[ صعوبات تعلم ] : تحديد المدارس في التطبيق

[Ŕǝđ Ɓϋtterflÿ]

انا راح اطبق بالرياض أن شاء الله ومرتبكه لاخر حد

استفساري هو :
وين موقع إدارة التعليم في الرياض ؟ وممكن الكروكي أو وصف الدقيق لمكانها "
ومتى اراجعهم ، وهل هم من يختارون المدرسة ولا انا ؟؟
و إذا رحت لهم وش اسوي هناك ووين اروح اكيد فيه مكاتب كثيره ؟
انا ارهقت لاخر حد من الجامعه
ياربي أخلص على خير

[نآصر]

ههههههههههه ياكثر آسئلتك

/العنوان :الرياض - حي المربع - بالقرب من وزارة الداخلية

تراجعينهم اذا فتحت الايقونه الي تأخذين منها الاوراق

هم يقولون لك عن المدارس المتاح فيها التطبيق وانتي تختارين

بالنسبه وين تروحين كل شي راح يحدد من قبل الجامعه الحين اهم شي تفتح الايقونه حقت التطبيق وبعدها انشا الله كل شي يزين

<< تعبت ههههه

[سلمان اللحيدان]

المشاركة الأصلية كتبت بواسطة Ŕǝđ Ɓϋtterfl&yuml;

انا راح اطبق بالرياض أن شاء الله ومرتبكه لاخر حد



راح تطبقين بالرياض وفهمناها لكن مرتبكة وش تبين يسوون لك الأعضاء والعضوات وش المطلوب !!!!!!

استفساري هو :
وين موقع إدارة التعليم في الرياض

اذا بتروحين مع اخوك هو راح يتكفل بمهمة ايصالك للمكان الصح .... واذا مع ليموزين أكيد يدل المكان بالضبط حتى لو بسأليتيه عن أماكن كاميرات ساهر بيدلك عليهن !!!!!!!!!!!!!!



؟ وممكن الكروكي أو وصف الدقيق لمكانها "


الشيخ جوجل عنده العلم الوكاد !!!!!!!!!!

ومتى اراجعهم ، وهل هم من يختارون المدرسة ولا انا ؟؟

تراجعينهم اذا فتحوا ايقونة التطبيق والمعلومه هذي معروفه ,,,, سواء هم اختاروا والا انتي اللي بتختارين وش الفرق ,,,, يعني لو هم اختاروا وما جازلك الخيار بترفضين مثلا !!!!!!!


و إذا رحت لهم وش اسوي هناك ووين اروح اكيد فيه مكاتب كثيره ؟

سوي حركة الدوده والا من تدخلين من الباب الرئيسي رقصة البطريق لين ماتوصلين للمكتب المختص ,,,,
طبعا أكيد فيه مكاتب كثيره اسألي أي مكتب وروحيله على طول !!!!!!


انا ارهقت لاخر حد من الجامعه

الله يعينك على الارهاق !!!!!




ياربي أخلص على خير

آمين

معليش كل اسألتك مضمونها دلع بنات

[Ŕǝđ Ɓϋtterflÿ]

نآصر ..
الله يجزاك خير على ردك صحيح اسئلتي كثيره لكن مالي غير المنتدى اسأل فيه :( اعتذر عن الازعاج :d
سلمان اللحيدان ...
ياخي احد طقك على يدك وقال رد عليها ياخي اذا مانت مشتهي ترد لاترد�� كأني اطبق كل يوم ��
وبعدين مايصير اني اشتكي وادردش مع اعضاء المنتدى ولا ممنوع هذا اولاً
، ثانياً البنات مو مثل الرجال �� يعني تحسب الناس كلها مثلك فرضاً انا مالي احد وش تبيني اسوي
، وثالثاً لو الجامعه ترد علي كان ماسئلت هنا واكيد فيه احد يطبق بالرياض يمكن يعرف معلومات تفيدناً
، رابعاً فرضاً انا اتدلع نقول فرضاً انت وش حارق رزك ؟ وش قاهرك ؟ ياخي طنشني !!!
على العموم الله يسامحك ��

[بنت الجبيل.]

ههههههههههههه حبيتبي ولا تتوترين ولا شي
يعمري اصبري لين تنفتح الايقونه ثم يبداء وقت التطبيق..
ان شالله الامر سهلااااااااااات

[طفشان بيك]

المشاركة الأصلية كتبت بواسطة Ŕǝđ Ɓϋtterfl&yuml;

نآصر ..
الله يجزاك خير على ردك صحيح اسئلتي كثيره لكن مالي غير المنتدى اسأل فيه :( اعتذر عن الازعاج :d
سلمان اللحيدان ...
ياخي احد طقك على يدك وقال رد عليها ياخي اذا مانت مشتهي ترد لاترد😑 كأني اطبق كل يوم 😒
وبعدين مايصير اني اشتكي وادردش مع اعضاء المنتدى ولا ممنوع هذا اولاً
، ثانياً البنات مو مثل الرجال 😔 يعني تحسب الناس كلها مثلك فرضاً انا مالي احد وش تبيني اسوي
، وثالثاً لو الجامعه ترد علي كان ماسئلت هنا واكيد فيه احد يطبق بالرياض يمكن يعرف معلومات تفيدناً
، رابعاً فرضاً انا اتدلع نقول فرضاً انت وش حارق رزك ؟ وش قاهرك ؟ ياخي طنشني !!!
على العموم الله يسامحك 😶

اي والله اي والله

[خليف المزيني]

الاحترام مطلوب ، لنبتعد عن الاستهزاء وتحقير الآخر

[صقلي الأسمري]

ههههههههههه نفسية الطلاب في الحضيض كله من التطبيق
وسعوا صدوركم هذي جامعتنا ومتعودين ع خمبقتها وش الجديد

[ضحية تخصص]

وش دعووه الرجاال يمزح ويغير مزاجنا
وكلنا متوتريين والله يعدي هالتطبيق ع خيير

وسعي صدرك وترا الدعوه سهالات

[نآصر]

تسلمين وترا امزح يوم اقول ي كثر اسائلتك ولو كلنا مكمل للثاني واكيد ان اي واحد عنده معلومه ماراح يبخل فيها

وسع صدرك ما طاح من السمآء توسعه الـارض

تحيأتي