[ مواد مشتركة ] : رحت الجامعة اليوم وصار الفلم الهندي علي...

[بوبديـــــْع]

ماطول عليكم ..السلام عليكم اخواني اخواتي ... رحت للجامعة اليوم اللي اهو الثلاثاء 11/11/1434هـ ... راسلوني بعض الاخوااان الاعضاء على الخاص وتواعدت معاهم في العمادة المبني الجديد في المدينة الجامعية ... اول الحفلة اللي متوقع انها بتصير ماحد جاااا ... واحتريتهم الله يهيديهم ولا احد جااا .. اللليمن الساعة 9 الصباح .. المهم ...رحت اول شئ لمدير الجامعة .. وصار في اجتماااع ولله الحمد... قلت ياولد ... ليش ماتروح للعمادة الفاشلة يمكن يصير شئ جديد وانا مادري ... توجهت وكلي امل .. طبعااا محبط قلت بنسوي فلم هندي ومعاي حسب الاتفاق بيجون مايقارب ال10 اشخاص قلت بنسوي ضججه .. المهم .. جاتني فكره جهنمية ... قلت دام فيه طلاب جدد عددهم حول 11 قاعدين على الكراسي يراجعون عن رقم سري مادري محاضرات ... قاعدين .. قلت لهم شباب تكفون فزعه .. قالوا امر .. قلت عندي مشكلة وودي بس تصيرون وراي عشان انا بتكلم ورجااء منكم لا حد يتكلم الا اذا مشيت عشان عندي مشكلة في التطبيق ولاخلصت منها ومشيت قولوا اللي تبون .. اتفقنااا ... قالوا اوكي ماعندنا شئ هذا اهم لاطعيينااا ... هذا طبعاا اول الفلم ...طبعااا الموظفين يفطرون كالعاده ومقفلين الباب مسوين عندهم اجتماع كعادة الدواير الحكومية ... ماقدرت اتصبر ... وادرعم عليهم مسوي مسئول خخخ ... شفت اداريين دايم اشوفهم متجمعين يفطرون فووول تحمست افطر معهم خخخ .. قلت لهم يااخوان مين عنده خبر عن مادة التطبيق اللي هي التربية العملية ... قال لي واحد انا المسئول ... قلت له دام انك مسئول ان شاء الله بتشوف لنا حل لي ولزملائي ... طبعااا انا اقصد المستجدين اللي وراي خخخخ ... قال .. تفضل وفي يده اثر حمص خخخ ... قلت له يااخي ماهي بحاله ذي ضايعين بادارة التعليم وبينكم وقلت له الفلم حقي تبع الاجازه ... قال .. ان شاء الله الايقونه راح تفتح اليوم او بكره ... انا ماخلصت استفساري بقوله متى تفتح ومن هالقبيل ... الاااا ... وينقز لي هالثووووور اللي وراي المستجد ويقول ؟؟ واحنا استاااذ كيف نطلع الرقم السري .. يالله عاااد الحين رققققع امهااااا ... ياااااو شهالفشلله ... قاله انت خريج ولا مستجد .. قال له لااااااا اااااانه جديد ... قسم بالله العظيم بقيت اصفقه بكككف حلاقه اهو ويه رقبته تقول رابح صقر ايااام الثمانينات ... رد وقال انت مانت مع الاخ خريج قال لااااااا ... رد وقال لي مين اللي تتكلم عنهم بتشوف لنا حل لي ولزملائي ...خخخخخ انا انحرجت لاني اشرت على هالثور ويه ربعه اول ماجيت ... قلت له زملائي الخريجين طال عمرك خخخ .. انا الحين ادور النحششه ... والقط وجهي .... قال لي بتتسهل اموورك وقاموا يظحكون طبعااا اللي يفطرون خخخخ وانا ظحكت معاااهم ..... صدقوني من الاحراج والفشله حتى المستجدين قاموا يظحكون وفيه منهم بعد يظحك مايدري وش السالفة ... خخخخ ... بصراحة انكككبت من زملائي اللي خاطبوني على الخاااص االله يهديهم .. ويد وحده ماتصفق ...وقلت في خاطري روحتي للمدير ماتشجع دام هاذااا اولهاااا .... وقلت في نفسي دام الكل مرووق وجالس ينتظر خلوووني انتظر حالي حالهم ويمكن في هالتاااخير خيره لي ولكم يااازملاء النكبه ... انتهي الفلم الهندي الي صار علي اليوم ومرحباااا بتعليقاتكم ولكم مني اجمل تحيييية ..

[هـمـس التميمي]

يوووووه موقف تحسد عليه .. بس شي يحز بالخاطر تتفق مع احد وينكبك.. عشان كذا المفروض ماحد يرتبط بأحد .. نفسي نفسي .. الله يسهل امرك

[دفء المشاعر]

هههههههه
صحيح فلم هندي دايم نشوف واحد قدام والي وراهم مايدرو وين هوا دارهم
بس والله موقف حلو وسعت صدرنا

الله يوفقنا جميعا وبنتاخر بسبب اليوم الوطني وهاليومين
يعني يصير اسبوع ونص نطبق

[رغد الشرقية]

خخخخخخخخخخخخخخخخخخخ اهم شي صرفت نفسك

[♥مجَنـۆۉڼـﭡكـ♥]

والله انك كفو بس تراها ججد تحز بالخاططر يوعدونك ويخلونك لحالك بوجه المدفع

يعطيك العافيه وان شاءالله الله بيسهلها

[آلبتول]

الله يسعدك ماقصرت ..

وشي يقهر قسم ..

بس اشتهيت الحمص ياخي ...

[أسير بلآ قيود]

ههههههههههه عوافي يابو بديع ما قصرت

وعلى كلام الدكتور مصلح اليوم بتفتح الايقونة

بالتوفيق

[جوري الملتقى]

الله يسعدك موتني ضحك
حلاة الدراسة بمثل هالمواقف ..

ان شاء الله كل تأخيرة وفيها خيرة لكم ..

[صَمت^^]

هههههه

يعطيك العافيه ويوفقك يابو بديع يمكن لو مارحت لهم ماتحركوو ولا فتحو الايقونه خلال هالايام

ان شاء الله اليوم تقتح

وبالتوفيق للجميع

[مازلتوا اطمح]

خوش فلم