[ مذاكرة جماعية ] : كلمة لمستوى ثاني وربما تكون مؤلمة ..

[ليالــ k.s.a ـي]

بسم الله الرحمن الرحيم

السلام عليكم ورحمة الله وبركاته
صباح / مساء يحمل بين ايامه الخير وتحقيق الاماني ان شاء الله .

بداية كلامي موجه لبعض الفئه وليس الجميع ولكن مثل مايقولون الشر يعم والخير يخص .

بالنسبة للمحاضرات المباشرة وضعت للاستفسارات العلميه وليس للتهريج والاسئله اللي لاراح نستفيد منها
وحتى سائل السؤال ماراح يستفيد ، يعني وصلنا للمستوى الثاني ولا زلت اسمع نفس الاسئلة تبع السمستر
الاول ،

من وين نذاكر، النظام مايفتح عندي ، المناقشات من وين نحلها من البلاك بورد او الافتراضي ، الاسئله موضوعيه او مقاليه
، كم درجة الاختبار ، من كم اختياري ، الاسئلة صعبه ولا سهله ، اسم الكتاب من وين نجيبه ، الخ الخ الخ

وياليت تتوقف ع هذه الاسئله تجي اللي بعدهاا تسأل نفس الاسئلة معليه نقول ماسمعت توها جايه وتجيك اللي بعدها
وتسأل نفس الاسئله ، وبعدهاا يعصب دكتور الماده ويقولون ليه يعصب والله يعصب من اسألتكم اللي تجلط

يعني ياليت تقدرون دكتور المادة اللي ترك اشغاله والتزاماته وجاي يحضر ويستمع للاسئله الهادفه والاستفسارات والاشياء
اللي تصعب علينا بالماده والله ماجاء يسمع تهريج وضحك واسئله مالها علاقه بالماده ،

يعني والله حرام الوقت يروح بكلام فاضي والادهى من كذا اللي يكتبون ارقامهم والبن تبعهم يعني قمة المهزله ماعندك
اسئله نستفيد منها ماانتي مجبوره تضيعين نص ساعة من وقتك
خلون نكون افضل من كذا صرنا مستوى ثاني ولازالت الاسئله هي هي ماتغيرت ترا النظام وااااحد ماراح يتغير ماله داعي
نتفلسف على بعضنا.

وبالاخير كلامي تعبر عن وجهة نظري وليست اجباريه ان يتقبلها الجميع وهي تهدف للبعض وليس الجميع وربي يهدي الجميع
وفالكم التوفيق .

[نونه الحلوة]

وعليكم السلام ورحمة الله وبركاته...

فعلآ كلام صحيح..وهالشي يأثر علينا وعلى تفكير الدكتور فينا وبالتالي على الاختبار اللي بيحطه لنا...

اذا تضايق الدكتور من الطلبه بيغير ويصعب الاسئله علينا..

الرجاء من الجميع الجديه..سواء بالكلام او الكتابه..

[تطلعات ورؤى]

لافض فوك...والله شي يعور القلب..اتمنى يلغى الشات الكتابي..
والي عندها سؤال تكلم الدكتور او ترسله ايميل..
لاحول ولاقوة الا بالله

الله يهدي بنات المسلمين

[يـــارا]

الله اكبر .. الله اكبر ..



,’


وعليكم السلآم ورحمة الله وبركاته ..

هلا بـ مميزتنا المتألقه ..
كلام يثلج الصدر .. وللآسف هالكلام كنا نقوله بالمستوى الاول .. ومانفع
والحين تتكرر نفس الاسئله ونفس الاستهتار وللاسف نفس البنات .. نست ان اسمها واسم عائلتها يطلع عند الكل .. واغلب بنات المستوى الاول .. للحين مستمرين بنفس الاسلوب المستفز .. كآأن هذي وسيلة الترفيه الوحيده بحياتها وتطلع كل كبتها بالشات التعليمي ..

( ربما كلامي لايروق للبعض ) بس هذا الواقع والكل يشوف ويلاحظ ..

اتمنى ان كل وحده تفكر قبل م تكتب .. وتحترم الدكتور ...

واذا ماعندها شي تضيفه للدكتور .. تعطي المساحه لغيرها ..
ليش تزاحم بالشات وهي ماراح تنفعنا بشي مفيد ..


الله المستعان ..


عوفيتِ ليالي على هالطرح الراقي منك ..





-

[sabreena]

كلامك سليم ميه ميه ..
اذن تسمع وعين تشوف بس وين اللي يهتم

يعطيك العافيه

[miss sho]

انا ودي يسكرون الاستفسارات

لان بسببها كثييييير اشياء تغيرت بنظام الجامعه

[تسجيل خروج]

المشكلة يكون او تكون شخص/ـه مستهتر/ه ويبلش امنا فيها ويخرب علي الكل ... ما اقول الا الله يعين

[جامعية2013]

والله فشلونا مع الدكتور ......... ولكن سؤال ليه الطلاب ماعندهم نفس الوضع

[عطر الثلج]

أنا أنجلط لما أقرأ الأسئلة 50 ولا 70
مقالية ولا موضوعية ووين نحل ياشيخة موتي بالله أحسن ..




من جد ماالومك بس عندي يقين إن اللي يسألون هالأسئلة أغلبهم مو هنا بالمنتدى يعني توقعي الوضع يستمر ..

[حسين بن جازع]

اي والله صدقت وانا ابي اعرف مانزلت عندي المحاضرات المباشره ابي احملها الى الان مانزلت عندي بالافتراضي وشكرا