دوري جامعة الأمير محمد بن فهد لكرة القدم

[7aManNinO]

السلام عليكم و رحمة الله و بركاته

حبيت أعلمكم انو بدأ تسجيل دوري الجامعة حق الكورة و التسجيل راح يكون الا يوم الأربعاء الموافق 17 مارس

راح يكون التسجيل لــ12 فريق و كل فريق 9 لاعبين "6 بالملعب" و 3 احتياط, مسموح التسجيل بدون احتياط

لازم يكون في رئيس للفريق و يدفع 200 ريال تأمين عشان ما ينسحب الفريق و ترجع له لما تخلص البطولة

انشالله راح أفيدكم بجدول الدوري اول ما يتوزع و انا موجود لأي استفسارات على الدوري و بالتوفيق لكل المشتركين

[سفير الغربه]

يعطيك العاقيه اخوي
انا ودي اشارك بس للاسف الشباب يلي بالكلاس كلهم متنحين على الاخر
في طريقه ثانيه للتسجل
مشكورر

[7aManNinO]

اذا تبي تشترك و ما عندك فريق روح سجل اسمك عند اللجنة و بيكلمونك اذا في فريق ناقصين, في شباب واجد بيسجلون كذا

[ღMs.Kღ]

واااو ... ونااااسه :mh0227::mh0227:



نبي احنا بعد مالنا صلااح .. :c18:



لاتنسووا تبشروونا بأخباار الدووري ..



سلام ..

[7aManNinO]

انتي تعالي مع صديقاتك و صيرو تشير ليدرز :d

أبشري انشالله, أي شئ جديد بيوصل لكم انشالله

[FoxDie]

هاهاهاها الله يلعن ابليسك يا 7aManNinO

الله لايوصلنا لهل الموصيل يارب :t1:

بس صحيح، غريبة ماعندكم اي شيء يالبنات :mh19:
دوري والا مهرجان والا اي شيء

[ღMs.Kღ]

-_______-"


الا اكييد عندناا مهرجااناات و اكتفيتيز.. بس هالفترره نوووب مافي شي :@

[7aManNinO]

أخر أخبار الدوري:-


راح يكون في 4 مجموعات, كل مجموعة 3 فرق, يتأهل من كل مجموعة فريق لنص النهائي

بيترأس المجموعات الفرق الي وصلت للنص النهائي السيمستر الي راح (ستارز "صاحب اللقب" , بلوز "الوصيف" , ليفربول, و أخيرا فريقي)

راح يكون الشوط 12 دقيقة, يسمح للفريق 3 تبديلات و ممكن تدخل نفس اللاعب المبدل مرة ثانية

راح تكون الفترة الي بين دور المجموعات و النصف النهائي فترة انتقالات بحيث يسمح لكل فريق انتقال واحد فقط و يكون مسجل عند اللجنة مع توقيع رئيس الفريقين و اللاعب و يسمح له يطلب فلوس للانتقال.

راح يكون في تقييم لأفضل لاعب للمبارة بحيث يأخذ جائزة على النزاهة و الاحترام و الفن في اللعب

سيتم تقييم حكم المبارة بحيث اذا كان في غش او تحييز واضح غير مجريات المبارة راح يتم الغاء النتيجة و اعادة المباراة او ترسيم تنيجة 2-0 لصالح الفريق المظلوم

الفريق الي ما يحظر مباراة في المجموعات تترسم النتيجة 2-0 عليه

الفريق الي ما يحظر مباراة في مرحلة الخروج مغلوب تترسم النتيجة 2-0 عليه و يسحب منه الــ200 ريال و ينشطب اسمه بحيث لا يستطيع التسجيل في الدوريات القادمة لا هو ولا لاعبينه الغير حاضرين.

اذا جاء الفريق ناقص يسمح له يلعب ناقص.

الدوري مبني على الاخلاق و الاخوة, لا يسمح للسب و الشتم سواءا من اللاعبين او الجماهير فسيتم شطب اسم أي احد يسوي كذا و يصير ممنوع من الدخول للصالة

بيكون الدوري في مدينة الملك فهد الساحلية الي بعد الجامعة بشوي

أتمنى اني فدتكم و الي عنده أي استفسار زيادة انا حاظر و انشالله بقدر أساعده

[سفير الغربه]

يعطيك الف عافيه ما قصرت والله

[FoxDie]

زين يا ღMs.Kღ والا كان تبرعنا لكم

ماقصرت 7aManNinO على اخر الاخبار
قهر مايمدينا ننظم لكم :011: