مشكلة لكثير من الطلبة تحتاج حل

[أبوفهـد]

السلام عليكم ورحمة الله وبركاته

أهنيء جميع الطلبة الجدد بمناسبة القبول ولكن هناك مشكلة تواجهني وتواجه الكثير من الطلبة الجدد وهي أن بعض المحاضرات في النظام الإفتراضي نزلت ونزلناها ولكن بعض المواد لم نستطع التحميل بسبب وجود خطأ في الصفحة أو النظام لما دخلنا على البلاك بورد العادي قدرنا نحمل المحاضرات .

المشكلة الحين هل راح يحتسب لنا تنزيل بعض المحاضرات من الإفتراضي والبعض الآخر من العادي ؟
أتمنى يجاوب على السؤال من له خبره وعنده علم لأن المشكلة لها كم يوم ما حلوها الجامعة وللمعلومية ضغطنا f5 ومانفع تبقى المشكلة كما هي .

طبعآ هذي أول مشاركة لي ولم أكتبها إلا بعدما تعبت من البحث في هذا المنتدى ولم أجد شيئآ مقاربآ لهذا الموضوع.
وآسف على إزعاجكم مقدمآ

تقبلوا ودي وتقديري،،،،،،،،،

[~ Confidence]

و عليكم السلام ..


الأصل ان النظامين يدعموا بعضهما البعض في التحميل و الدرجات كما صرح به المسؤولين ..

و لكن ... !

ليش اضع نفسي في مكان الشك و الحيرة .. و هل تحتسب لي الدرجة ام لا ..
اخلي كل عملي من تحميل و حل .... الخ في الافتراضي .. الي كثير من المشرفين يحبذون و يحرصوا يكون الشغل في الافتراضي و ليس البلاك ..

يعني افضل امشي في المضمون ( إن شاء الله ) بدلا ً من الندم و ضياع الدرجات ..او حتى رسوب علشان نقصتني درجة او ثنتين .. و طالما انت في البداية ف ما اعتقد اعادة تحميل المحاضرات فيها اشكاليه لأنها مو كثيرة بالحيل ..

بالنسبة للخطأ على فكرة .. ضغط f5 عمره ما نفع .. كل الي عليك تسكر الصفحة تحمل شيئ ثاني .. و ترجع لها .. راح تفتح لك ان شاء الله .. انا يحصل لي كذا ..و لما يطلع لي خطأ .. اسكرها و ارجع افتحها من جديد و تتصلح .. و اذا معنده مره اسكرها و احمل شيئ ثاني و ارجع افتحها و الحمد لله تفتح معاي ..

بالتوفيق للجميع ..

[حماااده]

صحيح الافتراضي ( مخبط ) واصلا انتم تتدخلون احيانا من رابط مو مباشر ..
لاني اذا دخلت الافتراضي قال مسكر لاعلان النتائج < طبعا هذي تصريفه من عندهم
وكذا مره يفتح ويسكر ..

بس الناس يدخلون الافتراضي عن طريق قوقل او عن رابط يطرحونه بينهم .. < لان الرابط مختلف < مو معناها مختلف يعني ثاني .. ابد رابط يغيرون مسارك الى صفحه ثانيه < بدا يتفلسف

وسالفه الخطأ الي يطلع لك كل الروابط تبع المحاضرات المباشره يجي منها خطا
الا المحاضرات الي بالجوال والصوت < مافيها خطأ


اما سؤال حساب الدرجه احس انه صعب احد يجاوبك بس ممكن المجربين والمجربين ما اتوقع تشوفهم
بقسم كليه ادب المستوى الاول .. وانا انتظر الاجابه على هالسؤال


( مع ان رايي اشوف الجامعه حطت الخيارين ويقولون للطلاب اذا علق هذا رحوا للثاني .. يعني اكيد ان الحسبه وحده )


ومدري ليش الطلاب يكرهون البلاكبورد < احسه عادي < وسهل !! ولا فيه مشاكل

[توتا @]

البلاك بورد ماتنحسب لك الدرجه مانكرهه ماسوالنا شي

بس الافتراضي تنحسب فيه العلامات والبلاك بورد المحاضرات المباشره

[N'DOW]

طيب هم يقولون الافتراضي والبلاك بورد كلهم واحد .. يعني حملت محاضره من هنا ولا من هنا كلها نفس الشي .

.

[توتا @]

لا انا سمعت الافتراضي للمحاضرات والتحميل والواجبات والبلاك بس المحاضرات المباشره

[حماااده]

المشاركة الأصلية كتبت بواسطة توتا @

البلاك بورد ماتنحسب لك الدرجه مانكرهه ماسوالنا شي

بس الافتراضي تنحسب فيه العلامات والبلاك بورد المحاضرات المباشره

العلامات تحسب في كل النظامين حسب كلام الناس مو تجربه مني
اسألي ام عمر , او هتان

[malak.k.f]

الله يعيننا جد تلخبطنا

[ام دودي وعيودي]

انا ماطلعتلي كل المحاضرات في الافتراضي
بس العقيده والتحرير العربي وش اعمل

[amra]

والحل نحذف جميع الي سويته وابدا من جديد