المجتمع أم نورة ؟!

[Anwar Alamrad]

السلام عليكم ورحمة الله وبركاته

بالبداية ، عذراً لو ماكان القسم المناسب للموضوع .. بس بالنسبة لي لقيته أنسب مكان أضع فيه موضوعي
اللي راح يسعفني ويسعف الكثير ان شاءالله وتعم الفائدة للجميع ..

بالنسبة لمشكلتي والموضوع اللي محيرني طول هالإجازة ، هو أني انقبلت بجامعتين
التخصصات حقاتهم من المفضلات عندي .. جامعة الدمام قبلتني بكلية المجتمع / سنة تحضيرية
بعدها اتخصص بمجال (علوم حاسب، تقنية معلومات أو نظم معلومات) سنة تحضيري وسنتين تخصص وبعدها آخذ الدبلوم العالي

نجي لجامعة الأميرة نورة بنت عبد الرحمن بالرياض ، انقبلت بكلية التصميم والفنون التخصص راح يكون جرافيك ديزاين ، تخصص أقوى حتى من الحاسب !
لكن المشكلة وين .. ناس تقولي خليك بالمجتمع ماتندمين، ناس تقول روحي نورة تخصص حلمك
وشي أنا مبدعه فيه وبنجح فيه ..

وسالفة التوظيف شي ثاني بالسعودية مقارنةً بتخصص كبير زي الجرافيك ديزاين ، والحاسب اللي ضامنه نفسي انقبل بأي مكان ..

ناس تقول هذي شهادتها اقوى ، وناس مو ذاك الزود .. أنا مو عارفه وين الله قاطني يا جماعه
الناس الفاهمه ومتأكده من كلامها المفروض هي اللي تتكلم السالفة مو سالفة إبداء آراء
كذا انا مو عارفه اصدق مين وافكر صح ..

ياليت اللي عنده معلومات واضحة ومؤكده يعطيني اياها أو حتى رأي مبني على كلام صحيح .

شغلة ثانية محيرتني ، أن كلية المجتمع راح توفر لي خدمة تحفيزية ، لما أخلص الثلاث سنين
واخذ درجات عالية بمرتبة الشرف راح تعطيني اني اقدر اكمل بالدمام واخذ بكالوريوس أو اني اقدر
اطلع بعثه على حساب الدولة وبهالموقع راح تتوفر لي خيارات كثيرة .. على عكس نورة والله اعلم مادري هل توفر هالشي أو لا بس انا ماسمعت .. وانا احس نفسي بالنصف مو على هذي ولا هذي

ولا انتو شرايكم ؟