اليوم جاءتني رساله من الجامعه أفيدوني ؟

[ليمار]

السلام عليكم ورحمه الله وبركاته
إخواني أنا اليوم جاءتني رساله من الجامعه على الجوال تطلب مني شاهده الثانوية الأصلية علما باني خريجه الكلية المتوسطه، ولما سجلت بالجامعة أرسلت الوثيقة الأصلية للدبلوم وتم قبولي بالجامعة وسددت الإسقاط والحمد لله أموري كلها ماشية ، اتصلت ع الوظف يقول لازم كشف بالدرجات ، المشكلة الشهادة الثانوية ماهي عندي عطيتها الكلية من زمان بس عندي صور منها طبق الأصل ،
أفيدوني يا إخوان اللي عنده خلفيه الله يجزاكم الجنه والله خايفه يلغى قبولي بالجامعة .انتظر ردودكم

[مغادر12]

المطلوب على ما أعتقد شهادة الثانوية وركزي على الثانوية الأصل حسب شروط الجامعة ، ولا تقبل طبق الأصل ،

[ليمار]

لا حول ولاقوة الا بالله والله أني محتاسه ما ادري الكلية باقي عندهم الشهادة وإلا لا ،،المشكلة أني متخرجة من زمان

[bader358]

اطلبيها من الكليه --- وتقدري تطلعي بدل فاقد


وما دام عندك صورة طبق الأصل اعملي لها اسكان وارسليها اليها للجامعه.



شهادة طبق الأصل ما تاخذ وقت وبتسهل اكثر لأن عندك صوره منها. انا طلعتها ولا عندي اي صورة وبعد مرور 19 سنة


الأمور سهله ان شاء الله ولا تشيلي هم ابد


بالتوفيق

[العـازم]

الله يعينك

أنا مرسلين لي وكلمتهم وقالو لازم شهادة الثانويه الاصل


الله يعينك تروحي للكليه وتسحبين الاصل وترسلينه لهم

بالتوفيق أن شاء الله

[فهد العتيبي]

راجعي اقرب ادارة تعليم عندك

واذا فية صورة للشهادة يكون افضل

يطلع بدل فاقد

[مغادر12]

المشاركة الأصلية كتبت بواسطة ليمار

لا حول ولاقوة الا بالله والله أني محتاسه ما ادري الكلية باقي عندهم الشهادة وإلا لا ،،المشكلة أني متخرجة من زمان

ما تضيع ، ان كانت قريبة الكلية مريهم ويعطونك ، وان كانت المسافة بعيدة فأنصح

تمرين الإدارة التابعة لمنطقتك ويطلعون لك بدل فاقد ، والأمر بسيط وهي سهلة .

[اضاءة مشرقة]

طيب انا ضايعه شهادتي الاصل ورحت قبل اربع سنين طلعت بدل فاقد والحمدلله طلعت بس اعطوني صورة مو اصل تتوقعون يقبلونها الجامعه وش الدبرة لو ماقبلوها لانها صورة اصلا لما رحت اطلع البدل فاقد كانت شغلانه ذلو اهلي وتعبوني مرة ماكانو متعاونين بصراحه وش اسوي اللحين

[فراشةالحب]

طيب الشهادة الاصلية عندهم مو عندي من بداية المستوى الاول وهي عندم يعني كيف انا مو فاهمة ؟؟؟

[المحترمه]

وعليكم السلام ورحمة الله وبركاته

عزيزتي الجامعه لا تقبل الصوره للشهاده الثانويه
لازم الأصل ترسلينها للجامعه .. وإن لم تتوفر لديك
بإمكانك الذهاب إلى أقرب وزاره للتعليم واستخراج
بدل فاقد ... وبالتوفيق