للمعلمين والمعلمات المنتسبين

[أعماق البحر]

السلام عليكم
حبيت اسئل هل تطبق علينا نحن المعلمين والمعلمات المادة التاسعة من لائحة الإجازات
وهي يحق لي الغياب فترة اختباراتي لأن مديرتي تقول لا إذا ما عليك اختبار تداومين تغيبين بس في يوم الإختبار ولازم تجبين توقيع من المكان الي تختبرين فيه انك كنتي تختبرين طيب انا رفعت اوراقي من البدايه وجتني الموافقه وجبت لهم تعريف وأرسلت للمدرسه الإثبات والجدول .حبيت اعرف

[عالم ثاني]

ما عليك منها ابدا هذا حق من حقوقك بما انك تابعه للخدمه المدنيه سواء معلمه او موظفه ..

وبعدين هي اصلا مالها اي تدخل بالموضوع هذا المسؤول الاول والاخير ادارة التربية والتعليم اللي انتي تابعه لها تحديدا قسم شؤون الموظفين الاجازات ..

وبمجرد انك تدخلين الموقع وترفقين خطاب انه يوجد لديك اختبار باليوم كذا وينتهي باليوم كذا ..

وبعد ما تنهين فترة اختباراتك فيه خطاب بنفس الموقع لما تدخلين برقمك الجامعي يفيد بانك انهيتي فترة الاختبار بيوم كذا ..

وبعدين جميع الخطابات ترفعينها لإدارة التربية والتعليم لقسم شؤون الموظفين حتى لو كنتي معلمه لأنه هو القسم المختص بعد الدمج الاخير ...

ولو ترفعين صوره بعد لقسم المتابعه عندكم يكون مستحب وليس ضروري بعد ..



اتمنا اني افدتك وهذا هو المتبع بجميع الدوائر الحكومية وليس الخاصه ..

[أعماق البحر]

اتمنا اني افدتك وهذا هو المتبع بجميع الدوائر الحكومية وليس الخاصه

اخوي عالم ثاني ما قصرت وفيت وكفيت الله يرضى عليك

[أبي أصير جامعية]

أنا موظفة وراجعت شؤون الموظفين ورفعت خطاب وتمت الموافقة بمنحي إجازة مدة الاختبارات حسب اللائحة التاسعة للإجازات بشرط إحضار مايثبت

[وفاء الغامدي]

الإجازة رسمية وتشمل كل موظفي الدولة دون إستثناء ولو فتحتي لوائح الخدمة المدنية لائحة الإجازات لوجدتيها مثبته هناك كقانون ينطبق ويطبق عاة الكل لكن هو حال الحريم لاتسلطوا خالفوا الانظمة إعتقادا منهم بأنهم يملكون رقاب البشر

لوائح وانظمة الخدمة المدنية كلها تشملنا ولو تعلمين اننا بلوائح الخدمة نستطيع محاججت حتى وزارتنا الموقرة

[نور الأعيان]

طيب انا موظفة وبنفس الوزارة مارفعت لي مديرتي خطاب لادارة التعليم اني ادرس

لايكون م ايحسبون لي هالدراسه يتسببون

افيدووني خل اخرشها

[حمود بن عثمان]

انا الي اعرفه اي شخص تابع لديوان الخدمه المدنية
يحقله وقت الاختبارات اجازه على حسب مدة الاختبارات

واذا تبين تتاكدين ادخلي موقع الخدمه المدنيه واكيد تلقين ان شاء الله شي يفيدك بخصوص موضوعك

على العموم بتوفيق

[وفاء الغامدي]

هنا رقم القرار وتفسيره بس هناك شرط غير موجود بلوائح الخدمة وهو ان اليوم الذي لايكون فيه أختبار يداوم غلط النظام الرسمي يقول من اول يوم لاخر يوم ولمدة اقل شي اسبوعين كاملة مافعلته بنا الجامعه الان سائني جدآ لاننا نختبر تتالي جدآ مرهق وتداخلت الكلمات والمعلومات كان اليوم الفارق فترة مراجعه وتركيز بحكم اننا موظفون لم نجد فرصة للغياب إلا مرضية او إظطرارية وفي كلتا الحالتين نستخدمها لغرضها وبرضوا اشكر الجامعة اتاحة لنا فرصة لم تتيحها لنا وزاراتنا إحترامي

[أعماق البحر]

يارب يوفقكم ويسعدكم مشكورين جميعا

[شمس عمري]

ابي اعرف انتم يالمعلمين والمعلمات والموظفين على اي اساس متوظفين وانتم ماعندكم شهادات جامعيه ؟؟؟ ووش نوع وظايفكم ؟؟؟


اذا كنتم متوظفين على شهادة الثانويه العامه وظفوني معكم