الله يسعد إلي يفيدني :طالبات الدراسات الاسلاميه وعلم الاجتماع الي في مستويات متقدمه

[أم مزن]

السلام عليكم
حبيت استفسر منكم عن قسم الدراسات الاسلاميه كيف القسم سهل او صعب والدكاتره متساهلين معنا واسئلتهم زي اسلوب الدكاتره في مستوى اول لان اغلب الاسئله بنفس الاسلوب من اسئلة الاعوام السابقه
طيب الي عندها بيت وعيال تنفع في هالقسم
وش تنصحوني فيه الدراسات ولا علم الاجتماع (على فكره ماعندي اي معلومه عن هذا التخصص وعن الاجتماع لان تخصصي في الثانوي علمي )مالكم في الطويله
المهم متاكده انكم مارح تخيبون ظني ورح تفيدوني ولاتسحبون علي
في حفظ الباري وانتظر ردودكم

[فاارس1]

بالنسبه لعلم الاجتماع حلو وسهل وبالنسبه للدراسات يفيدونك الاخوان
حبيت ارد واشارك بس وماخيب ضنك بمنتدانا بالتوفيق اختي

[رعبوب الحمام]

الدراسات الإسلامية اول شيء مفيدة لك في دينك ودنياك

وبالنسبه للدراسه فيها السهل وفيها الصعب زي اي تخصص انا ما أراجع إلا قبل الأختبار إلا بساعتين او ثلاث والحمدلله اموري ماشيه

وانصح انك تستخيرين

والله يوفقك

[أم مزن]

جزاكم الله الف خير
واتمنى من البقيه المشاركه لان اختكم محتاره اخاف من اصول الفقه والنحو وفقه المعاملات وعلم الاجتماع سهل على قولتهم بس كله حفظ حفظ وانا ما امشي مع الدش والحفظ الكثير ياليت احد يفيدنا ونشوف خبراتكم وتجاربكم مع التخصصين

[أم مزن]

الحمدلله على كل حال 74 شاهدو ولم يرد علي غير اثنين
ان معي ربي سيهدين

[ابونايف-اجتماع]

علم الاجتماع سهل ويعتمد على الحفض وانصحك فيه

[أبو جَنىَ]

,





أم مزن السالفة مو إسلامية وإجتماع , السالفة وش تبين بالشهادة !
المقصد واضح من الدرجة الأولى إنه بحث عن وظيفه , وأنا اشوف هالتخصصين
مشتبعه منها وزارة الخدمة المدنية , ولو قلت لك إدارة أعمال فالقاعات تغصّ منهم

فيه تخصص واحد مسموح لك تصيرين معلمه إذا تخرجتي ومستقبله حلو ..
اللغه الأنجليزيْه , ما أقوله عشان انا لغه أنجليزية وأحب تخصصي بالعكس ..
وأنا مآخذ الشهادة عشان تعديل في المرتبة الوظيفيه لا أكثر ولا أقل ..

لكن الأنجليزي وعلى حسب حاجة وزارة التعليم إنها تحتاج لمعلمين لغه
لين عام 2020 من منتظمين ومنتسبين أهم شيء التمكّن من اللغه ..

وأزيدك من الشعر بيت , أكثر من 530 مدرسة جديدة راح تفتح في السعوديه
إبتدائي ومتوسّط وثانوي , و راح يفتحون تعليم اللغه الأنجليزيّه لجميع سنوات
الإبتدائي , وأزيدك من الشعر بيت بعد هههههههه , راح يخلّون تعليم رياض
الأطفال إجباري , وراح يخلون فيها أنجليزي .. يعني المستقبل في التخصص
كبير , خصوصاً للبنات , والعيال أكبر واكبر .. شركات ووزارات وإلى ماله نهايه ..


واللغه ما يبي لها إختراع , ( رغبه - إجتهاد - حبّ ) بس .. هذي أضلاعها الثلاث

[أبو جَنىَ]

^ الكلام مو موجّه لك شخصياً يا أم مزن فأنا لا أعرف حالتك الوظيفيه
لكن موجه لكل واحد يدخل الموضوع .. وأما إجابة سؤالك , أقول إسلاميه

[فاقده غالي]

المشاركة الأصلية كتبت بواسطة أبو جَنىَ

,





أم مزن السالفة مو إسلامية وإجتماع , السالفة وش تبين بالشهادة !
المقصد واضح من الدرجة الأولى إنه بحث عن وظيفه , وأنا اشوف هالتخصصين
مشتبعه منها وزارة الخدمة المدنية , ولو قلت لك إدارة أعمال فالقاعات تغصّ منهم

فيه تخصص واحد مسموح لك تصيرين معلمه إذا تخرجتي ومستقبله حلو ..
اللغه الأنجليزيْه , ما أقوله عشان انا لغه أنجليزية وأحب تخصصي بالعكس ..
وأنا مآخذ الشهادة عشان تعديل في المرتبة الوظيفيه لا أكثر ولا أقل ..

لكن الأنجليزي وعلى حسب حاجة وزارة التعليم إنها تحتاج لمعلمين لغه
لين عام 2020 من منتظمين ومنتسبين أهم شيء التمكّن من اللغه ..

وأزيدك من الشعر بيت , أكثر من 530 مدرسة جديدة راح تفتح في السعوديه
إبتدائي ومتوسّط وثانوي , و راح يفتحون تعليم اللغه الأنجليزيّه لجميع سنوات
الإبتدائي , وأزيدك من الشعر بيت بعد هههههههه , راح يخلّون تعليم رياض
الأطفال إجباري , وراح يخلون فيها أنجليزي .. يعني المستقبل في التخصص
كبير , خصوصاً للبنات , والعيال أكبر واكبر .. شركات ووزارات وإلى ماله نهايه ..


واللغه ما يبي لها إختراع , ( رغبه - إجتهاد - حبّ ) بس .. هذي أضلاعها الثلاث

بلعكس انا شايفه ان الانجليزي كثير متخرجين منه واعرف قريباتي انجليزي وفي البيت ماتوظفو


لكن علم الاجتماع مجالاته كثيره جدا غير التدريس سواء اخصائيه في دار ايتام او دار الرعايه او سجون او مستشفى او في الخدمات الاجتماعيه ووالشؤن الاجتماعيه ........الخ

الانجليزي حلو للي متمكنين فيه والي يبون يستفيدون منه يدخلون انتظام افضل من الانتساب

؛

انا انصحك بعلم الاجتماع اختي الغاليه لانه فعلا ممتع انا درسته في الثانوي كثير حلو
ويساعدك في حياتك الاجتماعيه والخيار الاخير لك استخيري

[أبو جَنىَ]

المشاركة الأصلية كتبت بواسطة فاقده غالي

بلعكس انا شايفه ان الانجليزي كثير متخرجين منه واعرف قريباتي انجليزي وفي البيت ماتوظفو


لكن علم الاجتماع مجالاته كثيره جدا غير التدريس سواء اخصائيه في دار ايتام او دار الرعايه او سجون او مستشفى او في الخدمات الاجتماعيه ووالشؤن الاجتماعيه ........الخ

الانجليزي حلو للي متمكنين فيه والي يبون يستفيدون منه يدخلون انتظام افضل من الانتساب

؛

انا انصحك بعلم الاجتماع اختي الغاليه لانه فعلا ممتع انا درسته في الثانوي كثير حلو
ويساعدك في حياتك الاجتماعيه والخيار الاخير لك استخيري

أنا ما أعذرب في التخصصات .. كل تخصص له جوانب إيجابية وسلبيّة ..

لكن يا أختي كل فيه سجن في السعودية ؟
كم فيه مستشفى ؟
كم فيه مركز شؤون إجتماعية ؟

وهل يقدّر عددها كلها بعدد المدارس الموجوده إذا ما علمتي إن المدرسة
الواحدة أقل شيء فيها من 2 إلى 5 معلمين لغه أنجليزية ..
إضافةٍ على ذلك التخصص روّاده قليل , ومو كل إنسان يهتوي اللغه أو يتقبلها

وكان كلامي يا أختي عن وزارة التعليم , ما تكلمت عن الوزارات الأخرى
ولا مجالات اللغه الأنجليزية كثيره ولا تحصى , لكن أنتي بكل بساطه
أحصيتي كل جهات عمل علم الإجتماع