" الـضـّنـى غالـي " مع داوود الشريــان ..!!

[SaD HeArT]

السـلام عليكم و رحمـة الله و بركاته ..

و حيـّاكم الله جميعــا ..



الـضـّــنـَـــــــى غـَـالــِــــــــــي ..!!









بعض ما يعرض في برنامج " الثامنـه " اللي يقدّمـه الإعلامي " داوود الشريـان " أقرب ما يكون لــ " الخيـال " ,

و لولا البرنامج و " تسليطه " الضوء على بعض الأمور ,

لما كنـّا عرفنا و سمعنا عن تلك القصص المأساوية التي " إنسلخ " بها بعض " الأوادم " عن آدميـّته !!


البرنامج عرض خلال هــ الشهر 3 حلقـات , كل حلقـة منها تثير " الشجـون و العواطـف و الدمـوع " !!

من حلقـة البنت السعودية " خلـود " اللي أمـّها أندونيسيـّة ,

و بعدها الشاب " محمود " اللي ما شاف أمـّه من 25 سنه ,

و البارحة ( يوم الأحد 26 / مايو ) مع اللي " فاقديـن عيالهم " ..!!

حلقـة البارحه لــ حالها فقط تكفي لـ تحكي معاناة بعض الأسـر الذين وجدوا أنفسهم في مواقف لا يـُحسدون عليها ..


الواحد فينا إذا مرض واحد من عياله أو إخوانه يتضايق و يحاتي و باله يبقى مشغول ,

شلون عاد لو ينخطف الولد أو الأخ و إلا يضيع و هو صغير و محد يدري عنـّه ؟!!

حاولت أتخيـّل الموقف و لكن لــ الأمانه ما " قويـت " و لا قدرت !!

و متأكـّد إن محد راح يتحمـّل 5 ثواني فكرة إن ولده أو بنته يضيع أو ينخطف !!

عز الله ما ينلام " الزهـراني " اللي " بكـى " و هو يعرض صورة ولده اللي " فقده " بــ الحرم من 27 سنه !!

و مشهد " العسيري " اللي ما كان عارف يشرح حالته و معاناته كان مشهد صعب مشاهدته و معايشته !!


الله يصبـّرهم , و يفرّج كربتهـم , و يرجـّع لهم عيالهم سالمين و معافين ..

إدعـوا لهـم يا جماعة الخيـر ,

ما تدرون .. يمكن دعوة واحد أو وحده فينا تصادف " لحظة إستجابة " ,

و يكون سبب في تفريج كربـة أهاليهم , و إعادة البسمة لهـم ..




http://www.youtube.com/watch?v=drLbfaD8-po

[بنوته حساويه وو]

اي والله ماقصر دواد الشريان الله لايقصر في عمره موضوع رائع

[ابو نواف..*]

مؤلم جدا ؛؛
الله يرد كل ضايع او مسافر لاهله

[Dr. nsroon]

جربت كيف يضيع علينا ولد ونجلس ندور عليه مثل المجانين
وكثيييير مرات يضيعون والحمدلله اكث من نص ساعه ما قد حصلت

الا مره وحده وانا صغيرة بنت عمتي كانت تمشي في نومها وكنا على
البحر ومشت ومحد انتبه لها .. 4 ساعات يدورون عليها وبالاخير حصلوها نايمه على اليم

قبل شهر اخوي عمره 16 او 17 سنة طلع من البيت 8 وما رجع الا 12
وفي خلال هالوقت فكرنا مليون مره نبلغ الشرطة لانه ندق على جواله وما يرد
وما نعرف وين راح ومع مين راح ولا كان حاولنا نتصل بأخوياه
ويوم رجع ماخلينا كلمه عليه ما قلناها وكان يقول انا كبير ما ينخاف علي
لين شاف حلقة امس وعذرنا على قلقنا عليه

ربي يردهم لأهاليهم يارب مافيه اوجع من فقد الضنى

[أشواااااق]

أتابع الحلقه ولي باك
سلمت ي ساد

[أم عمر w]

فعلا الضنا غالي ..

يعطيك العافية ..

[بنوته حساويه وو]

المشاركة الأصلية كتبت بواسطة نصرون

جربت كيف يضيع علينا ولد ونجلس ندور عليه مثل المجانين

وكثيييير مرات يضيعون والحمدلله اكث من نص ساعه ما قد حصلت

الا مره وحده وانا صغيرة بنت عمتي كانت تمشي في نومها وكنا على
البحر ومشت ومحد انتبه لها .. 4 ساعات يدورون عليها وبالاخير حصلوها نايمه على اليم

قبل شهر اخوي عمره 16 او 17 سنة طلع من البيت 8 وما رجع الا 12
وفي خلال هالوقت فكرنا مليون مره نبلغ الشرطة لانه ندق على جواله وما يرد
وما نعرف وين راح ومع مين راح ولا كان حاولنا نتصل بأخوياه
ويوم رجع ماخلينا كلمه عليه ما قلناها وكان يقول انا كبير ما ينخاف علي
لين شاف حلقة امس وعذرنا على قلقنا عليه

ربي يردهم لأهاليهم يارب مافيه اوجع من فقد الضنى

اي والله ماتلمين يانصرون اذا اختفى الطفل حتى لو خمس دقايق ماتعرف تفكر بعده
الله يرجع كل طفل وشاب وبنت الى اهلهم ويقر اعينهم بفلدات اكبادهم اللهم اميييييييين

[F!x]

شكرًا ساد علي طرح الموضوع القيم
وبارك الله فيك
شكرًا بنوته حاساويه علي التنبيه

[{%{محمد}%}]

موضوع قيم
يعطيك العافيه
وبارك الله فيك

[prestigious]

مؤلمه هي مثل هذه المواقف
أسأل الله أن يرد لهم فلذات أكبادهم ...