السلام عليكم ..الرجاء من "البنات الدخول"

[أحزآن أنثى]

السلام عليكم ورحمة الله وبركاته

إلى كل البنآت أنتم خوآتي بهالملتقى ..

ومآسجلنآ إلا لـ نتعلم ونكمل مشوآرنآ التعليمي

بس اليوم آللي شفته مآعجبني أبد وأكيد مآعجب غيري من آلبنآت

ألا وهوه أنكم أخذتوا رأحتكم بمآ فيه الكفاية ..قلت معليه يمكن شوي

ويستوعبون أنه آللي قدآمهم رجآل مب بنت حآله حآلهم ..إلا أنكم

زدتوا في آلهبآل والسوآلف وآلسمآجة ,, اللي يشوفكم جآيين بس حق

هذره مو أنكم تكملون مساركم العلمي ..مآحبيت أفتح موضوع

بس أنتم خليتوني أضطر أفتح هالموضوع.. مو من حقي أكلمكم

أنآ مآني مسؤوله عنكم .. بس من وآجبي أنصحكم ..

لاقربت الاختبارات ولا شفتو درجاتكم ناقصة لاتولولون ..يمكن الدكتور نفذ ونقص

لآتنسون يعرف كل البنات وأسمائنا موجودة ويعرف منو اللي حضرت واللي ماحضرت

والسوالف اكيد مسجله ومراقبة .. اوك ضحك شوي مو معناتها الين الاخير

تاخذون المحاضرة هبال .. غير كذا ع الاقل احترمتوه ..لمن قال أي أحد

عنده سؤال يسأل طنشتوه ولا عبرتوه..تكلمت لأني عارفه رآح

يصير هآلشي بكل محاضرة .. والبنات اللي يضحكون

ومآأدري ايش أهم عآرفين نفسهم مآيحتآج أعيد الكلام ..

أتمنى هالشي مآ يحصل أول مرآ وأخر مرآ..إذآ أنتوآ مآتضايقتوا

غيركم يضايقه هالشي.. ربي يديكم ويهدي الجميع ..

آلسموحة من الجميع إذا ضآيقت أحد بكلآمي

[تمنيت]

انا معك بكلامك واكيد 100% صحيح

عسى ربي يهدي الجميع واكيد الهدف الاول والاخير من هالمحاضرات الاسئله وتوضيح مايصعب علينا
وليس للضحك وجعل الوضع مسخره وهذره وتضييع وقت على غير فايده

واتمنى الكل يحط عقله براسه ويحترم المحاضره ب اللي فيه

لان مثل هالاشياء قد تسبب شوشره للباقيين .~

[أحزآن أنثى]

المشاركة الأصلية كتبت بواسطة تمنيت

انا معك بكلامك واكيد 100% صحيح

عسى ربي يهدي الجميع واكيد الهدف الاول والاخير من هالمحاضرات الاسئله وتوضيح مايصعب علينا
وليس للضحك وجعل الوضع مسخره وهذره وتضييع وقت على غير فايده

واتمنى الكل يحط عقله براسه ويحترم المحاضره ب اللي فيه

لان مثل هالاشياء قد تسبب شوشره للباقيين .~

تسلمين غلاي ..

كلامك صحيح أنا وحده مااستفدت أبد

وتمنيت أني ماحضرتها انتظرت قلت يمكن يتغير الوضع

قبل لاتخلص طلعت لانه كان الوضع لآيحتمل..

اهم لو عطو المحاضرة احترام ..كان عطو بالاول الدكتور ولنا ..

تسبب شوشرة ع الباقيين وتضيق عليهم ..وتنزل من احترامهم

[のя•Fάĵr]

وعليكم السﻻم ورحمه الله وبركاته.
كل طالبه تمثل نفسها وسوف تلقى مستحقها اما زياده او نقص {وﻻتزر وازره وزر اخرى }
شكرآ لروحج اﻻخويه ولهذه النصيحه
كل المنى للجميع بالتقدم بدروب العلم
~♡

[أحزآن أنثى]

المشاركة الأصلية كتبت بواسطة のя•fάĵr

وعليكم السﻻم ورحمه الله وبركاته.
كل طالبه تمثل نفسها وسوف تلقى مستحقها اما زياده او نقص {وﻻتزر وازره وزر اخرى }
شكرآ لروحج اﻻخويه ولهذه النصيحه
كل المنى للجميع بالتقدم بدروب العلم
~♡

وإنتي قلتيهآ ي ..

كل وحده تمثل نفسهآ

العفو أختي وأنآ مآسويت إلا اللي علي

وأتمنى أنهم يتقبلون النصيحة ..

وربي يوفقج ي الغلا ..

[الأنسه صفاء]

وعليكم السلام ورحمه الله وبركاته
لا حول ولا قوة الا بالله
انا بحياتي ما تجرات لا اتكلم ولا اساله

اكتفي بلمشاهده
اسال الله العلي القدير ان يهديهن لسواء السبيل
وان يجملهن بلعفاف والستر
وان لا يجعلن الله اهون الناظرين
رب كلمه تلقي بها......!
فليتقين الله في السر والعلن

[GLitter Sun]

لاحول ولا قوة الا بالله والله مايبلهم الا من الا تنقيص درجات عشان كل وحدة تفكر قبل. تقول شي ماله داعي

[shoo8]

الحمدالله اني ما احضر المحاضرات المباشره مريحه راسي وربي , احملها بعدين واسمع على كيفي الله يهديهم ويصلح حالهم ... يارب تنقص درجاتهم عشان يتأدبو

[الامل سر الحياء]

المشاركة الأصلية كتبت بواسطة الأنسه صفاء

وعليكم السلام ورحمه الله وبركاته
لا حول ولا قوة الا بالله
انا بحياتي ما تجرات لا اتكلم ولا اساله

اكتفي بلمشاهده
اسال الله العلي القدير ان يهديهن لسواء السبيل
وان يجملهن بلعفاف والستر
وان لا يجعلن الله اهون الناظرين
رب كلمه تلقي بها......!
فليتقين الله في السر والعلن

حتى انا نفس الشي حتى اذا موفاهمه تعرفين من المنتدى

[المعيده ساره]

هلااابك اختي وعليكم السلام ورحمة الله وبركاااته.

فعلا اختي معاك حق بكل اللي قلتيه. وانا معك قلبا وقالبا. واوافقك الرأي

وانا بعد مااستفدت شي من المحاضره ابد ابد للاسف.

الله يصلح البنات ويهديهن الى مايحبه ويرضاااه.

واتمنى مايكرروا اللي سووه اليوم وعفا الله عما سلف.

لكن انتي وانا اختك لاتكدرين خاطرك وخلي صدرك وسييييع ع قولتهم عيش كثييير تشوف كثير.

اتمنى للجميع التوفيق النجاح بالدارين.