هذا ماحدث لي عند ذهابي لعمرة رمضان في سوبر ماركت بن داوود ابراج مكه المكرمه

[امي اغلى البشر]

السلام عليكم
ما ادري هل مكان الموضوع صح او خطأ اتمنى منكم العذر والسموحه لو كان خطأ


حبيت اقول لكم اللي صار لي لجل احذركم ويكون عضه وعبره للجميع
في رمضان تاريخ 25 يوم السبت
صلينا انا وامي في الحرم صلاة القيام ثم طلعنا راجعين للفندق فقالت لي امي نبي نروح نسحب فلوس من الصرافه
فرحنا ((لشركة ابراج مكه)) فكانت الصرافات الخارجيه مررره زحمه فقلت لامي ابدخل لداخل اسحب من الصرافه اللي داخل قالت لي امي دخلي لداخل واسحبي وتعالي بنتظرك فشفت امي تعبانه قلت روحي انتي للفندق وانا بس اسحب ابرجع لك وراحت امي وشكلها متردده تخليني لحالي او تجلس قلت توكلي على الله والناس كثير هينا مافي خوف ان شاءالله ،المهم اني دخلت وشفت الصرافه اللي داخل فيها شوية زحمه قلت في نفسي اول بروح اخذ شوية اغراض من سوبرماركت بن داوود اللي كان قريب مرره من الصرافه ، دخلت لـ((سوبرماركت بن داوود))وكان مره زحمه وانا ماسكه السله واحط لي ولامي اغراض قلت ابجيب لامي لبن ومشيت مع الخلق لين ماصرت في الخلف من السوبر ماركت لفت انتباهي باب مكتوب عليه ((مخرج))الا اشوفه للباب انه يطلع للشارع والناس هناك من برى قليل مرره مشيت عنه واخذت اللبن ورحت ابحاسب بالزحمه الا واحد ((لابس ثوب وعليه طاقيه ومو طويل والاغلب انه من الجنسيه البرماويه ))كلمني قالي روحي هيناك حاسبي ويأشر لي عند الباب اللي دخلت معه قلت وين انا فكرته يشتغل من تبع السوبرماركت فرحت المكان اللي قاله ووقفت الا هو وراي قالي هو هينا تعالي ومشيت وراه ومثل اللي بيطلع هو مع الباب اللي دخلت معه فكان هناك موجودشخص من الامن فهو تراجع ومسك السله حقتي واخذها قالي تعالي من ورى في محاسبه هينا زحمه انا مشيت وراه الا مدري كيف جت في بالي سبحان الله صورة كلمة ((مخرج))واتذكر اني لفيت السوبر ماركت ومافي محاسبه من ورى واوقف واقول بقلبي لا يابنت يمكن يتهيئ لك واقول له لو سمحت انا ماخلصت شغلي عطني السله تو باقي وابسحب السله الا هو يوقف معي ويمسك السله بقوه قلت خلاص لو سمحت روح انا ابحاسب بالزحمه ما عندي مشكله الا يسحب مني السله بشكل قوي قوي مرررررره ويقولي حمسكها لك ويتلفت مثل المرتبك هينا انا عصبت قلت ما ابي السله ولا الاغراض وخليتها ومشيت بقوه الا هو يرمي السله بشكل ارضي لين ما وصلتني ويقول بصوت شوي طويل كلام وربي يالله فهمت منه ششي يقول(((روحي لعند مكان الاكسسورارت ....ممو انا اللي حخطوفك هيناكا الطويل اللي يخطفت عشاني قصير ......))) الباقي ماسمعته ولا فهمت وش يقول لانه واضح انه مهوبطبيعي، رحت ومشيت بقوه من الخوف وقلبي يدق دق فضيع وزحمه ولا اعرف اطلع من المكان ونفس الوقت مو عارفه اتصرف لقيت نفسي لازقه في حرمه سعوديه كبيره ومعها بناتها كبيرات قلت بقلبي اعلمهم ثم قلت لا لاتقولين لهم اخاف هم مثله جالي مثل الوسواس صرت بوقتها ما استأمن احد احس كلهم مثله ثم قلت مافي غير طريقه وحده اني اطلع من هالمكان ودموعي كيذا تنزل من الخوف بدون صوت رحت ووقفت من يمين اليمين بمكان الرجال وبين كل الرجال وقريب من واحد سعودي ملتحي وادخل مابينهم اول مره اسويها بحياتي الا المحاسب مستغربني فعلى طول حاسبلي وطلعت وتو بطلع ارجع الشق هالا اتذكر ان امي تبيني اسحب ضروري للفندق وان رجعت وماسحبت بتقولي ليه تاخرتي بدون فايده ومن الغباء رحت وانا خايفه واصيح بدون صوت عند الصرافه واقرى على نفسي وادعي ربي يحفظني وجوالي بيدي كلمت صاحبتي وعلمتها وانا واقفه وجلست معي بالجوال لين ماجا دوري اسحب وزادت المشكله الصرافه ماتسحب بالسحبه الوحده الا اكثر شي الف ريال وعلى خمسين خمسين وادخل اليطاقه واطلع لين ماقرب يكتمل المبلغ الا جا قريب مني واحد من الامن قاله اللي بعدي لو سمحت انا بعدها قال الامن انا ابي اوقف هينا وقالي االامن يا اختي حاولي تخلصين وبس خلصت واطلع بسرررررررررررعه من المكان والاقي حريم وامشي وراهم لين ماصرت قريب من الفندق ثم انا عديتهم ودخلت للفندق وعطيت امي الفلوس ولا علمت امي باللي صار لاني اعرف امي بتتروع وبتجلس تفكر ولا نمت طول الوقت اتذكر اللي صار واقول لنفسي لو اني تبعته وطلعني من الباب الخلفي كان وكان....... واجلس اصيح واحمد ربي انه حفظني حسبي الله ونعم الوكيل وكفى ، ثم يوم جا ثاني يوم الا امي تقولي توا فكر اني المفروض ماخليتك لحالك لو احد يخطفك او يرش بوجهك شي قلت صادقه يمه اخر مره اروح لحالي ، انا كنت اذا طلعت من الفندق للحرم اقول بسم الله توكلت على الله ، استودعتك يا الله انفسنا اللذي لاتضيع ودائعك اللهم احفظنا واستر علينا فسبحانه من توكل عليه مايضيع ابد .
هذا اللي صار لي فحبيتا علمكم باللي صار لجل تنتبهون وتحذرون
سبحانك اللهم وبحمدك اشهد ان لا اله الا انت استغفرك ربي واتوب اليك

[الحلم العربي]

بصراحة ..
وفي زمنا اليوم الواحد لايفترظ حسن النية في الاخرين فعيال الحرم ما خلو لعيال الحرام شيء لانك قد تثق بشخص وتصدقه فيغدر بك وقد تقدم لأخر معروف فيقلب شر ..
انا لا اقصد ان الكل اشرار بل لا يجب ان نجعل جانب الطيبة والعواطف يغلب ع جانب العقل فالحذر مطلوب ..فا اساليب التغرير والاختطاف كثيرة وخصوصاً في النساء والاطفال فهناك يكون دور الاسرة مهم للتنويه في هذا الجانب .
والحمد لله ع سلامتك اختي وحفظك الله بحفظه ..

[امي اغلى البشر]

المشاركة الأصلية كتبت بواسطة الحلم العربي

بصراحة ..
وفي زمنا اليوم الواحد لايفترظ حسن النية في الاخرين فعيال الحرم ما خلو لعيال الحرام شيء لانك قد تثق بشخص وتصدقه فيغدر بك وقد تقدم لأخر معروف فيقلب شر ..
انا لا اقصد ان الكل اشرار بل لا يجب ان نجعل جانب الطيبة والعواطف يغلب ع جانب العقل فالحذر مطلوب ..فا اساليب التغرير والاختطاف كثيرة وخصوصاً في النساء والاطفال فهناك يكون دور الاسرة مهم للتنويه في هذا الجانب .
والحمد لله ع سلامتك اختي وحفظك الله بحفظه ..

صدقت يا اخوي
والله يسلمك ويحفظ الجميع ويستر على الجميع

[حُروف آنثوية]

في مكه وفيه ناس كذا أعوذ بالله ، الله يحفظك ويحمي جميع المسلمات

[trook8]

الحمد لله على سلامتك اختي .. والله يحفظك وجميع اخواتنا ..

والله مصيبه في اقدس البقاع على الارض تصير هالأمور ..

لكن الحمد لله على سلامتك اختي

اختي .. اوصيك بالدخول على الموقع اللي باضعه لك بالاسفل
هي صفحة للابلاغ عند هيئة الامر بالمعروف والنهي عن المنكر

اكتبي فيها اللي حصل بالتفصيل .. زي ما ذكرتي بالموضوع
وانك فقط تبين الابلاغ ..
والله يكتب لك الاجر

هنا
https://www.pv.gov.sa/contactus/Pages/cu.aspx

وبكذا تكوني ابريتي ذمتك .. ولعلك ببلاغك هذا تكوني سبب في كف الاذى عن غيرك من اخواتك ..
بالتوفيق اختي ..

[تيتشر ريماز]

الحمدلله على سلامتك اختي..اي والله قصة مخيفة والمصيبة الكبرى انها تكون في اطهر بقاع الارض وبعد حول الحرم اش الجراءة هاذي تنتشر عصابة خطف بالرغم من كثافة وجود الجهاز الامني صرنا بزمن يخوف صدق لاحول ولاقوة الابالله.. وكان ودي انك ماسكتي وبلغتي الامن هاذي واضح انها عصابة ويمكن تكونين انقذتي اطفال وناس حسبي الله عليه يمكنه ساحر مثل القصص هاذي اللي تجينا ونقراها على الواتس انه فيه مره بمجردانها تحط ايدها على كتفك او تمسكك تسحرك وبالفعل كل مااروح مجمع او انزل سوق اشوفهم منتشرين حريم و تطلب فلوس ومن اول مااشوفهم يخطر ببالي القصص الي قريتها لدرجة اني افز وابتعد عنها حتى هيه تحس اني خايفة منها واقول ماعندي شيء الله يعطينا ويعطيك وعيني بس على ايدها لاتحطها عليه صراحة من كثر مااسمع ماعاد اثق باحد.. اللهم من ارادنا وبلادنابسوء اللهم فاشغله في نفسه ورد كيده في نحره واكفنا يارب شر اولاد الحرام وبنات الحرام ماظهر منهم ومابطن واحفظنا بعينك التي لاتنام

[لكَبريآئي روآية]

,
,

لا حول ولا قوة الا بالله , وللاسف يصصيــر افظع بكثير من كذآ , آشخاص اصابت قلوبهممٌ القسوه وعددمُ اسستشعار هيبههُ المكآن وآنــههُ آآطههرٌ بقعههٌ ع وجههٌ الارضٌ ’,آريُ لـو وقتهآ ابلغتيٌ رجآل الآمنُ او جمعتيٌ عليهُ آلنآسٌ , ولـو كل فتآه تعرضت للموقف هذا او للتحرشٌ , جمعتٌ قوااهآٌ وابلغت عليه رجآل الامنُ , او احدُ المشايخ , منتشرين بالحرم وحول الحرمُ ب كثرهٌ , ما صارتٌ مثل هذيٌ الموآقفٌ , والحمد الله علي سلامتككُ , وعمرههٌ مقبولهٌ ان شا اللهٌ ,

[مُلهمــــة]

الحمد لله على سلامتكـ........ ربي يحفظكـ

حسبنا الله ونعم الوكيل

[الجفول*]

الحمد على سﻻمتك ..الله يحفظك...

[بـــو أحــمــد]

و عليكم السلام

امي اغلى البشر
بدايةً الحمد لله على سلامتك
و أستغرب كل هذا يحدث بالقرب من أطهر بقعة على وجه الأرض ؟!
هذا درس لكِ و للبقية .. أنتبهوا
هذا الزمن يخوّف .. و الوضع من رديئ إلى أردى
لا أعلم إن كان سيأتي علينا زمن نفتقد فيه الأمن أو لا

و لكن .. الإنتباه ثم الإنتباه
فيه أمور تحصل لابد ما نآخذها بحسن نيّة
يعني مثلاً مكان الكاشير .. معقولة بيكون مكانه بعد باب خلفي ؟!

أيضاً في حال وجود زحمة بهذه الصورة .. من الأفضل عدم الذهاب للتسوق إلا في وقت مناسب