[ استفسار ] مسائكم / صباحكم خير ..

[jodi.502]

السلام عليكم ..

مبروك لكل الناجحين

حبايبي بس ابي استفسركم بكم شغله ..

انا حملت 5 مواد لاني مادخلت بداية السمستر ولا حضرت ولا محاضره بس حليت الواجبات ..

كانت عندي ظروف وماقدرت ادخل تقريبا قبل لاختبارات بشهر بديت ادخل واحل الواجبات وكنت متحطمه ومتردده مابي اكمل بس الكل قالي معليه ادخلي واختبري سوي الي عليك وان شاءالله خير ..

اختباراتي كانت جميلا ودراجاتي حلوه بفضل الله ثم اخواني واخواتي الاعضاء الي ساعدونا ( ابو الحارث ام عمر هتان فريحه ... وغيرهم الي مو ذاكره اساميهم ربي يسعدهم ويوفقهم ..

بس الي خلاني احمل بعض المواد انو ماعندي درجات فصليه ..

ابي رايكم اكمل ولا اوقف قيدي ولا اطلع من الجامعه ولا احول لجامعه ثانيه كل شي متشتت ولا ادري وش اسوي
..؟

ربي يسعدكم ويوفق الجميع ..

[Hotspot]

والله ودي أفيدك ولكن ما عندي معلومة أكيده

ولا ودي أدخلك في معمعة التوقعات

إنتظري أحد الإخوة أو الأخوات الي عنده معلومة أكيدة

إن شاء الله ما يقصر معك

[منآآر]

توكلي على الله وكملي

[Dr.Lavender]

كملي دراستك وخذيها نصيحه
كلنا حملنا مواد لكن مو معناته خلاص نتحطم ونترك الدراسه
رسوبك في بعض المواد يعتبر بداية تفوقك بأذن الله
واكتبي مشكلتك في ايقونة التظلم قبل تتقفل
وبيردون علينا بعد اسبوعين ويمكن اقل ان شاء الله على حسب رد الفريدان
كلنا منتظرين الرد وان شاء الله بتتعدل درجاتك بس اصبري لا تستعجلين
والله يوفق الجميع . . .

[scario]

ارفعي تظلم ممكن يحسبون لك درجات المشاركة وتنجحي انتي طبعا الادرى بمصلحتك وقدرتك على اكمال الدراسه من عدمها انا طبعا انصحك تكملين وتحاولين تاخذين بعض المواد صيفي وتتعبي على نفسك شوي وبتمشي امورك باذن الله

[abdullah ahmad]

البنت تقول لكم ماحضرت ولا محاضرة ولاحلت المناقشات فقط الواجبلت بسبب ظروفها ..
وتقولوا لها ارفعي تظلم !؟ تظلم على ايش ؟؟

دام هذا ردكم ، فياخوفي يكون تظلمكم للا شئ ..
يااخوان انتم افهموا معنى كلمة تظلم وبعدين ارفعوا تظلمكم واذا لكم حق بإذن المولى بتاخذوه ..


اختي اتمنى تكون ظروفكك انتهت تقريبا ، وحاولي تعطين دراستكك وقتها
ماراح اقول كل وقتكك اعطيه لدراستكك ، بس قد ماتقدري حلي مناقشاتكك اول باول وحملي محاضراتكك وشوفيها والواجبات عشان ماتتراكم عليكك ، فحلولي تطبيق القاعده التي تقول لاتؤجل عمل اليوم الى الغد ..

ستتخرجين يومًا باذن الله ان استغليتي وقتكك جيداً ونظمتيه ..
وإن كان هناكك مايمنعكك فلا داعي أن تتعبي نفسككك بالدراسة وتبذري مالكك ..
مع اني متأكد انكك ستستطيعين ان تنظمي وقتكك وأن تتخرجي يومًا باذن الله ..
اصنعي قراركك بنفسكك ، واكملي مشواركك مهما كانت صعوبته ..
فتوكلي على الله وهو حسبكك في كل شئ
بالتوفيق

[Dr.Lavender]

بس الي خلاني احمل بعض المواد انو ماعندي درجات فصليه ..

ارفعي مشكلتك عبر ايقونة التظلم قبل تتقفل الايقونه

وبتنحل مشكلتك ان شاء الله . . .

[abdullah ahmad]

د فوز ..
انتي لو قريتي السطر الرابع بموضوع الاخت راح تفهمي مشكلتها ..
فما يحتاج ترفع تظلم ..

[jodi.502]

يعطيكم العافيه حبايبي انتو والله احس جد غيرتو اشياء كثيره بداخلي وحمستوني اكمل دراستي بس كيف ارفع تظلم وانا اصلا ماحضرت محاضرات ولا حتى دخلت مناقشات كيف اطالبهم بشي وانا ماسويته ولا عادي ..:(
ان شاء اشد حيلي واخذ المواد المواد الي محملتهم صيفي عشان ماانضغط ..

يسعدكم ربي لا عدمتكم ..

[jodi.502]

المشاركة الأصلية كتبت بواسطة abdullah ahmad

البنت تقول لكم ماحضرت ولا محاضرة ولاحلت المناقشات فقط الواجبلت بسبب ظروفها ..
وتقولوا لها ارفعي تظلم !؟ تظلم على ايش ؟؟

دام هذا ردكم ، فياخوفي يكون تظلمكم للا شئ ..
يااخوان انتم افهموا معنى كلمة تظلم وبعدين ارفعوا تظلمكم واذا لكم حق بإذن المولى بتاخذوه ..


اختي اتمنى تكون ظروفكك انتهت تقريبا ، وحاولي تعطين دراستكك وقتها
ماراح اقول كل وقتكك اعطيه لدراستكك ، بس قد ماتقدري حلي مناقشاتكك اول باول وحملي محاضراتكك وشوفيها والواجبات عشان ماتتراكم عليكك ، فحلولي تطبيق القاعده التي تقول لاتؤجل عمل اليوم الى الغد ..

ستتخرجين يومًا باذن الله ان استغليتي وقتكك جيداً ونظمتيه ..
وإن كان هناكك مايمنعكك فلا داعي أن تتعبي نفسككك بالدراسة وتبذري مالكك ..
مع اني متأكد انكك ستستطيعين ان تنظمي وقتكك وأن تتخرجي يومًا باذن الله ..
اصنعي قراركك بنفسكك ، واكملي مشواركك مهما كانت صعوبته ..
فتوكلي على الله وهو حسبكك في كل شئ
بالتوفيق

يعطيك العافيه خيووو مدري كيف اشكرك

الحمدالله كل شي انتهى ووقتي الحين بخليه لــ دراستي بــ نظم وقتي بين دراستي وعملي ..

ربي يسعدك خيوو فتحت علي كثير اشياء كانت مسكره ..

بتوكل على الله وبكمل دراستي والمواد الي حملتها بأخذها صيفي وان شاءالله اقدر اتدارك الامور ..

ربي يسعدك دنيا واخره ويفتحها عليك ..