بخصوص اسئلة الاختبار

[واثق الخطوات]

اسعد الله اوقاتكم
نهاية اختبار الاحصاء نسيت اسلم ورقة الاسئله للمراقب عطيته ورقة الاجابه فقط وهوبعد مفهي ماطلبها مني وبعد ماغادرت مقر الاختبار اشوف ورقة الاسئله راكبه معي في السياره
افيدوني
ترا لعبت بي الهواجيس خصوصا اني حال زين

[pop400]

يا مرحبا بك

شف يالحبيب ابقول لك قصة ودّك؟

هذا واحد من الشباب فتح مقهى ومن زود التجهيز قام وزرع الرصيف اللي قدامه وسوى حديقة وأجهزة تبريد بالضباب ...... المهم انه استفاد من الموضوع وزادوا الزباين عنده والمدخول تمام صاحبنا الحبيب راح من نفسه للبلدية وقال لهم ترى انا شلت بلاط الرصيف وزرعته وسويت وسويت قال له موظف البلدية جاك أحد من عندنا وطلبك تراجع قال لا!! قال وراك تحربش على نفسك رح لمقهاك وابعتبرك ما جيت والشاطر يفهم .

هالحين وانا أخوك خلك على أسمك والمسئول عن الموضوع المراقب
الكمال لله سبحانه ............ وجلّ من لا يسهو

بس هاه لا تنسى المرة الجاية ثم تصير مالغه شويتين هههههه.

[الخمري]

اهم شي انك كاتب اسمك ومعلوماتك على ورقه الاجابه

وكويس نسخه نظيفه للمستوى الثاني يستفيدون منها موب تصوير جوال

[واثق الخطوات]

والله مدري وش اقول
ماجاني النوم

[واثق الخطوات]

[RMA]

الله يعينك


ليتك رجعت على طول قبل لا تتعدى ومديتها لهم

[ميمي:$]

ههههههههههههههههههه اتوقع عادي لانو الي يبونه الاجوبه ومكتووب عليها النموذج

وريح بالك وتطمن حتى لو عطيتهم ورقه الاسئله
حال فيها انت شي ..؟ هههه