عااااجل بسررررعه ردو

[خوخه22]

::mh19:السلام عليكم
انا طالبه في ثالث ثانوي وماتتصورون قد ايش حابه قسم العلاج الطبيعي وودي ادخله
بس حابه اسال هو موجود في جامعه الملك فيصل الي بالراكه ولا وين؟
وكم النسبه الي يقبلها بالنظام الجديد اقصد مع القدرات والتحصيلي؟:150:
انا الي فهمته من الي قريته بالمتدى انه فرع من فروع العلوم الطبيه؟
وكم سنه دراسته 4او5 مع التطبيق؟
ادري زهقتقم والي يهق يجاوب ع سؤال واحد بس
ادعولي انقبل بالقسم:m22asmilies-com:

[BeeB]

وعليكم السلام

انا طالبه في ثالث ثانوي وماتتصورون قد ايش حابه قسم العلاج الطبيعي وودي ادخله

ياهلا فيك .. هذا التخصص الاقبال عليه شديد وحلو جدددا .. اهنئك على طموحك

بس حابه اسال هو موجود في جامعه الملك فيصل الي بالراكه ولا وين؟

ايه موجود بهالمكان هههه حي الراكه .. وبالتحديد في كلية العلوم الطبية التطبيقية

وكم النسبه الي يقبلها بالنظام الجديد اقصد مع القدرات والتحصيلي؟

عزيزتي هذا التخصص لا تتم دراسته الا بعد السنه التحضيريه .. بداية ً الكلية تقبل نسبة موزونه عن 86% ومافوق .. بعد دراستك للسنة التحضيرية وحصولك على معدل يتناسب ومايتطلبه التخصص اللي هو (علاج طبيعي PT ) .. لديك خمس رغبات وتختارين على حسب الافضليه بالنسبه لك انتي ..

انا الي فهمته من الي قريته بالمتدى انه فرع من فروع العلوم الطبيه؟

هو من ضمن التخصصات اللي موجوده بالكلية .. اتمنى تطلعين عالتخصصات الباقيه ..

وكم سنه دراسته 4او5 مع التطبيق؟

الدراسة في الكلية خمس سنوات .. اربع سنوات دراسة وسنه تطبيق بالمستشفى ( سنة الامتياز )

ادري زهقتقم والي يهق يجاوب ع سؤال واحد بس
ادعولي انقبل بالقسم

لا زهق ولا شي .. ياهلا فيك ..

نشوفك السنه الجايه باذن الله ..

بالتوفيق

[خوخه22]

شكرا جزيلا beeb
بس جوابك عالسؤال الثالث مو واضح يعني اول شي لازم اجيب87 فمافوق عشان يقبلوني
بعدين ادرس سنه تحضيريه عامه ولازم اجيب معدل ياهلني لدحول القسم طب واذا جبت معدل نازل وش يسوون بي
يكروشوني بر الجامعه ولا شلون
طب كم المعدل الي يبونه عشان العلاج الطبيعي؟
ممكن اذا حبيتي تجاوبين ع سؤالي انتي تدرسين علاج طبيعي؟
وهو كم له سنه فاتح هنا
زهقتك صح
بس اذا جاوبتيني بعطيك:m22asmilies-com:

[BeeB]

عفوا اختي ..

86 % ومافوق مو 87 % .. هذي نسبة موزونه يتم حسابها من نسبتك في القدرات والتحصيلي ونسبة الثانويه العامه ..

مثـــلا ً : جبتي نسبة الثانويه 99% والقدرات 77 % والتحصيلي 84% .. بعد حسابها ( تصير نسبتك الموزونه 87% ) تؤهلك دخول الكلية ..

طب كم المعدل الي يبونه عشان العلاج الطبيعي؟

كل دفعه يغيرون المعدل المطلوب لكل تخصص على حسب المستوى العام للدفعه ..

بعدين ادرس سنه تحضيريه عامه ولازم اجيب معدل ياهلني لدحول القسم طب واذا جبت معدل نازل وش يسوون بي
يكروشوني بر الجامعه ولا شلون

لا ياعسل مايكرشونك .. يشوفون رغبتك الثانيه اذا تتوافق مع معدلك واذا ماتتوافق يشوفون الرغبه اللي بعدها .. طبعا اذا معدلك نازل جدا هذا يعني انه عليك مواد تحملينها كل سنه معك .. يعني تتأخرين سنه ..

ممكن اذا حبيتي تجاوبين ع سؤالي انتي تدرسين علاج طبيعي؟

ايه ممكن .. لا انا توني ماتخصصت .. سنه تحضيريه - second semester -

وهو كم له سنه فاتح هنا

ماعندي فكره كم له سنه .. اتوقع من اربع سنوات ..

زهقتك صح
بس اذا جاوبتيني بعطيك:m22asmilies-com:

هههههه مافي زهق اختي .. مشكوره

اي استفسار انا حاضره ..

بالتوفيــق

[خوخه22]

:thank you alot ياعسل
بس وش القسم الي يطلب معل عالي باغلب الاحيان لايكون العلاج الطبيعي اذاكان عندك علم
ممكن سوال ثاني خاص فيك كم كان معدلك الكلي مع القدرات والتحصيلي؟ وقبلوك بسهوله ولا مرمطوك؟
هم عندهم عدد معين للطالبات الي يدخلوهم ولا كيف؟
ترى اذا الله اراد ودخلت الجامعه بصير صديقتك,,,,عشان تهجين من الجامعه اذا بالمنتدى وزهقتك كيف بالجامعه
ارجع واقول مرسي اوي ياحلوه

[BeeB]

بس وش القسم الي يطلب معل عالي باغلب الاحيان لايكون العلاج الطبيعي اذاكان عندك علم

لا .. اتوقع رعاية تنفسية بعدين تقنية معلومات يطلبون عالي .. عالأغلب التخصص الجديد تقنية القلب معدله عالي او يتم قبول عدد قليل فيه .. تطمني علاج طبيعي مايطلب معدل عالي جدا مع انه اعلى من المختبرات ..لكن انتي شدي حيلك وسوي زيين وان شاالله يقبلونك ..

ممكن سوال ثاني خاص فيك كم كان معدلك الكلي مع القدرات والتحصيلي؟ وقبلوك بسهوله ولا مرمطوك؟

هههههههه مع ان النسبه مو ذاك الزوود .. شفتي المثال اللي حطيته لك فوق هذي النسب حقتي , جبت 87 % موزونه .. بالنسبة للقبول ,, الحمدلله مافي لا مرمطه ولا غيره .. اذا كل شي عالنت من وين المرمطه بتجي ؟؟ .. يمكن اجراءات الفحص الطبي وتسليمك الملف للجامعه بيتعبك شوي ..

هم عندهم عدد معين للطالبات الي يدخلوهم ولا كيف؟

طبعا فيه عدد محدد .. .. علاج طبيعي ياخذون 30 طالبه

ترى اذا الله اراد ودخلت الجامعه بصير صديقتك,,,,عشان تهجين من الجامعه اذا بالمنتدى وزهقتك كيف بالجامعه
ارجع واقول مرسي اوي ياحلوه

مين وين سمعتي انك مزهقتني ؟؟ .. ياهلا فيك

بالتوفيــق

[خوخه22]

طيب 30 طالبه على اي اساس يختارونهم مثلا 80 طالبه معدالهم تقريبا نفس الشي وكلهم يبون علاج طبيعي مين ياخذون ومين يخلون ولا بحسب الاسبقيه يعني الي تروح اول هي الي ياخذونها؟
انتي وش ناويه تدخلين؟
كيف كانت اسئله القدرات والتحصيلي سهله ولا صعبه وكم كانت نسبتك بالثانوي ؟
واذا تعرفين معاهد تدربتي فيهاعالقدرات وزينه عطيني اسماءها الله يسعدك؟
استنى ردك:bye:

[خوخه22]

وفيه حاجه نسيت اقولها كيف الدكاتره زينين يعني اقصد يعطونك حقك بدون ظلم مايسقطون؟

[BeeB]

مثلا 80 طالبه معدالهم تقريبا نفس الشي وكلهم يبون علاج طبيعي مين ياخذون ومين يخلون

80 طالبه ؟؟ الدفعه كلها عددهم تقريبا 100 ,, اش هالثمانين اللي يبون علاج طبيعي ومعدلهم نفس الشي .. لايوجد طبعا

الاولوية للطالبات اللاتي معدلهم يتوافق مع المعدل المطلوب وتكون رغبتها الاولى هي علاج طبيعي .. وبس

ولا بحسب الاسبقيه يعني الي تروح اول هي الي ياخذونها؟

لاتوجد اسبقية لأحد .. هالسنه اخر موعد لتسليم التخصصات يكون في 10/6 بعد هذا الموعد لن يتم استلام اي تقرير ..

كيف كانت اسئله القدرات والتحصيلي سهله ولا صعبه وكم كانت نسبتك بالثانوي ؟

فيها السهل وفيها الصعب .. بالنسبة لي التحصيلي كان اسهل بكثير من القدرات .. التحصيلي يعتمد على قوة ذاكرتك والقدرات تعتمد على الذكاء وسرعة البديهة.. القسم الحلو في القدرات هي الاسئلة اللفظية ..

واذا تعرفين معاهد تدربتي فيهاعالقدرات وزينه عطيني اسماءها الله يسعدك؟

لا ماتدربت في دورات .. ولا أعتقد انه تتواجد معاهد للقياس .. اشتريت كتابين رام 1 ورام 2 مااقولك انهم ساعدوني لكن مجرد فكره عن طبيعة الاسئله .. معلماتكم في المدرسة اكيد يعطونكم جزء من الحصص لحل اسئلة القدرات والتحصيلي , زي ماسووا معنا العام .. فيه مجموعه اشتركوا في دورات لكن الاغلب مااستفاد منها كثير ..

وفيه حاجه نسيت اقولها كيف الدكاتره زينين يعني اقصد يعطونك حقك بدون ظلم مايسقطون؟

لا يوجد شيء من هالقبيل ولله الحمد .. من بديت الدراسة و جميع الاساتذه يعطون الطالب درجته التي يستحقها ولا يوجد تسقيط ولا ظلم ..

موفقهـ

[خوخه22]

بس والله العدد قليل الي ياخوذونه 100 بس والله خايفه ماياخذوني
بس عذرا لاتفهميني غلط يعنيي هم ياخذون 100 بس وانتي نسبتك 86لاتفهمين غلط كيف اخذوك اكيد في ناس كثير جايبه نسب عاليه يعني معقوله هالقسم معليه اقبال شديد
ولا بعض الاهل مايرضون ع بناتهم بحكم العادات والتقاليد
طيب ماتقدرين تعطيني اشياء تساعدني بالقدرات والتحصيلي؟