 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 12- 17
|
||||
|
||||
|
اللقاء مع عميدة الجامعه
السلام عليكم ورحمة الله وبركاته
حبيت اسسوي هالموضوع نناقش فيه ايش انطباع اللي اخذتيه من لقاء مع العميده للي حضروا طبعا هل كل الاسىله طرحت وهل كل الاجوبة افادت بغرض سؤالها هل قاموا بدعمك فيما تريدين ام لا بس وشكرا مناقشه مفتوحه للجميع 
|
|
2012- 12- 17
|
#2 |
|
متميزة في كلية الاداب الدمام
|
رد: اللقاء مع عميدة الجامعه
للأسف كنت متحمسه للقاء بس ارتفعت حرارتي و جتني انفلونزا و منعتني من الحضور :( ياليت البنات اللي حضروا سواء استفادوا او ما استفادوا يقولون لنا رأيهم باللقاء وايش الاشياء اللي طرحت بالنقاش  |
|
|
|
2012- 12- 17
|
#3 |
|
أكـاديـمـي نــشـط
|
رد: اللقاء مع عميدة الجامعه
ايييي انا بعد نفس الشي كان نفسي احضر بس مرضت
ياليت الي حضرووو يقولون لنا شنوو صار |
|
|
|
2012- 12- 17
|
#4 |
|
أكـاديـمـي نــشـط
|
رد: اللقاء مع عميدة الجامعه
اللقاء كان جيد نسبيا .. بس ماامدها تناقش كل الاسئله لأن الوقت انتهى ..
ناقشت مواضيع عن المقررات .. صعوبتها .. او تعدد المراجع .. او تعدد البحوث للماده .. وناقشت موضوع الاعتذار عن المحاضره المفاجئ دون انذار سابق .. وعن تغير دكتور او دكتورة المادة بدون سابق انذار سواء كان بداية السمستر او بنص السمستر .. وتكلمت عن الزي الجامعي .. تقول اهم شي انو يكون محتشم .. لأنو في بنات طالبين زي موحد فهي قالت كبرتوا عن هالشي . وسمحت بالنتوره الرماديه .. وناقشت بعد موضوع البويات والقصات الغريبه .. اللي اشياء اللي راح تتطور او بتصير .. 1) راح يكون في حضانه للأطفال .. 2) وراح يحطون لنا صراف عند الكافتيريا.. 3) والمساحه الفاضيه اللي كانت مسكره قبل والحين شالوا الزجاج عنها بيحطون فيها اثاث وبيصير مكان للقراءه والمذاكره .. 4) وبيحطون لنا مكتبه مركزيه .. 5) السنه الجايه راح يتغير نظام المقررات وفي مواد راح تنحذف وبتكون في رحلات تساعد على فهم المقرر واستيعابه .. الشي اللي يقهر انو العميده تقول انو جوالات الكميرا كانت قبل بين الرفض والقبول بس الحين تأكد الرفض من وزارة التعاليم العالي بسبب المشاكل اللي تصير وتصوير البنات ونشر صورهم .. هذا اللي اذكره واذا غلطت بشي مافي مانع من التصحيح ..  |
|
|
|
2012- 12- 17
|
#5 |
|
أكـاديـمـي نــشـط
|
رد: اللقاء مع عميدة الجامعه
وناسههه اهم شي سمحت بالتنوره الرماديه
طيب وش عقبه يوم جينا بنخلص تحضيري بيحذفون المواد الللي مالنا فيهم بس م فهمت المساحه الفاضيه وين اللي عند شؤون الطالبات ولا ؟؟ بس يالله الحمدلله |
|
|
|
2012- 12- 17
|
#6 |
|
أكـاديـمـي فـضـي
|
رد: اللقاء مع عميدة الجامعه
ماقالو شي عن الامن مرااات ينشبون الا يطلع مخالفه غصب كذا جت على بالها تمسك بنت
|
|
|
|
2012- 12- 17
|
#7 |
|
أكـاديـمـي نــشـط
|
رد: اللقاء مع عميدة الجامعه
الا تكلموا عن الأمن ..
بس تكلموا عن تفتيش الشنط وكذا .. اذا ع الزي مايقدرون يقولون شي العميده وسمحت بكل الالوان ماعدا الشفاف والقصير طبعاا اكثر شي ينشبون لك ع التنوره الرماديه بس الحين العميده رضت فيهاا .. وطالبت الامن انهم مايفتشون شنط البنات .. فقالت لهاا رئيسة الامن والسلامه انهم يفتشون الشنط اللي حجمهاا كبير ححيل اكبر من المعتاد يعني لانو البنات يحطونهاا فيها صوانـي ومدري شنو .. ايه صح وع سالفة الكافتريا.. العقد اللي موقعين مع الاداره اللي تجيب هالمطاعم بينتهي بعد سنتين وبيتغير اكل الكافتيريا تغير جذري .. الساحه الفاضيه اهي نفسهاا اللي عند شؤون الموظفات اللي قبال غرفة استاذه ميسون وكذا .. سجلوا اعجابكم يعني ولو بالغلط ترى تكسرت يدي وانا اكتب  |
|
|
|
2012- 12- 17
|
#8 |
|
أكـاديـمـي فـعّـال
|
رد: اللقاء مع عميدة الجامعه
طِّـٌِيَِـًِ♡̷̴̬̩̃̊ـُِبًِ وليش واذا جبنا أكلنا من البيت أيش المشكله
 الكافتيريا والله يديم النعمه ملينا من أكلها نبي نغييييييير بَـßÊـسّ حلو انهم سمحوا بالتنوره الرماديه نبي نغير ملينا مٍْْـٍْْ♡̷̴̬̩̃̊ـٍْْنٍْْ الاسوووود
|
|
|
|
2012- 12- 17
|
#9 |
|
أكـاديـمـي نــشـط
|
رد: اللقاء مع عميدة الجامعه
اذا جبتي اكل من البيت بتخسرين الكافتيريا ي حلــوه ..
 هم يقولون جيبي لروحك بس اماا تجيبين لك ولصديقاتك ممنوع .. |
|
|
|
2012- 12- 17
|
#10 |
|
أكـاديـمـي فـضـي
|
رد: اللقاء مع عميدة الجامعه
اليوم اللقاء كان حلو
حسيت العميدة متفهمه مرة هذي اول مرة اشوفها طبعا بس حسيت انها بالغت في الدفاع عن ا ميسون بزيااااااادة تقول انها تاخذ خطابات شكر عشانها قوية !!  اصلا هي اسلوبها في التعامل معنا زفت مرة وانا جربت وشفت  البنات كانو قيولولي عنها وعن اسلوبها  بس ماصدقت الى يوم رحت لها  برضوا سوال الي جاء حق ليش مايكون كا الموضفات من كوادر السعودية فقط ؟! تصفقت وجيهم الدكاترة الاجانب انا فقعت ضحك يوم شفتهم  وفي بعض الأسئلة كانت حلوه وتفاعلنا معها وفي بعضها مالها داعي بس كلها طرحت وتناقشنا فيها لكن كان الوقت قصير ما سمح اننا نتحاور معها هذا الي صار اليوم 
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| █◄◄░ الصحه النفسيه لذوي الاحتياجات الخاصه ░►►█ | Ầ.Ł.₥.ầ.$.ặ | ارشيف المستوى 1 تربية خاصة | 35 | 2013- 5- 20 10:42 AM |
