نستهزي بالمواضيع ؟ Ok ..

[xFhawhx]

السلام عليكم ورحمه الله وبركاته .
كيف حالكم ي اعضاء اجمل ملتقى ؟

مساء امس كتبت موضوع بخصوص الردود البائسه والكثير ايد الموضوع
تفاجئت اليوم لما اتصفح بالمنتدى ان حصلت ناس تكتب مواضيع استهزائ
لهالدرجه الواحد فاضي ويدخل المنتدى ويكتب موضوع استهزائ ؟
المنتدى للفائده والاستفاده مستحيل احد يدخل يطقطق بمفهومنا العادي .!
بحثت وعرفت الواحد ليش يكتب موضوع بائس ماله معنى ولا فائده .
السبب الاول تشتيت افكار الطلاب بالنتائج وانا من المتظررين في هذي المسئله
السبب الثاني يحاول يشتهر بالمنتدى وبهاذا الشكل مستحيل يكسب الاحترام والتقدير
لاجل نكون منصفين ي اخوان لاحظت بعد بالردود فيه ناس تستهزي بعد زي الي يقول
" وين سوق الحمام " " عندك بيض " وانا عن نفسي ماتجرى اكتب رد زي كذا ..
تعتقد بنفسك بالحركات هذي انت فله ؟ اجل انت طارق العلي نسخه مصغره ؟
كلنا دخلنا المنتدى لاجل نستفيد ونفيد بكل مانملك واصغر واحد فينا عمره مايتجاوز العشرين
عمرك عشرين وعقلك صغير ؟ وش خليت للاطفال بالتصرفات هذي ؟
كلنا يد وحده وهالكلام ماعليه اي اختلاف ..
بس لما تكتب موضوع استهتاري واستفزازي للاعضاء هالشي هذا غلط ..
كثرت المواضيع والفؤائد قليله جدا فيها . مانبغى ي اخوان نوصل لهاذا الحال .
اتمنى م اشوف مواضيع استهتاريه زي الي شفناها هالاسبوع هاذا .
ورساله للي وده يعرف موعد النتائج ادخل موقع الجامعه وشوف اخر الاخبار .
وبتستفيد باذن الله بدون لاتحرج نفسك في المنتدى !

الي يايد كلامي يرد واذا بيتقفل الموضوع متقبل بصدر رحب .

آخوكم ، خالد .~

[كل الغلا لك]

وين المكتبة ابي علبة هندسة أرسم كبلاي يوصلنا للنتايج بسرعة

معليش على الرد بس إني زي غيري من الأعضاء ننتضر جامعتنا الموقرة تفرج عن النتايج ونشوفها وناخذلنا صورة معها عشان نقدم على مكتب العمل ونطلع لنا فيز عمال

وسلامتك يالغالي

[xFhawhx]

حياك

[أبـ الجوري ـو]

افضل شيء لو احد رد عليك برد سيء تجاااهله تماماً وخله يموت بغيظه

[موفق]

شوف اخي الكريم لابد يكون صدرك وسيع لاخوانك واخواتك واذا تفكر انه انت اللي صح وهم غلط فلازم تراجع نفسك الجدية باسمترار صعبة حتى في امور الدين الرسول يقول ساعة وساعة

والانتقاد سهل جدا لو واحد كتب موضوع وعلق على اسمك فهاوة بصراحة عنده وجهة نظر لكن هي قناعات فيه ناس تكون رايقة تكتب موضوع من باب ادخال السرور والفرح على زملاء الدراسة لا يعني انه يبي يشتهر ولا شي هي طبيعة بشر وفيه ناس الجدية تغلب على تصرفاتهم يمكن انت منهم

في النهاية لازم كلنا نتقبل بعض فما تراه خاطئا قد يكون صحيحا في نظر غيرك

دمت بوافر الصحة والعافية

[Lubna]

عادي اخوي بكل مكان سواء في عالم الانترنت او بالواقع حولنا بتلقى اشكال مختلفه من الناس فيه اللي يحترم نفسه و غيره و فيه اللي العكس يعني صعبه اننا نطلب الكمال و ان الكل يكون طبعه مرن و يتقبل اي شي برحابة صدر


بعدين لا تنسى دايم بفترة انتظار النتائج تكون الاعصاب متوترة و البعض ينتظر هفوة بس من اياً كان عشان يفش خلقه فيه ( يطلع حرته من النتايج )

خليك انت افضل و تغاضى عن الكلام اللي ما يعجبك لو بتدقق على كل كلمة بتكتب عنك او عن غيرك و بتصغر عقلك بالرد و حرقة الدم ما احد بياكلها غيرك انت اللي بتتنرفز و هم آخر همهم اذا فلان/ة تضايق او لا




تحياتي

[ابو جوود]

اييييييه يحزم الضامي

[جورجي~♥]

اخوي خالد كلامك جميل لكن ماتقدر تحكم بشر كلان يعمل وفق ضميرة اسلوبة شخصية لذلك اهتم بنفسك ولا يزعجك اسلوب غيرك
تحياتي لك

[Khaled.SU]

والله اني استحي اخاطب احد بالمنتدى بهالطريقه

انا طالب جامعي بين طلاب جامعيين و كلنا اعمارنا فوق ال20 ف كل واحد يحترم نفسه و يحترم الاخرين

احنا هنا لهدف تعليمي مو للمسخره و الاستنقاص

ي خي فيه ناس يعنني انا الزاحف ترى خلاص هالحركات اول بالثانويه و المتوسط كل ما احد كتب موضوع يستفسر عن شي يجيك مدرعم يتطنز او يشطح بموضوع ثاني نفس ربعنا حقين هدف تسلل و يحسبها الحكمم

وهالشي بسبب الفراغ و الملل لكن مو عذر للي يقل ادبه و يتمسخر بالاخرين و اتمنى شغل الحظر و الايقافات تتفعل بدون رحمه

يعطيك العافيه و بالتوفيق للجميع

[خالد بن وليد]

البعض بمواضيعه يحط نفسه بمواقف بيخااااااااه والعالم تنتظر النتائج على اعصابها يستاهل الي يجيه لانه حط نفسه بموقف لا يحسد عليه .