[ الرياضيات ] : جبر(1) -حلقات وحقول / الترم الصيفي

[غيداء الناصر]

السلام عليكم ورحمة الله وبركاته

رب يمسيكم بالخير والرضا ( :

فيه مقترحات حالية للمواد الصيفية للقسم
وفيها ضم أسماء في حالة الرغبة عشان يحصون اكثر عدد وينزلون المواد

ومن ضمن المقترحات مادة : جبر (1)
اللي هي عند دفعة 2008 تعادل : حلقات وحقول

الورقة اللي فيها الأسماء لدي اليوم وغدا بإذن الله ،
فاللي ودها أضيف اسمها ترسل لي رسالة خاصة باسمها الثلاثي

الاربعاء برجع الورقة للقسم ويصير توقعونها عندهم اذا حابين ( :
اذا ما نزلت اسماء واجد ما بتنزل المادة فاللي ودها فعلا لا تتردد في تسجيل اسمها ()
واذا فيما بعد حست ما تقدر لا بأس التوقيع مش الزام بالتسجيل انما احصاء عدد الراغبات

بانتظاركم

اللي حاب يعرف بقية المقترحات فهي معلقة على لوحة اعلانات القسم

[the PROmise]

انا ودي بس مين الي بيدرس الماده وفوق كذا مافي مواصلات

[فاطمة ،]

وعليكِ السلام ورحمة الله وبركاته

جزاكِ الله خيرًا .. سؤال صغير :

الآن التسجيل للصيفي فقط للطالبات اللي يسجلون أسمائهن بالقسم + توقيعهن ؟

[غيداء الناصر]

المشاركة الأصلية كتبت بواسطة the promise

انا ودي بس مين الي بيدرس الماده وفوق كذا مافي مواصلات

ما تنزل الآن أسماء الدكاترة تنزل بعد ما يختارون المواد
والمواد اختيارها على حسب الرغبات الأكثر
عشان كذا الان في تسجيل أسماء عشان يحصرون المواد

اللي بيدرسها اما د.نبيلة او د.نورة بالغالب

اذا ودك فيها في حال تيسر لك ارسلي اسمك لي ع الخاص اضيفه للقائمة

[غيداء الناصر]

المشاركة الأصلية كتبت بواسطة فاطمة ،

وعليكِ السلام ورحمة الله وبركاته

جزاكِ الله خيرًا .. سؤال صغير :

الآن التسجيل للصيفي فقط للطالبات اللي يسجلون أسمائهن بالقسم + توقيعهن ؟

لا يا عزيزتي مجرد اضافة اسماء بدون توقيع
لحصر الراغبات بالمواد
قسمنا يتبع هذي الطريقة
أن المواد اللي عندها رغبة أكثر تنزل صيفي
والحين يشوفون ايش رغبة البنات