[ استفسار ] اخواني وخواتي ضاقت بي الوسيعة

[ام عذب]

صراحه وبدون مقدمات انا ماني حاسه اني قاعدة ادرس ابدا وحاسه باحباط شديد دخلت الجامعه وانا متحمسه جدا واخترت التخصص اللي احبه لكن الواقع صدمني مع الاسف لحد الان ما افك الخط ولاداريه وين الله حاطني يعني النجاح قاعده انجح لكن بدون اي تحصيل او فايده ولاهو طموحي هالمستوى ابدا انا سنه ثاني وكاني ما درست ساعدوني ارجوكم بنصايح فعلا تفيدني لحد يقول ذاكري المنهج وتابعي محاضرات لان هالشي هو اللي قاعدة اسويه وحصيلته النجاح دون الثقافة العلمية تكفون لاني بديت افكر انسحب لان اللي ساير خساره فلوس وجهد وتعب ومسؤلية اطفال وبيت ومجتمع بدون فايدة لي شخصية بتخرج ومستحيل اتوظف لاني ماعندي اي نتيجه من دراستي عن بعد والله والله ضايقه فيني الوسيعه وتخيلو معدلي كان 4 والان 2لاحول ولاقوة الا بالله الامل الوحيد اللي باقى لي انتم

[Fatima Albuqami]

وانا حاسه نفس الوضع بس قررت ماأترجم ابدا لانو اذا صرتي تذاكرين من ملازم مترجمه مااستفدتي اللهه يسهلنا نشتغل على نفسنا زياده

[Sitah.Alotaibi]

اول شئ انتي في الطريق الصحيح ولا تظنين انك قاعدة تخسرين جهد وتعب وفلوس على الفاضي بالعكس صحيح بعض الاحيان يجيك احساس انك ما تطورت المعرفة عندك بالشكل المطلوب السبب انك زرعتي في داخلك الاحباط والخوف من الفشل انا اقولك واصلي في دراستك ....... والاهم في دراستنا هو التعلم الذاتي المستمر مو بس وقت الدراسة وخلاص علشان تحسين بالتغير راجعي طريقة تفكيرك و خلي عندك اهداف بعيدة ولازم تتوكلين على الله وتسألين الله الاعانة في امورك ... ادخلي مواقع تعليميه كلها تمارين واسمعي انجليزي كثير والانترنت مليان مواقع حلوة

http://www.englishexercises.org/

http://www.studyenglishtoday.net/

وان شاء الله تتحسن اللغة عندك بس استمرارك هو سبب تغيرك

[ام عذب]

شكرا الله يعطيكم العافيه حسستوني بشويه اهتمام هو هذا اللي وصلت له سرنديب تملكني الخوف من الفشل والله دخليا ابغى الافضل لكن عجزت اوصل للوسيله وصراحه المواقع ماقد جربت اي شي منها لاني ما اعرف ولا موقع

[بسومـه]

سلامتك من الضيق خيتوو
لما تجلسين تتابعين محاضرات استمعي كويس واكتبي معه اي ملاحظه اي شرح الكتابه تساعد ع تثبيت المعلومه وع الاملاء
دخلي الانجليزي بحياتك شويه سواء محادثه ولا تويتر ولا تعليق ولا حتى اي مقطع صوت او فيديو

روقي اهم شي لاتظغطين نفسك لما تسمعين المحاضرات
كثري قراءه سواء بالمناهج او برا
الملازم المترجمة اقري اللي بالعربي للفهم لكن اعتمدي ع الانجليزي

بالتوفيق عزيزتي

[روح طموحه]

غلط وغلط وغلط واللي تسوينه واضح انك طموحه بس جرعه الاحباط زايده
انا الان مستوى خامس واعاني شويه صعوبات واحس اني ماتطورت بالنسبه لمستواي بس هذا الشي اعطاني دافع اني انا اطور نفسي اكثر واكثر اليوتيوب مليان دروس والنت مليان مواقع
انصحك بقراءه القصص القصيره والافلام الغير مترجمه
بالبدايه تحسين انك ماتفهمين شي بس مع الاستمراريه راح تلاحظي الفرق

بالتوفيق

[خواطر مبعثرهـ]

اجلسي مع نفسك وحاسبيها شوفي ايش مشكلتها
ورتبي اوراقك من اول وجديد
انا وقت الاختبارات تجيني ضغوط نفسية ومشاكل شخصية بس امي دايم تقول
ذاكري وخلصي الاختبارات عقب كل شي بيتصلح والي زعل بيرضى

موفقه عزيزتي

[الماس البشري]

حبيبتي مرح تلاقين الحل الا اذا توصلتي لسبب المشكله ...
هذي الكلمه قالها لي اخوي لما فكرت ااجل وانسحب وكنت محبطه اكثر منك
فكرت بكلامه لقيت نفسي متحمسه للدراسه لكني مستعجله وابي كل شي اعرفه في سنتين وهذا غلط احنا ببداية المشوار ومازلنا ببداية المواد حتى انا تونا بهالمستوى تعمقنا ,,
حبيبتي
المناهج ماتكفي ابدا ماتكفي لازم تطوري من نفسك بالقراءه والكتابه والاطلاع لاتجهدي نفسك بالحفظ ولكن استمتعي بالتكرار احنا نحفظ ونجهد انفسنا حتى نمل ويقل حماسنا ..
توكلي على الله ولاتياسي ...حاولي تقللين من توترك اطلعي على المواقع وابحثي عنها استخدمي البرامج التعليميه استمعي للمحادثات حتى وان ما كنتي تعرفي معناها رح تتطور مهارة الاستماع عندك ومنها النطق وتصيري منطلقه في المخاطبه ..احنا ندرس هذا المجال حتى نحتسب الاجر في ان ينفعنا وننفع به من حولنا ..
والله يوفق الجميع

[حنان098890]

م اظن انك تنجحين وم تستفيدين انا دخلت التخصص م اعرف فيه شي ولكن رغم اني مبتدئه بس عرفت اقل القليل وهذا بحد ذاته نعمه .. خلصي هذا الترم وبالاجازه اشتغلي ع نفسك هذي خططتي باذن الله ..

[ام البطل]

ردود الاخوات راااائعه