ملتقى ثانــــــــــــــــــــــــ دراسات ـــــــــــــــــــــــــــــــي

[الخلود]

السلام عليكم
بنات انا عندي عتب على بنات سنه ثاني اتساب طبعا دراسات




:o3:

لانه مو ملا حظين انه مافي اي موضوع عن سنه ثاني انتساب ((دراسات))

لاعن لقائهم اللي صار ولا عن موادهم انها تتناقش السهل منها والصعب او المحذوف


ليه طيب
طالباتها مو مهتمات ولا شسالفه

ياليت انه صفحة موضوعي ذي تصير صفحه اومدخل نتناقش فيه عن كل شي يخص موادنا
الين ايام الاختبارت وياليت بنات الانتظام يدخلون معنا لانه اسئلتنا نفس اسئلتهم ويساعدونا ويعطونا فكره



الله يسهل علينا ويوفقنا

ويوفق كل بنت بتدخل معنا وتفيدنا بشي حتى لو بسيط

[الخلود]

اش دعوه يابنات


مو معقول لسيييييييييييييييه 16 مشاهده ولا د واحد


على الاقل قولولي كلامي صح ولا غلط

[سـمـو الذات]

انا والله تعبت من كثر ما كتبت مواضيع بس محد يرد علي

اتمنى ان الكل يكون يد وحده

قال الله تعالى في كتابه الكريم :

(( وتعاونوا على البر والتقوى ))

أضم صوتي لصوتج

واتمنى يثبتون موضوعنا هذا

وأتمنى ياخلود تساعديني وتقولين لي شنو محذوف في ماده مناهج البحث
والف شكر

لاني بالخارج وما اقدر اشتري التوصيف
واذا حضرتي اللقاء شنو قالوا فيه

[الخلود]

الحمدلله في تجاوب


انا ماحضرت اللقاء لكن ان شا الله اعطيكي كل شي اول باول

كل الللي اعرفه راح اقوله لك بانتظام


بس افضل ما اقولك شي الا بعد اللقاء الثاني
يعني بعد 28 \5
لانه يكون حددوا فيه كل شي بعض الاساتذه يغيرون كلامهم اللي قالوه في اللقاء الاول



بنات ما اتوقع فيه منكم احد مايحب الخير على الاقل لنفسه
اذا مافيه تجاوب او تعاون راح تكون الفايده متبادله عن طريق الرسايل الخاصه

مو تستفيدون ولا تفيدون

["الأمل المنشود"]

أهلين أختي الخلود00
أنا ثانيه انتظام00
وربي يسر لي ويعيني أساعدك بكل اللي تبينه00
ولا تنسينا من دعائك00

[الخلود]

حياك الله
يالامل لمنشود

فعلا اسم على مسمى
ان شا الله املنا فيك خير


اسأل الله العظيم يحقق لك مرادك ويوفقك ويهنيك


ويعلي مراتبك دنيا واخره

انتي ومن بيساعدنا بعد

[سـمـو الذات]

الخلود حياتي انا بس ابي عن مناهج البحث
حطي اللي تعرفينه من الحين
الله يوفقك عشان ابدأ اعرف كوعي من بوعي
مو معقوله ماني عارفه شيء عن الماده

بس ابي مناهج البحث الله يوفقج

وشكرا

[الخلود]

اهلين حبيبتي


شوفي ياقلبي,,,,:066:

بقولك عن المكتوب في ورقة اهم (الملاحظات المذكوره في اللقاء اللي مسويتها ).......د .امل العرفج الله يوفقها


مناهج البحث للد سميه علي

1\ للماده مرجعين اساسيين الكتاب الاول وهو كتاب البحث العلمي لعبد الوهاب ابو سليمان

افتحي الفهرس تبع هذا الكتاب واشري على الارقام اللي بكتبها لكي انها غييير مطلوبه
اما البقيه فهي مطلوبه

هذي الصفحاات غيييير مطلووبه((44,64,142,144,147,166,170,179,181 اما الفصل الخامس فهو محذوف ماعدا ص 241 مطلوبه ...قائمة المصادر ))





2\ الكتاب الثاني البحث العلمي ضوابطه ومناهجه للحماحمي المطلوب دراسته من ص 23 ال ص 27 الى نهاية الفقره الاولى ...... انواع البحوث غير مطلوبه





والمطلوب حفظ 3 كتب من كل مصدر مع مؤلفيها وسيتم تحديدها لاحقا



هذذ كل اللي مذكور في الورقه مع اني اتوقع انو يتغير في اللقاء الثاني والله واعلم

لو صار اي جديد راح اوافيكي فيه ان شا الله


دعواتك

[الخلود]

بنات

ليش محد يرد ليش مافي تفاعل


يعني موضوعي مو مهم

[غـداً يوم آخر]

الخلود ..

هلا بك أختي ..

الله يوفقك ويكتب لك الأجــر ..

تعاونك مع زميلاتــك رائــع ..



الموضـــوع مثبت