corner for studying- زاوية للدراسه

[حلم مستحيل]

السلام عليكم ورحمة الله وبركاته

كما عودتكم في كل ترم دراسي
قبل الأختبار
جدول منسق لتقسيم الايام الجايه للمذاكره الفعليه للمواد



وهذه النصائح ارجو ان تفيد جميع التخصصات :

* خذ مايكفيك من النوم (لا تقطع نومك لأنك ستضطر للرجوع إليه)
*اذا كنت من النوع الذي لا يستطيع الماذكره إلا بمكان مزعج أغاني,اطفال,الأهل أستبدل هذا كله بالقرآن الكريم
*تناول وجباتك الثلاث في وقتها بإنتظام
*اذا كنت من محبي (النقنقه) وقت المذاكره (اي الأكل) استبدل الشكولاتات والعصيرات والبساكيت بـ ( فشار من دون ملح [ يشبع ولا يضر] , اسمح لنفسك بكوب واحد من القهوه يوميآ, اشرب الماء بدل الغازيات والعصاير)
* قبل البدء بالمذاكره قل ( بسم الله توكلت على الله ولا حول ولا قوة إلا بالله, اللهم لا سهل إلا ماجعلته سهل وانت تجعل الحزن إذا شئت سهل)

* عند توزيعك للجدول احرص كل الحرص على ان لا تنتقل للماده الجديده إلا بعد إنتهائك من الماده التي بيدك


بإذن الله نجتمع هنا يوميا اذا لقيت تفاعل ..


الجدول بالمرفقات

[GADY]

يعطيك ألف عافيه ..

ويارب نقدر نختم المواد هاليومين وبعدها نبدأ مراجعه

وبإذن الله ربنا يوفقنا ولا يضيع تعبنا ,, يــــــــــــــــارب

[حلم مستحيل]

إن شاء الله نقدر

بس لا تنسين
في خاصيه جديده لصالحنا ذا الترم
اللي هي مشاهده المحاضرات اللي مابعد تنزل
الملخصات جاهزه عندنا كل اللي علينا نذاكر
والتحميل متى مانزلت حملناها وحلينا المناقشه تبعها

[حلم مستحيل]

طلع عندي مناسبات ذا الفتره فـ عدلت ع جدولي وببدا بكرا بإذن الله بـحاضر العالم الإسلامي

اتمنى القى احد معي

دام ان الأختبار بيكون من المحتوى وفي اسئله
ماراح اشاهد المحاضرات لأنها بتاخذ وقت
فـ بمسك المحتوى واذاكره كله

اليوم بجلس ع المناقشات اللي نزلوها وما حليتها بحلها كلها
وبحاول انام بدري عشان اصحى بكرا بدري

[وزيرة]

حلم
أنا منزلـه حـاضر العالم بس بخليـه آخر شي
السمسترات اللي طافت ماأحس براسي فل إلا قبل الأختبارات بأسبوعين اللحين قبل لاأدخل في العميق أحسـه فلللل هههه
الله يعين من جد
وشكراً على النصائح الرائعـة

[سمسووومه]

اختي حلم مستحيل

حاضر العالم الاسلامي معلوماته كثيره بتنسيها ماانصحك تذاكريه الحين

الاختبار كان نسخه طبق الاصل من اختبار السمستر اللي قبله

اذا حابه نزلت لك الاسئلة اللي جاتنا اغلبها بالاختبار

[حلم مستحيل]

المشكله مع التعديل الجدول مزحووم فل مافي بريكات إلا وقت المناسبات بس

اهم شي اني افتحه من الجلده للجلده
وليلة الأختبار انا برجع اعيد عليه


ربكم يسهل وييسر بأذنه سبحانه

[Man in light]

يعطيك العافيه اخت حلم مستحيل
فعلآ نصائح مفيده خصوصا وباقي 38 يوم عالاختبارات

بس عندي ملاحظه بسيطه علا هالنقطه

المشاركة الأصلية كتبت بواسطة حلم مستحيل

*اذا كنت من النوع الذي لا يستطيع الماذكره إلا بمكان مزعج أغاني,اطفال,الأهل أستبدل هذا كله بالقرآن الكريم
*

الله سبحانه وتعالى قال في محكم التنزيل ( وإذا قرئ القرآن فاستمعوا له وانصتوا لعلكم ترحمون )
فما يسير ان الواحد اللي متعود عالازعاج يشغل قرآن وهو ملتهي بالمذاكره ..
والبدائل للي يحبون الازعاج كثيره

والله من وراء القصد

[هيوفه دلع]

المشاركة الأصلية كتبت بواسطة حلم مستحيل

إن شاء الله نقدر

بس لا تنسين
في خاصيه جديده لصالحنا ذا الترم
اللي هي مشاهده المحاضرات اللي مابعد تنزل
الملخصات جاهزه عندنا كل اللي علينا نذاكر
والتحميل متى مانزلت حملناها وحلينا المناقشه تبعها

كيف الطريقة هذي ؟

[حلم مستحيل]

المشاركة الأصلية كتبت بواسطة هيوفه دلع

كيف الطريقة هذي ؟

اذا دخلتي ع المحاضره تبين تشاهدينها
في زر اسمه ( افتح عرض الدوره التدراسيه) تلقيه ع يمينك
اضغطي عليه

بتفتح لك صفحه فيها كل المحاضرات من التمهيديه للـ14 ع يسارك
اللي عليك تضغطين على المحاضره اللي تبينها
بعدين يمينك تتغير البيانات
اضفطي ع زر التشغيل اللي بيمينك

بتفتح لك صفحه تشغيل المحاضره عاديه
شغليها وشاهديها عادي


بس لازم تحرصيين كل الحرص انها اذا نزلت تحمليها عشان الدرجه ما تروح عليك


بنزل شرح بالصور بالقسم العام واحط الرابط هنا بإذن الله