قرار غريب أول مره ادري عنه

[enizias]

بدخل بالموضوع على طول تفجأت اليوم من احد الزملاء عندما قال لي انه مسجون وان كان معفي عن الرسوم الجامعية . وان اموره بدأت تسوء بعد ما طلع من السجن يقول بلشت بالايجار ومصاريف البيت ورسوم الجامعة بينما يوم كان مسجون كان يمشي راتبه و يتم تسديد الاجار لبيته ويعفى من الرسوم الدراسية .

طيب المواطنين الصالحين الي كاف خيره وشره وبحاله ليش كل شي عليه لا زم ينحرف عشان تزين اموره .


صراحه الجامعة تحتاج إلى إعادة النظر في طريقة مكافئة المتفوقين لازم مع مكافئة 1000 يكون فيه إعفاء من الرسوم .

[أفا يا قلب]

طيب ترى مو كل مسجون منحرف،، والله يرزقنا

[enizias]

المشاركة الأصلية كتبت بواسطة أفا يا قلب

طيب ترى مو كل مسجون منحرف،، والله يرزقنا

صحيح ولاكن كل من لم يسجن رجل صالح يستحق المكافئة على انضباطه في المجتمع والجامعة دائم تتفاخر في خدمة المجتمع

[جريح الصمت]

السجن اصلاح وتهذيب مو بس عقاب
عشان كذا تقدر تدرس عشان تطلع افضل

وبالنسبه للراتب يمشي ثلث الراتب اثناء فترة السجن
وبعد الخروج ينظر بسبب السجن للموظف هل هو مخل بالشرف او لا
ويتم تحديد جلسه للنظر بالاكتفاء بعقوبة السجن والاعادة للعمل او الفصل من العمل

المساله فيها نظام معين مو بالبساطه اللي تتكلم فيها

والموضوع يطول شرحه

[هتان 2]

لازم ننحررررررررف علشان يحسوون فيناا

[نعسآنه]

المسجون لا حول له ولا قوة
اما الحر يستطيع ان يبني ولو جزء بسيط من مستقبله
أقلها خذلك سياره مشاوير خاصه وانت تدرس
الشغل مو عيب الصباح وصل بنات الجامعه
وغيرهم وغيرهم تطلعلك بنهاية الشهر فوق 5000
اعرف واحد شخصيا ما عابه الشغل وماشي حياته
اهم شي يكون الشغل حلال توكل على الله

[دمعة الأحلام]

طبعا البنات ممنوع يسوقون والرجال يكسبون من وراء توصيلهم والله حاله

[enizias]

المشاركة الأصلية كتبت بواسطة جريح الصمت

السجن اصلاح وتهذيب مو بس عقاب
عشان كذا تقدر تدرس عشان تطلع افضل

وبالنسبه للراتب يمشي ثلث الراتب اثناء فترة السجن
وبعد الخروج ينظر بسبب السجن للموظف هل هو مخل بالشرف او لا
ويتم تحديد جلسه للنظر بالاكتفاء بعقوبة السجن والاعادة للعمل او الفصل من العمل

المساله فيها نظام معين مو بالبساطه اللي تتكلم فيها

والموضوع يطول شرحه

أمنا بالله ويستاهل المسجون الرعاية لغرض الاصلاح ..... الصالح مايستحق مكافئة على صلاحه من الجامعة بإعفائه من الرسوم

المشاركة الأصلية كتبت بواسطة هتان 2

لازم ننحررررررررف علشان يحسوون فيناا

القرار صراحه غير مدروس

المشاركة الأصلية كتبت بواسطة نعسآنه

المسجون لا حول له ولا قوة
اما الحر يستطيع ان يبني ولو جزء بسيط من مستقبله
أقلها خذلك سياره مشاوير خاصه وانت تدرس
الشغل مو عيب الصباح وصل بنات الجامعه
وغيرهم وغيرهم تطلعلك بنهاية الشهر فوق 5000
اعرف واحد شخصيا ما عابه الشغل وماشي حياته
اهم شي يكون الشغل حلال توكل على الله

طيب المسجون كان حر قبل ماكان مسجون وماقدر يبني مستقبله ..... الكلام على الجامعة وخدمة المجتمع شي ممتاز انه يعفى السجين من الرسوم لغرض تعليمه ..... وأفراد المجتمع الباقين مايستحقون التعليم المجاني لغرض تفادي وقوعهم في الانحراف ؟

[الجلاد]

أولا مو كل مسجون مجرم أو منحرف كما تقول

وياما في السجن من مظالين

هكذا علمتني الحياة

ثانيا الواحد مستعد يدفع اللي وراه ودونه ولا يسجن

السجن عذاب وما يحس فيه الا اللي جربه ولا قريب له جربه

السجين مسلوبه منه كل شئ وتحسده على تسديد الرسوم عنه ؟!

أخيرا أحمد الله وأشكره

[الرفيق1]

خريجي سجون منحرف + رجل اكاديمي متعلم = كوكتيل