[ استفسار ] ابي صديق جامعي

[IIhamad]

السلام عليكم ..

انا طالب جديد انتساب ادراه اعمال قسم تسويق:

اعذروني على الموضوع لكن انا من القديمين ( الطيبين ) يعني وسيله الفهم عندي تقليديه وليست تكنلوجيه.

ماعلينا انا حاب اتعرف على شباب بمستوى الاول معاي ابي شخص فاهم نظام وأليه الجامعه.

لحد الان ماني عارف منين اخذ الملخصات وكيف اعرف البلاك بورد مع اني ادخل لكن ادربي راسي ومو فاهم شي.

حاب اعرف اذا فيه مكتبات خاصه تنزل ملخصات من الشباب او المدرسين

كيف اتابع جداول المحاضرات المباشره والواجبات وووو الخ.

باختصار اذا فيه مجموعه شباب طيبين يجتمون ويذاكرون ويعرفون وش السالفه لايبخلون علي .

ترا ماابي الا ساعه وحده افهم فيها اليه النظام ومنين اخذ الملخصات وبس.

ابي صديق جامعي

والله خايف يروح الترم هذا وانا ضايع بالطوشه

الله يعطيكم العافيه وبالتوفيق جميعا

[ناي ونغم]

كلنا كذا يا عزيزي لكن متابعة المنتدى وقراءة المواضيع الي فيه تخليك تفهم طريقة الدراسة


ساعدك الله

[مَلاك]

^

كلنا هنا اخوان ونساعد بعض قد مانقدر
لحد الان ماني عارف منين اخذ الملخصات وكيف اعرف البلاك بورد مع اني ادخل لكن ادربي راسي ومو فاهم شي.
شوف اخوي هنا حاولت اوضحها لك








حاب اعرف اذا فيه مكتبات خاصه تنزل ملخصات من الشباب او المدرسين
مدري عن هالموضوع بس ان شاء الله بخصوص المحاضرات اللي تستهلك كثير بنحاول ننزلها هنا
كيف اتابع جداول المحاضرات المباشره والواجبات وووو الخ.
هنا للواجبات

http://www.ckfu.org/vb/t501743.html

وجدول المحاضرات المباشره فالمرفق اخوي

[سعيد المشهد]

ماشاء الله الأستاذة ملاك ماقصرت معك

بس أنت لازم تكون عارف انك لو حطيت في بالك انك ماتعرف شيء ماراح تعرف شيء وراح تكون غير قابل للفهم التكنولوجي المُطبق حالياً على نظام البلاك بورد

توكل على الله وفي هذا المنتدى ارجع للمواضيع السابقة تلاقي شرح من ( أ ) لين ( ي )

فقط خصص جزء من وقتك اليومي ( للقراءة ) في هذا المنتدى الجميل ومتابعة أعضاءه النشطين وإن شاء الله فالك التخرج مع مرتبة الشرف :)

[مَلاك]

وهذا موضوع شامل عن أي شي استصعب عليك

http://www.ckfu.org/vb/t504863.html

[IIhamad]

الله يعطيكم العافيه والف الف شكر للدكتوره ملاك ..

[Dr. nsroon]

وعليكم السلام ورحمة الله وبركاته

افا يا ذا العلم

يعني شروحاتنا كلها ما فادتك
طيب يا سمي عائلتي < كل العايلة بنفس الاسم
حبه حبه وراح تفهم حتى لو انك من جيل جدي السابع
ترى معنا بالتعليم عن بعد شياب اعمارهم فوق الـ 60
وبالاختبارات راح تشوف بنفسك هالشيء
يعني جيل الطيبين ان شاء الله بيفهم على النظام
بس اهم شيء لاتقول ما اعرف

ولا تحاول تعرف للنظام مره وحده خذها وحده وحده
كيف تفتح النظام .. بعدين خذ الاهم كيف تتابع محاضرة مسجلة
وكيف تدخل على المحاضرة المباشرة
بعدين كيف تحل الواجب بعدين كيف تحل الاختبار

اذا عرفت هالاربع اشياء خلاص لاتتعب نفسك وتعرف الباقي لانه غير مهم
هذي اللي عليها درجات ان حبيت تعرف كيف تفتح المحتوى او كيف تعدل الرقم السري او كيف تجابو بالمناقشات
فهذا شيء براحتك بس اقنع نفسك بالاول انك تقدر تعرف تستخدم البلاك بورد
وراح تحصل انه سهل

[اهلاوي ملكي]

تحت الخدمة والاغلبية متطوعين في خدمة زملائهم الاعضاء انت فقط اسأل ولاتردك الا نفسك وفالنا وفالك التوفيق والنجاح ولاتنحرج من اي سؤال مهما كان

نصرون - ملاك
يعطيكم الف عافية من جد ماقصرتوا بيض الله وجيهكم وعسى ربي يجعل ماتقوموا فيه في ميزان حسناتكم ولايحرمكم الاجر على جهودكم الرائعة والمستمرة