تكفووون ابي مساعدتكم لاخلا ولاعدم

[ابو أسيل]

السلام عليكم ورحمة الله وركاته
مساء صباح الخير



عندي مشكلة وطالب من الله ثم منكم توجيهي بالرأي السديد وكما عرفت ما خاب من استشار
والمشكله الا وهي اني مرسب بمادة مهرات التواصل لذوي الاحتياجات الخاصة من تخصص تربيه خاصة بمستوى رابع وحصلة مشكلة اثناء الاختبار بسبب تحديد علامات الاجابة بورقة الاختبار المسودة وهي اوراق اسئلة الاختبار مع وجود خلاف شخصي بيني وبين مدير المراقبين وجا عندي بيوم الاختبار وطلب مني عدم الكتابة على الورقة ولا تحدد اجابتك وحل بدون تحديد يعني الوضع تحلقط اخطاء و اوضح اكثر يدور علي اي خطا لاجل يسجلني غشاش المهم ماسمعت كلامه وجا لين عندي وشافني محدد مع العلم ان طلاب القاعة كلهم يحددون الاجابات وجا عندي انا بس وامر المراقب بسحب الورقه وتعالت الاصوات بيني وبينه لنه ماله حق يسحب الورق اذا ما ثبت علي غش او برشامت غش او اني اغشش احد الطلبه وجا المراقب علينا يبي يسحب الورق بناء على توجية مدير المراقبين مع ذلك لايوجد اي داعي لسحب الورقة بس المراقب الله يهديه يبي يحرج حاله المهم عيت لا اعطيه الورقه الين ما خلص وضل الراقب ملطع فوق راسي الين ما اخلص بعد ما خلصت من الاجابات عطيته الورقه وطلعت من الامتحان وفي اختبار اليوم الثاني ان الطلاب الي معي من التخصص بقاعه وانا الحالي بقاعة مع الاداب واليوم الثالث وهو اخر يوم مع الانجليزي يعني هبلبي كل يوم ولي قاعه وبالاخير يوم طلعت النتائج كل المواد مجتازه الا مادة مهارات التواصل f1 استغربت من الرمز هذا قلت اكيد خطا وراسلت الجامعه وكلمتهم بس ما عطوني خبر اكيد عن هالرمز قررت اروحلهم بعد ماوصلت قابلت النجار وسئلته وشو الرمز قال انت غشاش الا كنه صافقني على وجهي عارضت وعلمته بالي حصل قال انا واثق بالمراقبين معناته اني كذاب عراضته ولا طلعت من مكتبه قالي طيب سجل معروض وقدمه طبعاً ما صدقت خبر سجلت المعروض على السريع وديته لصادر وعطوني رقم صادر وقبل لا امشي من عنده جيته وقلتله وشو الحل سويت الي تبي قال خلاص في لجنة تحقيق راح يدقون عليك ويحققون معك ومع المراقب لنه هو الشخص المعني بالمحضر حق التغشيش قلتله طيب راح انتظر ان شاء الله والله ييسر ومشيت ومن ذاك اليوم الى اليوم هذا ولامستجيييب وانا الحين محتار ابي مشيرتكم مع اني الحين مقبل على المستوى السابع اخر ترم قبل التطبيق اخذ الماده واختبرها ولا انتظر رد الجامعه تكفووووون افيدوني برأيكم انتظر الردود

[علي عطيف]

عليكم السلام ورحمة الله وبركاته

موضوع المراجعات وتصعيد الأمور ماراح تستفيد منه إلا بإثباتات كبيره مثلا كشهوود من القاعة نفسها من زملاك المتواجدين معك او بالحلف الجامعه ماراح تستفيد منها لأنهم زي ماقلت يقولون واثقين بالمراقب ولجنة التحقيق بتكون من نفس الجامعه ونظرتهم للطالب بأنه يبقى طالب
اولا انصحك بإكمال دراستك وحقك عند الله سبحانه وتعالى
انا معك انه ظلم وشي يقهر ولكن الايام تدور وبيجيك حقك
واذا مصمم على المطالبة والمتابعة يلزمك اشياء تثبت فيها صحة جميع اقوالك
من شهود من شهادة المراقب نفسه بالحق على مدير المراقبين
وحاول انك تكمل دراستك بدون اي مطالبات ولم يبقى سوى مستوى واحد والله يعوضك بخير على صبرك ان شاء الله .. بالتوفيق

[انت وطموحي]

اخوي خذ نصيحتي لك خذ الماده وغير موقع اختبارك لا يصير يستقصدك المراقب حسبي الله عليه يعني لو تختبر انت بالجنوب اختبر بالشمال او الشرق المهم لا تضيع عليك الترم افهم انك مقهوووور وانا والله معاك بنفس القهر ولكن السالفه اذا طولت بتفوت عليك ترمك السابع وهذي خساره عليك انت ,,
ياخوي الله يصبرك ع من تظلم عليك وردد حسبي الله عليه ونعم الوكيل وعوضك ع الله ع قولة الأخ علي وفي الاول والاخير مراح يغيرون نتيجتك ابداً ابداً
خذ الماده ولاتدري وين الخيره فيه وانشاء الله تاخذ فيها امتياز الله معك ياخوي وحسبي الله ع كل ظالم

[KFU STUDENT]

حسبي الله ونعم الوكيل ناس ماتخاف ربها

مافي حل الا أنك تكلم د.الفريدان على تويتر وتقوله قصتك بالضبط أو انك تسجل الماده وتدرسها من جديد والله يعينك