مايستفاد من اخر محاضره مباشره للادارهـ

[sara sultan]

بسم الله الرحمن الرحيم



خلصت المحاضره وراحت على الصوت واضح
واضح الصوت كيف الصوت بنات ونص الاسئله ماجاوب عليها


بليزززززز بنات اللي الصوت مو واضح لاتقول شي خلوه على الاقل يتكلم يقول شي مو كل الوقت يسسال عن الصوت
ولا في شي محذوف لا مافي شي محذوف
اللي ذاكر الاداره بعرف اصلا ان مافي شي يسوى ينحذف
كله المحاضرات مكمله لبعض وكلها اشياء بسيطه لايهمكم كثر المنهج بس لو تذاكرون بشوي تركيز صدقوني بتحسون انه زي العسل

ارجوكم رجاء خاص المحاضرات الجايه مانبي تروح علينا كذذا جهزوا اساله نستفيد منها واللي الصوت مو تمام عندها تشوف المحاضره بعدين مسجله
ترى هاذي اخر شي لنا في الترم هذا ولازم نستغل المحاضرات الجايه صح مو تروح على الفاضي ,,,



اتمنى تتقبلون كلامي بصدر رحب

[7anan_s3d]

وازيدك من الشعر بيت
الظاهر بنتخرج والسوال الثاني اللي في المحاضره المباشره

نذاكر من المحتوى ولا من الكتاب الكتاب ولا المتحوى ولا الملخصات
خلاص تكفون
يعني انتم من كل عقلكم بيقولكم اتركو الكتاب والمحتوى وذاكرو من الملخصات
خلاص كيفك اللي انتي تشوفينه يناسبك في الفهم ذاكري منه


تكفون ماعاد نبي الاسئله السامجه

[مملكة الشموخ]

ليش ماحذف شي

[sara sultan]

كله كوم واللي يسال عن كيفيه الاختبار طيب اللحين مو معنا نماذج للاختبار مو مكتوب فيها مده الاختبار مو محدد فيها كم خيار للاختبار
وبالنسبه للمدارس والمصطلحات من المحاضره الاولى الدكتور مجاوب على السوال وقايل معكم
ونرجع اليوم نسال معنا او لا
نظام اللي يمكن هون يمكن رحمنا

حرام والله حرام تروح المحاضره كذا

[um saif]

انا ما تابعت اليوم المحاضرة ايش قال الدكتور فيها ...؟؟؟؟

[sara sultan]

ام سيف
ابد مافيها شي قيم
المهم الدكتور من كلامك باين ان المحتوى كافي للمذاكره والكتاب نرجع له في حال صعب علينا فهم شي ..

[زمرد :$]

شفيكم معصبين

[وقتي]

انا ماحضرت المحاضره المباشره لكن دام المحاضره مافيها شي قيم وأن متأكد من كذا
اذا ليش يطالبونا بحضور المحاضرات المباشره وليش مايخلوووها محاضرتين بدل 3 محاضرات
ويقلصوا الواجبات الى واجبين وبدل ما يحطوها 3 او 4اسأله مقسمه على ثلاث واجبات يخلوها 7 اسأله في كل مره مثلا ومقسمه على واجبين فقط
على الأقل يكون السستم عند الطالب واضح وميسر خاصه مع النظام غير المؤهل لأن اغلب المحاضرات كثير من الطلاب مانزلها ولا فتحها حتى الآن وانا واحد منهم بسبب الضغط على الموقع

[hura]

والله ي زمرده ما الومهم >>في حكي بداخلي من المحاضرة الاولي ومنبطه تشبدي على قولة الكويتين هههه

يعني تجي المحاضرة الاولي تقوله وش اسم الكتاب طيب وينك عن المحاضرة التمهيديه

يجي الشي الثاني وصادقين البنات فيه --- وش نذاكر منه وش المحذوف وتكفي دكتور سهل الاسئلة بس ابي افهم هم عارفين انهم بجامعه وبكالوريس ادارة اعمال يعني مو بالثانوي نقردن المدرسة تركز على اشياء حتي بالثانوي ماكانت تعطينا وجه ولو في حذف كان حتسي من نفسه

والحذف من القانون تري هي موجوده بالكتاب بس اصلا ماخذيناها بالمحاضرات يعني ماتطرق لها وحدد محاضرة العاشرة نذاكرها ونعتمدها من المحتوي عشانها واضحه اكثر من الكتاب ودخلو وش المحذوف ماسمعناك الصوت يقطع يابووووووووي جتني الصيحه الله يهديهم بس كل هذا من رهبة المذاكره هههههه

الشي الثالث الشطارة نسال اساله عشان نعرف وش يركز عليه وهو يحتسي زي اللي سالت بالاقتصاد الله يجزاها خير وقال السوال حلو وحسيته تحمس وقام يشرح وربي اني استوعبت من كلامه من غير مذاكره

واليوم اسال الدوغان عن المدارس حابه يلخصها بالحكي عشان استوعبها كويس >>>مشكلة مخي يحب الحكي ههههه
وهو الله يهدي الصوت والصوت والله لو يعدلونه من هنا لسنه نفس الشي دامه بالمحاضرة المسجله يقطع علي الاقل المفروض يصير صافي واضح مو التسجيل من عندهم

خلاص تعبت قلبي الصغير لا يتحمل

صحيح شي يقرقع بقلبي الحين الشات للاسئلة هم يسولفون فيه ليه يعني فضلا لا امرا حطو السوال عشان يقراه مو تخش السواليف عرض ويروح الاسئلة وماينتبه لها >>>ونقعد جت الحزينه تفرح مالئت لهاش مطرح
اذا عندكم قروب واتس اب ولا البلاك بيري تفاهمو بالمنتدي اذا كان يسمح مو ...... بس خلاص تعبت

الله يجزاك خير ياللي فتحتي الموضوع وبليز لحد يزعل لاننا هنا لبعض ومع بعض ع الحلوه والمره

[hura]

قال الله تعالي ( يــاءيـها الذين ءامنوا لا تسئلوا عن اءشياء ان تبد لكم تسؤكم ) صدق الله العظيم