[ جامعة فيصل ] : تساؤلات في الماجستير الموازي مو ناقصين تحطيم

[ايجابية]

مرحبا



انا خريجة لغة عربية لي ثمان سنوات
وناوية اكمل ماجستير في جامعة فيصل والا الدمام
لكن للاسف تقديري جيد مرتفع
عشان كذا ودي ادرس موازي بفلوس
ولا اعرف هل ممكن يقبلوني موازي
ووشهي اقسام الموازي وتخصصاته
هل فيه امل ؟!
عشان اروح الرياض اخذ من الجامعة توصيتين خصوصا ان التسجيل بعد شهر بيفتح
واخاف اتأمل واتعب ع الفاضي
مو ناقصين تحطييم

[ايجابية]

وينكم




مافي رد

[طموحي فوق]

اهلاا عزيزتي..

افاا ليش تقولين تحطيم بالعكس خلي املك بالله كبير..

شوفي عزيزتي ماجستير موازي مافيه بالشرقيه بس يمكن يفتحونه هالسنه الله اعلم..
عندك جامعة الامام بالرياض فيها ماجستير موازي واختبارات القبول فيها سهله نوعا ما بمقارنه مع الجامعات الاخرى.. انتظري التسجيل الجاي ويقدمي فيه..

ع فكرة شروط القبول تتغير من سنه لسنة فيمكن يقبلون جيد مرتفع..
الله يوفقك يارب

[ايجابية]

هلا طموحي


لا تلوميني ودي اكمل لكن التقدير مخرب علي خصوصا انه كان عندي ظرف صعب لما كنت ادرس بكالريوس

بس انا سمعت في ماجستير موهبة بفلوس هو اللي ودي ادخله ممكن يقبلوني

[عبالله الشهري]

تفائلي خير
فقد ارتفعت نسبه القبول بالماجستير لتخصص التوجيه والارشاد النفسي الى ثلاثه اضعاف مقارنه بسنه 2011 بالنسبه للذكور
وبالنسبه للإناث صار الضعفين

يعني القبول الان 30 طالب و 30 طالبه. .بينما في دفعتي 2011 القبول 11 طالب والطالبات 16طالبه

قدمي عموما وانتي مو خسرانه بكل الاسباب....اقل شيء تاخذين ع اجواء اختبارات القبول بالدراسات العليا

ومعلومه اضيفها بان كل التخصصات التربويه مجانيه تماما...حتى ولو تم دفع قسط مالي فانه يتم ارجاعه

[غيم تايه]

المشاركة الأصلية كتبت بواسطة ايجابية

مرحبا
انا خريجة لغة عربية لي ثمان سنوات
وناوية اكمل ماجستير في جامعة فيصل والا الدمام
لكن للاسف تقديري جيد مرتفع
عشان كذا ودي ادرس موازي بفلوس
ولا اعرف هل ممكن يقبلوني موازي
ووشهي اقسام الموازي وتخصصاته
هل فيه امل ؟!
عشان اروح الرياض اخذ من الجامعة توصيتين خصوصا ان التسجيل بعد شهر بيفتح
واخاف اتأمل واتعب ع الفاضي
مو ناقصين تحطييم

حياك الله :
تواجهين أكثر من مشكلة منها ، المعدل ، وقّدم سنة التخرج ، هذه لازم تكون في الحسبان ..
اتفق معك فيه من يقدر يدرس بفلوسه ، ولكن أيضا المشكلة القائمة أن اغلب البرامج المدفوعة
اصبحت مكرمة ملكية ، وبالتالي الحظوظ تقل ، فيما مضى ( قبل سنتين ) ، قدم زملائي على برامج بتقديرات ضعيفة ، لما كانت فلوس ، انسحب أغلب من تم قبوله ، وبالتالي تمكنوا من الدراسة لأنهم كانوا احتياط ،
بالنسبة للتوصيات ، يجب أن تحصلي عليها في كل الأحوال ..
إذا شهادتك تربوية تستطيعي أنك تدرسي في التخصصات التربوية ، والآن مسألة التعليم عن بعد
بدات تأخذ وضع كبير ، واعتراف تام .. طبعا لا يفهم من كلامي أني احطمك ولكن يجب انك تسعين بجد ، لو فكرتي مثلا تسجلي في توجيه وارشاد في جامعة عبدالعزيز في التعليم عن بعد ، بتكون فرصك كبيرة جدا ، لسبب أنه الجامعة تطلب مع تقدير جيد ، قدرات ، وهذه في متناول يدك ، وليس فقط عبدالعزيز بل أغلب الجامعات ، لذلك اجتهدي في اختبار القدرات واحصلي على درجة عالية ، لأن القبول يعتمد على درجة موزونه ، فتعوضي النقص في المعدل
وايضا الكفايات ، الآنسان لا ييأس ويتوكل على الله ولكن يعمل ويبذل ما في وسعه ، أسأل الله لك التوفيق والنجاح ، ويتم قبولك وتبشرينا بذلك ،،
( وكم لله من لطف خفياً ... يدق في خفاه عن فهم الذكي )
( وكم أمراً تساءُ به صباحاً ،،،،،، وتأتيك المسرة بالعشي )
( إذا ذاقت بك الأحوال يوماً ،،،،،،،،، فثق بالله الفرد العلي )

موفقه يارب ""