[ استفسار ] مساعدة

[بلقيس الهاجري]

السلام عليكم يا جماعة المحاضرات المباشرة ما قدرت ادش عليها وأبغى أحملها كيف يكون هذا ؟؟؟؟
بعدين المذاكرة من وين تكون ترى مليت كل يقول كلام أعطوني كلام نهاني وثابت تكفون ؟؟؟؟؟
الادارة ادري بتقولون هتان ،،، تبعت ملخص هتان مع محتوى المقرر اللي ينزله الدكتور ولقيته مثل بعض طبعا ما تابعت كل المحاضرات اللي ف الملخص بس بعضها المهم اللي تابعته لقيته نفس المقرر
القانون لقيت المحاضرة الاولى قليلة ف محتوى المقرر بينما ف الملخص لقيتها كثيرة يبدو لي انه ملخص هتان من وين جاب ها الكلام رغم ان المحتوى اللي نزله الدكتور قليل ف تقريب الصفحتين ؟؟
تكفون أعطوني كلام موحد ونهائي من وين نذاكر ،،؟؟؟؟؟؟؟؟، وبعدين الدكاتر ليه ينزلون محتوى المقرر وبالتالي يقولون لنا ذاكروا من الكتاب مثل دكتور المحاسبة يقول الفصل الاول مفهوم المحاسبة من ص3 الى ص 20 يوم شفت المطلوب قسم بالله اني تندمت اني دشيت الجامعة اللي كنت أتمنى اني أدشها والله اني تعبت نفسيتي من اولها
قولوا لي سا ساعدوني يا أهل العرف والخير إحنا من وين نذاكر ؟؟؟؟ اما الكتاب صعب ليه ما عندنا غير المحاسبة والمواد الثانية ما تبغى هي مذاكرة ...

[ẤĽSЙΪфRẪΉ]

وعليكم السلام ..

1- بتنزل بعدين مسجله بالبلاك بورد تدخلين على ايقونتها وتحملينهـآ

2- المذآكره من حضور المحاضرات & المحتوى & اسئله الأختبارات & الواجبـآت

3- المحتوى هو نفسه الملخص والملخص نفسه المحتوى

يعني الطلبه ياخذون محتوى الدكتور ويرتبونه من حيث الخط التنسيق الألوان ويكون جاهز للطباعه

اتضحت الصوره ان شاء الله ..

وفيه طلبه يضيفون لملخصاتهم كلام الدكتور اثناء الشرح او الكلام المهم من شرح الدكتور

بحيث وقت المذاكره يكون موجود وهذا جهد شخصي ..

4- طولي بـآلك اتكلي على ربك وتتسهل .. أولها بتكون صعبه لأنو كل شي جديد عليك

شوي شوي بتتضح لك الأمور وتكون متعه ..

احنا قبلكم وكنا نفسكم تماماً والحين اللهم لك الحمد الأمور جداً طيبه ..


كل التوفيق حبيبتي ..

[بلقيس الهاجري]

الله يعطيك العافية والله يوفقك المحاضرات كيف أذاكر منها ؟؟؟
أصلا الدكتور لما تابعته لقيته يقول اللي عندي ف المحتوى فكيف أذاكر منها ؟
ما جاب شيء جديد
انت لما كنت مستوى اول كيف كنت تذاكرين من المحتوى والا من الكتب ؟؟؟
شنو سالفة أسئلة الاختبارات ،،، اطلعت عليها الخاصة ب الادارة لقيت فيها أسئلة ماهي عندي ف المقرر وبعض المواد الأخرى كذلك
بالنسبة للواجبات هي نفسها المناقشات والا بعد غيرها ،، لازم بعد نذاكرها أو لاء ؟؟؟


أسف ع الإطالة والله يجزاك خير ...

[ســــارةة]

المحاضرات احضريها عشان تفهمين معاه ..
والواجبات غير عن المناقشات ..
المناقشات يعني مشاركة وعددها 14 والواجبات عددها 3 وتكون اختياري ..
الاغلبيه ماقربوا صوب الكتب وانا ماخذت ولا كتاب والحمدلله معدلي حلو ..
انصحك لو تفهمين من غير كتاب لاتاخذينه عشان لا يلخبطك ..
والمحتوى يكفي اساسا الدكتور ينزل المسائل بالمحتوى فماله داعي كتاب ..
انتي لا تتوترين مستوى اول سهل بس يبي له اجتهاد من البدايةة ..