه


2- حفظ أحداث الحلم وعدم نسيانه رغم مرور أكثر من ثلاثة أيام

3- تكرار الحلم نفسه أكثر من مره

4-صاحب الحلم ليس من عاداته كثرة الأحلام

5-ان صاحبها لم يفكر فيها مسبقا

6- تكون افكارها جديدة قد تلامس واقعه الذي يعيشه

7 -أن تكون قصيرة

وأما ما تشير إلى أنها أضغاث أحلام فمنها

1-نسيانها أو نسيان الكثير من أحداثها في فتره قصيرة جدا

2-ان يكون صاحب الحلم كثير الرؤى حتى لو كان يذكرها

3-تكون أحداثها من أمور حياته أليوميه أو ألعائليه

4-نوم صاحب الحلم وهوه زعلان أو شبعان أو يعاني من مرض

5-نومه صاحب الحلم وهوه يفكر في موضوع معين ويتمنى حصوله

6- ان يكون الحلم قي أوقات لصلاة فانه من تلاعب الشيطان

:075:

[أنيس النفوس]

حياك الله .... ماي الذهب


إنا ما قلته غير صحيح على الإطلاق


و لك تحياتي ،،،،،

[*"الحالمة"*]

ايه والله عباس وش طوووول حــــلمك!!
و ووش هالمصطلحات اللي جايبتهم!
تصدقين والله الفشيلة اني مااعرف وش هالوزغة! بس شكله حشرة والله اعلم يمكن يطلع البريعصي <----<<بالحساوي
يلا عسى يكون له تفسير ولا شي!

*"مع خالص محبتي"*