بالعرف عيب والشرع حرام ولا تصدر حتى من الأطفال

[يـوسـف]

السلام عليكم ورحمه الله وبركاته

موضوع مهم لن يمر مرور الكرام

ردود في منتديات النقاش اراها منذُ ثلاثة اترام ولكن من اشخاص قله

لكن هناك من اعجب بأسلوبهم وقام ينهج نهجهم

هنا اقول سوف يتم إرسال كل هذه الصور إلى عميد الجامعة عن طريق البريد

ليستُ حريص على الضرر بأي طالب لكن من لم يحاسب نفسه يجب ان يحاسب

سنه ونصف وانا اراى هذه العبارات التي لا تمت للموضوع ولا المكان بأي صله

بحسن نية احتمال ان الاخوة الكرام تتم حل واجباتهم والمشاركات من قبل مكتبات خدمات الطالب التي لا تهتم بمصلحته ولا يهمهم امره ولا حتى دكتوره الذي يوجهون له هذا الكلام

لا ادري هل تبليغ العميد صواب ام خطاء

لذلك اتمنى التصويت لكي ارسلها بإقتناع تام

ارائكم يا اخوان تهمني

[ابو غادة]

فديت عمرك اخوي يوسف هذا اللي انت مصورة بجميع المذاهب لا تجوز لكن احس فيها مكيده مو معقولة الطالب يبي يسب ورقمه الأكاديمي موجود الطالب ماهو غبي لهالدرجة لكن بكل امانه انا شفت حلول مناقشات بعض الطلاب مثلا بمناقشة مادة الأنجليزي ينسخ السؤال ويجاوب بنفس السؤال والمصيبة يجي اللي بعدة وينسخة ويضيفة كنص اجابة وربي يوفق اخوي يوسف

[تيتشر ريماز]

والله ياخوي كلا محاسب بما يكتب مو عشان النظام يبي يحسبلي الدرجة تلقائيا اجي اكتب كلام ماله علاقة في المادة واعتقد ان اغلب الطلبة واعيين ومتعلمين وهذا ان دل على شيء دل على قل الامانة عندهم وقلة وعيهم ولا ذا كلام ينكتب !!دام انهم راح يكتبون شيء خارج نطاق الدرس على الاقل يكتبون كلام محترم ..وانت اللحين تستشيرنا
هل انت تبلغ العمادة اولا من وجهة نظري انك ماتبلغ لان زي مايقولون الخير يخص والشر يعم ممكن لو تبلغهم يصيرون يتشددون اكثر واكثر وش ذنب اللي يكتب وتكسرت ايده يتحمل ذنب غيره واتوقع ان الجامعة عندها خلفية اذا هم جالسين يتابعون النظام كان اول نظام النسخ والصق مريحنا كثير ومن كثر ماالطلبة يراسلون العمادة اننا ننسخ اننا ننسخ الغوا الخاصية يعني مو لو سكتوا افضلنا وهم عارفين اننا ننسخ بس هي تتغاضا من كيفها لكن لو لقت احد يذكرها بتصير تدقق في كل شيء فمن الافضل نسكت ونخلي الامور تمشي على ماهي عليه افضل من ان تتعقد على الكل ومثل ماقلت في البدايه الطلبه واعين وعارفين وهم المحاسبين واتمنى من كل الطلبة يلتزمون بالمصداقية وكتابة اجابات صحيحة هذا من وجهة نظري

[شجرة ساكورا]

كلام الاخت ريماز الشهري عين العقل في كل شيء قالتة

[عسله]

معك حق في هذا الكلام ... ولكن أخاف تبلغ العميد عن كذا بعدين يلغون سالفة النقاشات والواجبات وكذا يعني ... وهالثلاثين درجه تنفعنا في النجاح بإذن الله ...

[سماء أرض]

طيب واللي كاتبين

ماما جابت بيبي


ويرد اللي بعده


بيبي حلو صغير


وش تقول فيهم


هذي انا شفتها في احد المناقشات
من جد قله الامانه

[شبيــه آلــريح ،]

فشيلة

هل جزاء الاحسان الا الاحســان

..

[JJS]

و عليكم السلام و رحمة الله و بركاته .


من ثلاثة أترام تشوف ذا الحاجات و ذا الردود و ساكت ...... و هالحين و إنت في مستوى سابع و على وجه الإختبارات و خلاص بتروح تطبق جاي بتبلغ العماده .


مشكور على الإستفتاء يا أستاذ يوسف

[يـوسـف]

المشاركة الأصلية كتبت بواسطة ابو غادة

فديت عمرك اخوي يوسف هذا اللي انت مصورة بجميع المذاهب لا تجوز لكن احس فيها مكيده مو معقولة الطالب يبي يسب ورقمه الأكاديمي موجود الطالب ماهو غبي لهالدرجة لكن بكل امانه انا شفت حلول مناقشات بعض الطلاب مثلا بمناقشة مادة الأنجليزي ينسخ السؤال ويجاوب بنفس السؤال والمصيبة يجي اللي بعدة وينسخة ويضيفة كنص اجابة وربي يوفق اخوي يوسف

كلامك سليم اتوقع انه صاحب مكتبه خدمات طلابية

ومنتشره كثير

ياليت ان اي طالب معطي رقمه لأحد خدمات الطالب يشيك على اجاباته

[يـوسـف]

المشاركة الأصلية كتبت بواسطة ريماز الشهري

والله ياخوي كلا محاسب بما يكتب مو عشان النظام يبي يحسبلي الدرجة تلقائيا اجي اكتب كلام ماله علاقة في المادة واعتقد ان اغلب الطلبة واعيين ومتعلمين وهذا ان دل على شيء دل على قل الامانة عندهم وقلة وعيهم ولا ذا كلام ينكتب !!دام انهم راح يكتبون شيء خارج نطاق الدرس على الاقل يكتبون كلام محترم ..وانت اللحين تستشيرنا
هل انت تبلغ العمادة اولا من وجهة نظري انك ماتبلغ لان زي مايقولون الخير يخص والشر يعم ممكن لو تبلغهم يصيرون يتشددون اكثر واكثر وش ذنب اللي يكتب وتكسرت ايده يتحمل ذنب غيره واتوقع ان الجامعة عندها خلفية اذا هم جالسين يتابعون النظام كان اول نظام النسخ والصق مريحنا كثير ومن كثر ماالطلبة يراسلون العمادة اننا ننسخ اننا ننسخ الغوا الخاصية يعني مو لو سكتوا افضلنا وهم عارفين اننا ننسخ بس هي تتغاضا من كيفها لكن لو لقت احد يذكرها بتصير تدقق في كل شيء فمن الافضل نسكت ونخلي الامور تمشي على ماهي عليه افضل من ان تتعقد على الكل ومثل ماقلت في البدايه الطلبه واعين وعارفين وهم المحاسبين واتمنى من كل الطلبة يلتزمون بالمصداقية وكتابة اجابات صحيحة هذا من وجهة نظري

والله يا خوك هذا هو اللي مخليني ما فتحت الموضوع من سنه ساكت

لاني عارف الجامعة انها بتصرف تصرف ارتجالي ومو من مصلحة الجميع

لكن اتمنى ان احدهم يرى الموضوع ويكون له انذار