[ استفسار ] رأيك يهمني تفضل !!!

[عبدالله_بني تميم]

سلام عليكم ورحمة الله وبركاته

اخواني وخواتي مستوى ثاني خلوونا نضع الأسباب ليه نأجل الأحصاء ؟ وليه نأخذ الاحصاء ؟ ونتناقش بموضوعيه
وكل واحد منا يقول وش الاسباب اللي تخليه يأجل الاحصاء !! لحد يجي ويقول انا أجلت الاحصاء عشان الطلاب كلهم أجلو ياعزيزي وعزيزتي اللي يبي يختبر الماده انت مو الطلاب لذالك عندك سبب مقنع يجعلك تأجل الاحصاء !! أو عندك سبب مقنع يجعلك تأخذ الأحصاء !


انا واعوذ من كلمة أنا محتار بين أمرين :

1- ودي أخذ الأحصاء لأن فيني حماس للدراسه مادامني بأول المستويات لأن اذا أجلت الأحصاء للمستويات الأخيره أكييد يبي يقل الحماس وأصير متعب من الدراسه وفيه سبب ثاني يخليني آخذ الاحصاء لأنه ساعتين وتنفعني بالمعدل افضل من ساعه

2- ودي آحذف الاحصاء لأن دكتور الماده تغير مو نفسه وهاذا الدكتور ما نعرف عنه شي حتى طلاب المستويات اللي قبلنا ما يعرفون عنه شي واذا آجلت الاحصاء للمستويات الجايه اكيد ابرجع للمستوى اللي قبل واشوف طريقة الدكتور بالاسئله وش يحدد للأختبار وعلى قولتهم مابي اكون حقل تجربه للدكتور الجديد.


أدري اني طولت عليكم لآكن العذر والسموحه

[loooli2008]

وعليكم السلام

اناا حاذفه الاحصاء وسبق ذكرت اسبابي وباعيدها
المعدل خايفه من الماده تنزل معدلي
الدكتور تغير ومن الممكن يتغير المنهج ،، وماتعرف طريقته ف وضع الاسئله

تخصصي انقلش يعني لو اخذته باذن الله ف المستوى الثالث بيكون قبله يوم اجازه وبعده يوم تساعدك تذاكر مادة التخصص اللي بتكون بعده

وغير عن كل شي كان عندي رغبه احذفه

[scario]

الاغلبية حذفو النحو والتلاوة والتجويد بالنسبة لي حذفت الاحصاء الاسباب مقتنع انه راح يضرني لو اخذته اكثر من انه يفيدني بالوقت هذا اولا الدكتور تغير ثانيا لرفع المعدل

[طالبة جامعيه123]

أنا الحمد الله أخذت الأحصاء لأن فيني حماس للدراسه مادامني بأول المستويات لأن اذا أجلت الأحصاء للمستويات الأخيره أكييد يبي يقل الحماس وأصير متعبه من الدراسه ويمكن لا سمح الله عندي ظروف ... وفيه سبب ثاني وهو الأهم .. آخذت الاحصاء لأنه ساعتين وتنفعني بالمعدل افضل من ساعه ..

[reaching higher]

انا حدفت الاحصاء

1- لان دكاترة المواد الاخرى هم نفسهم المستوى السابق ماتغيروا فالحق عليهم افضل بما ان اخوانا في هالمستوى سابقا كانوا يمدحون في اسئله الاختبار انها واضحه و مافيه تعقيد .. (العكس دكتور الاحصاء).

2- الاحصاء دكتوره كل سمستر يبدع بالاسئله .. مره يجيب من اسئله اداره الاعمال و مره اغلب اسئلته مسائل (يعني مايمديك تحل كل الاسئله حتى لو انت تعرف حلها عشان الوقت مايكفي) .. حاليا بأكتفي بالمراقبه من بعيد و اشوف ابداعاته ايش حدودها ..

3-المعدل يرتفع بسرعه في المستويات الاولى فليش اغامر بدكتور مثل الدكتور النجار ينزلي المعدل و انا توي اقول بسم الله..

4- الاخوه اللي يقولون اخد ماده ساعتين بدل ساعة عشان ارفع المعدل .. اقولهم المعدل يعتمد على درجة الماده اللي درستها .. بمعنى ماتفرق اخدت 15 او 18 ساعه .. الاهم كم جبت في هالكم ساعة اللي اخدت ..

فيه ناس مثلا تأخد 15 ساعه و تجيب معدل 4.50 و ناس تنزل 18 ساعة و تجيب نفس المعدل 4.50 .. راجعوا موضوع للاخ الجارح نسيته صراحه بس كان جدا مفيد ..

تمنياتي للجميع بالتوفيق

[عبدالله_بني تميم]

آحترم أرآئكم وكل شخص له أسباب مختلفه

[مــنى]

بالنسبة لي انا سجلت الاحصاء لانو اسهل جزئية بالرياضيات لو فهمت القوانين حتمشي في المادة
مشكلة الاحصاء كانت من الدكتور الي يلعب بالاسئلة فبماانو تغير الدكتور فهذا خبر كويس
برضو انا مااعتمد على اسئلة الاعوام السابقة الا نادراً اذاكر المادة وتوكل على الله
وترا مو شرط الدكتور يعيد الاسئلة عندك اسئلة عمار المعاني خير برهاااان
وفوق كل هذا ابغى اتخلص من اغلب المواد العامة والثقيلة من المستويات الاولى

[هلاله العسيري]

المشاركة الأصلية كتبت بواسطة عبدالله818

سلام عليكم ورحمة الله وبركاته

اخواني وخواتي مستوى ثاني خلوونا نضع الأسباب ليه نأجل الأحصاء ؟ وليه نأخذ الاحصاء ؟ ونتناقش بموضوعيه
وكل واحد منا يقول وش الاسباب اللي تخليه يأجل الاحصاء !! لحد يجي ويقول انا أجلت الاحصاء عشان الطلاب كلهم أجلو ياعزيزي وعزيزتي اللي يبي يختبر الماده انت مو الطلاب لذالك عندك سبب مقنع يجعلك تأجل الاحصاء !! أو عندك سبب مقنع يجعلك تأخذ الأحصاء !


انا واعوذ من كلمة أنا محتار بين أمرين :

1- ودي أخذ الأحصاء لأن فيني حماس للدراسه مادامني بأول المستويات لأن اذا أجلت الأحصاء للمستويات الأخيره أكييد يبي يقل الحماس وأصير متعب من الدراسه وفيه سبب ثاني يخليني آخذ الاحصاء لأنه ساعتين وتنفعني بالمعدل افضل من ساعه

2- ودي آحذف الاحصاء لأن دكتور الماده تغير مو نفسه وهاذا الدكتور ما نعرف عنه شي حتى طلاب المستويات اللي قبلنا ما يعرفون عنه شي واذا آجلت الاحصاء للمستويات الجايه اكيد ابرجع للمستوى اللي قبل واشوف طريقة الدكتور بالاسئله وش يحدد للأختبار وعلى قولتهم مابي اكون حقل تجربه للدكتور الجديد.


أدري اني طولت عليكم لآكن العذر والسموحه

حياكم إخواني
بالنسبة لي حذفت النحو وأخذت الإحصاء المستوى ذا مع ان كل اللي معي حاولوا إقناعي بحذفة ولكني رفضت لأسباب :
1- الإحصاء مادة صعبة مما لا شك فيه ولكن هي معي الآن ( في المستوى الثاني ) أم في ( المستوى الثالث) أم في (مستويات أخرى ) وأدائي كما كتب لي ربي سيكون هو في الأختبار متى ماكان زمنه علي فقط الإجتهاد بعد الاتكال على الله .
2- المستوى الأول كان دكتور الإنجليزي قديم وكانت أسئلته صعبة نوعا ما وهو كم له مستويات يطرح أسئلة قبلنا ولم تأتي نفسها أبدا أو حتى مشابهه لها أيضا دكتور تقنية المعلومات والإدارة صحيح الحمد لله جت واضحة ولكنها تختلف عن أسئلة المستويات الماضية أيضا دكتور الصحة واللياقة كانت أسئلته من المحاضرات لم يخرج كثيرا يمكن سؤالين أو ثلاثة كانت جدا مبهمة وغير واضحة وإنما معظم الأسئلة كانت من المحاضرات ولكن المادة كانت صعبة والحمد لله عدينا .
3- أفضل أن أخلص من المواد الصعبة في هذا المستوى كي أتفرغ في المستويات القادمة لمواد التخصص التي أتوقع أنها لا تقل صعوبة عن الإحصاء
4- لو من الممكن أن آخذ جميع مواد المستوى هذا جميعها لأخذتها علشان أفك نفسي منها
5 - اذا كان الإحصاء مادة صعبة وخايفين منها ومن دكتورها فهي وراك حتى في المستوى الثالث على قولة أخواننا الكويتيين - ماكو فكه-
6- عذرا على الإطالة ولكن اذا تفلسفت ما ودي أسكت . بس هذا ما جعلني اصر على أخذ الإحصاء هذا المستوى
وشكرا