وش رايكم بجدولي

[الحلم1]

اخواني اخواتي ابغى رايكم بالجدول هل ماقمت بة صحيح وانا خايفة من التعارض بعدين بس ماقدر اخذ كمية كبيرة من المواد وصعبة علي

طبعا اخذت من مستوى ثاني وثالث وحاملة مادة من مستوى اول وهذا جدولي


1- التلاوة والتجويد 2- اللغة الانجليزية العامة 3- خدمة الفرد والجماعة 4- اسس الخدمة الاجتماعية


5- التذوق الادبي 6- برامج الحاسب المكتبية 7- النحو التطبيقي 8- التذوق الادبي

[ابن خلدوون]

جدولك زين لكن أنصحك تمشين على خطّة الجامعة ..

يعني أنتي مستوى ثاني سجلي مواد المستوى الثاني فقط ..

لاتتركين بعض مقررات المستوى الثاني وتطمرين للمستوى الثالث ..

بالمستقبل يصير معك تعارض بالمواد وتتعبين من هالشيء ..

اتمنى لك التوفيق والنجاح ..

[الحلم1]

صحيح كلامك لكن حسيت بصعوبة الموادوالضغط علي خصوصا اني ربة منزل ( احصاء - اجلش قراءة - كتابة - نحو ) وفقة السيرة صعب اخذه مع انجلش وخايفة من التعارض بعدين

يااارب اكتب لي الخيرة

[ابن خلدوون]

فقه السيرة تراها مادة سهلة بالمرة ولازم تجيبين فيها امتياز ..

انا بالمستوى الثاني أخذت كل المواد ماعدا الإنجليزي القراءة والكتابة ..

وبلشت فيهم .. كل ماسجلتهم يتعارضون مع مواد أخرى ..

بالترم الصيفي بطلعة الروح سجلت الانجليزي كتابة وباقي علي الانجليزي قراءة لحد الآن ماخذتها ..

ومنها تعلّمت بالمستوى الثالث فما فوق .. كل مستوى أسجل كل مقرراته سواء كانت صعبة أو سهلة ..

والحمد لله مشت معاي الشغلة ..

بصراحة الاحصاء صعب ومدري كيف نجحت فيه ..

[الحلم1]

[الجــــ@ـارح]

اختي انصحك خذي المواد التابعه لمستوى ثاني

وبالنسبه لفقه السيره هي الماده الي ممكن تساعدك في رفع المعدل

لانها سهله وتتكلم عن النبي صلى الله عليه وسلم وعن سيرته وهجرته وبعض العزوات

وقد مرت علينا في المرحله المتوسطه

[الحلم1]

بس المشكلة المواد كلها ضغط علي قلت اخذ االصعب على شوي شوي وربي يعين وخايفة من التعارض بنفس الوقت

[الجــــ@ـارح]

اختي مافيه تعارض اذا اخذتي مواد مستوى ثاني

بالنسبه للانجليزي العام انا اخذته المستوى الي فات مع فقه السيره

والحمد لله تجاوزت المادتين ,, فقه السيره تراه سهل موصعب مثل ماقلت لك

يتكلم عن سيرة الرسول صلى الله عليه وسلم ,,

اهم شي توكلي على الله وشدي حيلك لانك بطريقتك هذي رح تلخبطين جدولك

وممكن بعدين يصير تعارض اذا مارتبتي جدولك صح

انامثلك موضوف ورب اسره والحمد لله مشت الامور

بس اكررلاتلخبطين جدولك بين مواد مستوى اول ومستوى ثاني ومستوى ثالث

رح يكون فيه تعارض بعدين ,,

[الحلم1]

ان شاء الله بحاول اسجلها وربي يعين

[الجــــ@ـارح]

اختي لو الواحد يسجل المواد الي يبي كان سجلنا على راحتنا

لكن الجامعه واضعه خطه دراسيه من المستوى الاول الى التخرج

ولازم نمشي عليها بقدر المستطاع ومعرفة وقت المواد اذا بغينا نحذف ماده

لازم نعرف متى نبي ناخذا وفي اي مستوى على شان مايكون فيه تعارض

ولا يكون فيه لخبطه في الجدول ,,

وهذا اختي اقل شي نقدمه لكم انا نوجهكم بالطريقه الصحيحه ,,

اهم شي شوفي مواد مستوى ثاني وشوفي المواد الي حاملتها من المستوى الاول

حاولي تخلصينها على شان تدخلين ان شاء الله المستوى الثالث وانتي مرتاحه

بالتوفيق ان شاء الله