مطالبه بمقر اختبار في الرياض

[FaHoOoDe]

مرحبا للجميع

الكل يعرف واولهم العميد

ان 60 في الميه من طلاب الانتساب من اهل الرياض ومحافظاتها

كيف يحصر الاختبار بالاحساء وفي رمضان كمان !!


يعني وش الضرر لو حط ع الاقل مقر واحد في الرياض ؟؟


لازم نطالب بهالشي وياليت نشوف هاشتاق عن هالموضوع عشان يوصل للعميد

[زورق*]

صحيح المفروض فيه مركز اختبار صيفي


وكنت متوقعة راح يكون في الرياض مركز


لكن للأسف ماصار ..

وأتوقع لو طالبوا الطلاب والطالبات راح تستجيب الجامعة




لأن العدد كبير

[العضيد1]

أعتقد أن السبب قلة عدد الكوادر المتاحة في الإجازة. المدارس مغلقة والمدرسون في إجازة. صعب.
حتى في الأحساء الاختبار سيكون في الجامعة فقط.

[FaHoOoDe]

استاذي ليس كل مقرات الاختبار في مدارس او معاهد

حنا بسدير حاطين الطلاب بجمعيه تحفيظ قران والجمعيات ع مدار السنه

والبنات حاطينهم في مركز سعدا جمعيه اجتماعيه حقت زواج وما زواج !!


يعني عادي جدا لو شافو مثل هالجمعيات في الرياض

[مـاعندي سـالفة]

يعطيك العافيه يا فهودي

والله موضوعك قيم ومهم وفيه فوائد
لكن للأسف الغالبيه من الطلاب والطالبات
كأنهم (( المصارية بعد ثورتهم )) كل ما زعل قال ابنزل لميدان التحرير واعمل مليونيه ضد الحكومة ههههههههه

يعني لو تسوي موضوع تسب الجامعه
بتشوف التفاعل (( وياليتهم على حق ))

لكن موضوع فيه فائده وممكن ان الجامعه تتففاعل معه وتحرص على تنفيذه

ما تشوف الا القليل

عموما انا معكم
وياليت والله يكون فيه مركز واحد

على الاقل تفعل الفكره لو السنه القادمه اذا مو هذا الترم

ويعطيك العافية

[زورق*]

إن شاء الله ينتبهون للموضوع ويراسلون الفريدان


مركز واحد للطلاب وآخر للطالبات ماراح يشكل عليهم


لو يتحقق كنت أول المسجلين للصيفي

[العضيد1]

المشاركة الأصلية كتبت بواسطة مـاعندي سـالفة

يعطيك العافيه يا فهودي

والله موضوعك قيم ومهم وفيه فوائد
لكن للأسف الغالبيه من الطلاب والطالبات
كأنهم (( المصارية بعد ثورتهم )) كل ما زعل قال ابنزل لميدان التحرير واعمل مليونيه ضد الحكومة ههههههههه

يعني لو تسوي موضوع تسب الجامعه
بتشوف التفاعل (( وياليتهم على حق ))

لكن موضوع فيه فائده وممكن ان الجامعه تتففاعل معه وتحرص على تنفيذه

ما تشوف الا القليل

وأنت هالحين وش جالس تسوي إلا أنك تعترض وشوي تنزل ميدان التحرير؟.
خلاص الجامعة قالت في الأحساء يعني في الأحساء.
يا أخ فهد: ليس المقر وحده. ممكن يستأجرون أي استراحة، ما عندهم مشكلة. يحتاجون مراقبين وكوادر، وين يجمعونهم في الإجازة.

[عُذَيق]

أعانكم الله وحقق مطلبكم

[مـاعندي سـالفة]

المشاركة الأصلية كتبت بواسطة العضيد1

وأنت هالحين وش جالس تسوي إلا أنك تعترض وشوي تنزل ميدان التحرير؟.
خلاص الجامعة قالت في الأحساء يعني في الأحساء.
يا أخ فهد: ليس المقر وحده. ممكن يستأجرون أي استراحة، ما عندهم مشكلة. يحتاجون مراقبين وكوادر، وين يجمعونهم في الإجازة.

انا جالس اطالب بشي منطقي
بدون سب او شتم وبدون منًة اني دافع لهم
اذا قبلوا نور على نور
واذا ما قبلوا فـ كسبنا شرف المحاولة

المطالب المنطقيه شي مشروع
لكن اني اطلب منهم ليه الدكتور اسألته مو زي حقت العام وليه الجامعه اللي دافع لها فلوس وما تنجحني هههههههههه
وش هالككلام


اذا ما تعرف تفرق بين المطالبه المشروعه مع احترام اصحاب القرار .. وبين المطالبه الغير منطقيه مع السب والشتم

فهذه مشكلتك

ـــــــــــــــــــــــــــــــــــــــــــــــــ


الاخ فهد

تم ارسال رسالة للجامعه بهذا الموضوع
وان هناك عدد من الطلبة في الرياض
يطالبون بفتح مقر للأختبار في الرياض لو مقر واحد للطلاب ومقر للطالبات

وانتظر ردهم

[العضيد1]

أنت نزلت للتحرير خلاص.
من هو اللي طالب بأن الأسئلة تكون مثل حقت العام؟ ونجحوني علشاني دافع فلوس؟.
لا تبالغ الله يهديك. ما أحد قال كذا.
إلا قرار حكيم من الجامعة بأن يكون الصيفي في الأحساء فقط. كثر خيرهم. لو ما فتحوا صيفي خير شر، سكتّم.
أنت اعترضت على المحتجين لأنك لم تعاني معاناتهم، وها قد انكشفت سريعاً في مطالبتك بفتح مركز للصيفي في مدينتك.
تبغى صيفي تروح للأحساء. إزعاج وشكاوى كل شوي ما نبي.