استفسار بالنسبه للقبول بالتعليم عن بعد عاجل جدا

[FELWAH]

السلام عليكم مساءكم نور وسرور
انا عندي دبلوم حاسب الي كلية المجتمع وابي اكمل في نفس التخصص بنظام التعليم المطور للانتساب وسجلت اليوم عن طريق الايميل بشهادة الثانويه (علمي) بتخصص ادارة اعمال تعليم عن بعد وانا سمعت ان الجامعه وافقت على برنامج الانتساب المطور في تخصص تقنية المعلومات للي عندهم دبلوم حاسب الي ومالقيت تسجيل لهذا التخصص فهل تسجيلي بادارة الاعمال راح ينفعني او اقدر اغير التخصص بعدين الى حاسب الي بصراحه انا محتاره وماادري شلون اسجل بتقنية المعلومات انتساب ياليت تفيدوني

[FELWAH]

ياليت حد يفيدني كل هالمشاهدات وماحد فادني بشي تكفون الي يعرف يقول لي او يدلني على الي بيفيدني

[مغادر12]

بالنسبة أنه ينفعك على ما أعتقد ماله علاقة تخصصات مختلفة ، لكن إن كان فيه نفس المواد إلي درستيها ممكن يعادلونها لك بالترم الثاني شريطة حصولك أن تكون علامتك( c ـ جيد)

وما أظن فيه تخصص تقنية معلومات ، فأنتي حددي توجهك وش تفكرين بعد التخرج والوظيفة المناسبة ، وعلى ضوؤها قرري .

[FELWAH]

مشكور اخوي ماقصرت

انا الحين موظفه مثبته بمرتبه سادسه بعد ماكنت على عقد ومسمى وظيفتي مساعد اداري يعني ما احتسبو لي شهادة الدبلوم حاسب الي في التثبيت وابي استفيد في الترقيه فقلت اكمل بكالريوس الحاسب لاني سمعت انهم اعتمدو الانتساب في تقنية المعلومات بجامعة الملك فيصل بس مالقيت التسجيل فسجلت ادارة اعمال انتساب ومااعرف اذا بيحولوني حاسب الترم الجاي او لا

[مغادر12]

وحتى إن كان معتمد ، لازم تبدئين من الأول يعني لازم أربع سنوات ، وبالنسبة للترقية ، أي بكالوريوس معتمد في الترقية بأي تخصص ماله علاقة بطبيعة العمل دامه من جامعة حكومية .

[مغادر12]

بعدين ثبتوك على مرتبة سادسة أكيد حسبوها لك ، كيف عرفتي إنه مهو محسوب ، المفروض يحسبونه كلية معترف فيها أعرف زملاء حسبوا لهم معاهد خاصة وعطوهم المرتبة إلي يستحقونها ، فأنتي تأكدي هل محسوبة ، خصوصا إنها من كلية حكومية ، أو خاطبي الوزارة وتظلمي بأكثر من برقية حتى يعدلونها لك ، واذا فيه أحد يتابعها لك أفضل بسرعة الإنجاز .

[FELWAH]

ادارة التعليم يقولون وزارة الخدمه مااحتسبوها في التثبيت لاني بالدبلوم استحق خامسه وست سنوات خدمه يعني المفروض اصير سابعه بس هم احتسبو لي الثانويه رابعه ومرتبتين ع الخدمه صرت سادسه ... هذا كلامهم .... بعدين اي وزراة تقصد اقدم عليهم تظلم لاني ابي اتاكد ومشكور ماقصرت اخوي واسفه على الاطاله

[مغادر12]

الوزارة التابعة لجهتك إلي هي وزارة التربية والتعليم ، لأن فيه نااس حسبوا لهم جميع الشهادات في نفس الجهة بالإضافة لسنوات الخدمة إلي هي كل 3 سنوات مرتبة ، أعرفهم متخبطين وقرارات عشوائية وما فيه إنصاف ، حتى واحد أعطوه مرتبة ثانية بعد التثبيت وطالب حتى عدلوها له إلى مرتبة خامسة أعرف الرجال شخصياً ، بعدين مرتبة سادسة طيبة يتعين عليها الجامعي بعد التخرج ، ولكن بحصولك على البكالوريوس ، ينفعك في المفاضلة للترقية بقوة .

[FELWAH]

مشكور اخوي ربي يحفظك ويجزاك الف خير