[ جامعة فيصل ] : ماجستير رياضيات ومساراته ...

[Eman9]

السلام عليكم كيفكم ياحلوين
انا مقدمه على ماجستير رياضيات وانشالله يحالفني الحظ وانقبل يااااااااااااااااااارب
وحابه استفسر عن مسارات الرياضيات في الماستر وعلى اي اساس يكون الاختيار
يعني انا مثلا احب التفاضلات التكاملات
اش رايكم اش افضل شي مناسب
لاني سمعت ان هناك ماسارات للرياضيات
والي عنده تجربه يفيدنا والي يدرس او خلص ماستر يعطينا خبرته وتجربته

وباالنسبه لاوقات الدوام بالجامعه اذا كان طالب الماستر موظف ؟؟ كيف يكون

ياليت هالموضوع مايهمل لان حابين نستفيد ونفيد

[خاتم سليمان]

انا راح اجاوبك من معلوماتي اللي اعرفها لكن تأكدي من كل شئ لان أنا مو دارسه بالسعوديه. بالنسبه للمسارات معظم الجامعات عندها تحليل وجبر وتوبولوجي وبعض الجامعات عندها كمان الرياضيات التطبيقيه والرياضيات المتقطعه. بالنسبه لك اختاري اللي هو اقرب لك وحاولي تطلعي على كل تخصص لأن دراسه البكالوريوس كأنها مجرد مقدمه للدراسه بعدين مثل التحليل الحقيقي او المركب هذا موجود في فرع التحليل لكن في اشياء كثيره بعد غيرهم في التحليل مثل التحليل الدالي.
بالنسبه للدراسه و العمل اللي اعرفه ان لازم تاخذين موافقه من العمل انك تدرسين والظاهر ان هم يرتبون جدولك مع العمل.
هذا حسب معرفتي وأتمنى أكون أفدتك.

[Eman9]

يعطيك العافيه ع اهتمامك وردك

طيب انتي درستي اي مسار ... وكيف نظرتك فيه ؟!
والرياضيات التطبيقيه و المتقطعه ايهما افضل من وجهة نظرك
يعني اش الافضل .. حابه اعرف وجهة نظرك بما انك خضتي التجربه

ويعطيك العافيه

[خاتم سليمان]

أنا من رأيي ان هذا يعتمد عليك لأن أنا من لكى كنت في مرحله البكالوريوس كنت أحب التحليل وكنت مصره إني أدرس تحليل. بالنسبه للرياضيات التطبيقيه هذا مثل الاستاتيكا و الميكانيكا و الرياضيات المتقطعه هذي أغلبها اللي يستخدموها في الحاسب. أنا من ناحيتي ماأحب الرياضيات التطبيقيه أبد أبد والرياضيات المتقطعه ماعندي خلفيه كبيره عنها لأني مادرست مواد فيها.... مثل ماقلت لك أنا من أول أحب التحليل و كنت من أول راح أدرسه لكن بالنسبه لك شوفي انت اللي تحبيه.. في بنات مايحبون التحليل مثلاً... البرنامج اللي دخلته في الماستر كان رياضيات عامه يعني أنا أختار المواد اللي أنا أحبها ومعظم المواد أخذتها في التحليل ماعدا بعض المواد اللي لازم أدرسها علشان التخرج مثل الجبر.... اللي أعرفه إن الدراسات العليا هنا تختلف... المواد ماتكون إختاريه هنا... لازم تختاري مسار واحد وتدرسي مواده بس لكن أنا اللي كنت داخلته فيه بعض المواد الاجباريه بس و الباقي إنت تختاري....

أتمنى أكون أفدتك وإذا عندك أي سؤال تفضلي

[ابوررروز]

التخصصات المتاحة في الرياضيات
خمسة تخصصات رئيسية وهي
التحليل ( التحليل الحقيقي _ التحليل المركب _ التحليل الدالي _ التحليل التوافقي _ المعادلات التفاضلية _ المعادلات التفاضلية الجزئية _ التحليل العشوائي ...)
الجبر ( الزمر _ الحلقات والحقول _ الجبر الخطي _ نظرية الأعداد .....)
الهندسة والتبولوجيا ( التبولوجي العام _ التبولوجي الجبري _ وتبولجي متعلق بنظريات هلبرت ...له تداخل مع التحليل الدالي _ الهندسة التفاضلية _ الهندسة الجبرية ...... )
الرياضيات التطبيقية وهي عبارة عن فيزياء نظرية مثل ( النسبية الخاصة والعامة _ ديناميكا الموائع _ ديناميكا حرارية _ ميكانيكا الكم ...... بالإظافة إلى نظرية التعمية والتشفير .... )
الرياضيات الحاسبة والمتقطعة ( التحليل العددي ... _ الرسومات _ التركيبات .. )

وفي العموم جميع تخصصات الرياضيات متداخلة مع بعضها البعض وعندما تدرسين ستعرفين التخصص الأنسب لك

وفقك الله .

[ابوررروز]

بالنسبة للموافقة ليست ضرورية
لاتخبرين الجامعة بأنك موظفة

[Eman9]

شكرا جزيلا على ردودكم الرئعه ...
عن نفسي احس اني اميل لمواضيع التحليل .. وبالنسبه للرياضيات العامه انا احس جميل الواحد ينوع بالمقررات الي يدرسها ويختار المواد الي يحبها .. ممكن انا الحين مو فاهمه كيف الطريقه بالضبط ..
... بالنسبه للكلام اني ما اخبر الجامعه باني موظفه انا سمعت انهم يفضلون المتقدمات الموظفات فما ادري صحة الكلااام هذا ..

[ابوررروز]

أنا عن تجربة درست الماجستير ولم أخبرهم أني موظف وكنت أستلم المكافأة
ولم يكتشف أحد ذلك .
وبالنسبة للتخصص تقولين أنك تحبين التفاضل والتكامل
وبالتالي التخصص المناسب هو المعادلات التفاضلية أو المعادلات التفاضلية الجزئية
والجزئية أصعب من المعادلات التفاضلية العادية

[soso321]

يسعد مساكم
انا طبعا مقدمع على ماستر رياضيات .... وجالسه افكر اذا ربي كتب وانقبلت افكر باي مسار .. وع الاغلب محتاره بين المعادلات التفاضليه و الرياضيات العامه ...

بس حابه اعرف متى موعد نتائج القبول ع اي شهر تقريبا ... ومتى راح تبتدي الدراسه .. ياليت تفيدونا
هل النتائج تطلع برساله او اشيك ع الموقع بين فتره والثانيه ..\
بالنسبه الي انقبلو ويدرسون كيف كانت الاجراءات وكيف كانت اسئلتكم هل جاوبتو ع جميع الاسئله ؟؟...
لان الاسئله الي جاتنا بالاختبار صعبه نوعا ما ...

[soso321]

الايااااام صاااارت طويله ... والكل على اعصابه ... ربي يوفقك الكل ويسهل امورهم
بس ماحد عنده خلفيه المقابلاتت راح يبلغونا فيها برسايل او ايميل او ع الموقع
ومتىىىىىىى هذا السؤال الاهم
الله يجزاكم خير اي احد يصير عنده خبر او تجيه رساااله يبلغناااا