تبون تنجحون بعد التوفيق من الله ؟؟ تفضلووو

[هـمـس التميمي]

مجهود شخصي

السلام عليكم ورحمة الله و بركاته

زملائي و زميلاتي الكرام

في البدايه .. كل عام وانتم بخير ع عامنا الجديد
والله يجعله عام دراسي مليء بالنجاح

طبعا كل طالب وطالبه غرضهم من الدراسه يختلف عن الثاني
ترقيه - الاستفاده من الفراغ- حب للدراسه - للوظيفه - للمكانه الاجتماعيه

طيب ليه ما يكون طمووووح يجمع بين كل الاهداف؟
هنا خلاصه موضوعي .. وراح اوضحها لكم



اي طموح ونجاح له مفاتيح
اهم مفتاح للنجاح:
1- هو التقرب من الله بالطاعات وترك المعاصي:
بعضنا يشوف ناس تجتهد ولا تحصل شئ .. يا انه ابتلاء من الله او انه معاصيه سببت حاجز بينه وين الله.. فيوم يدعي ما يستجاب له ولا يتقبل منه اي عمل
2- الجد والاجتهاد:
لازم الانسان يتعب في البدايه عشان يرتاح بالنهايه ماهو العكس ..!!
3- تنظيم الوقت:
كلٍ له ظروف تختلف .. من المتزوج و الموظف و العاطل
يعني يعطي كل ذي حقٍ حقه
4-الاعتماد ع النفس وعدم الاتكاليه:
يعني مثلا اخلي صاحبتي تسوي لي امور البلاك بورد وانا فاضيه..!!
5-الثقه بالنفس وعدم استصغارها:
يعني بعضهم يقولون انها مو كفو دراسنا.. محنا دوافير..!!
الحمدلله كل راس وبه عقل اذا العقل ما اشتغل اكيد ماراح يطلع منه شئ


المذاكره:

1- لا تاجل عمل اليوم الى الغد:
وهالشي يكون بعمل جدول ترتيب فيه اعمال البلاك بورد والمذاكره والتخطيط
2-ترتيب المذاكره:
يعني اشوف الماده الفلانيه يبغالها حفظ ولا فهم .. تعتمد ع المحتوى او المحاضرات المسجله
وابدا مثلا كل يوم محاضره وعمل جدول بهالشي
3-تخصيص وقت للمذاكره:
نصيحه في الصيف ذاكرو بالنهار يكون اطول
وبالشتا ذاكرو بالليل لانه اطول
وبعد صلاه الفجر لمده ساعه يكون العقل صاحي وخصوصا بعد الصلاه النفس تكون مرتاحه
4-الابتعاد عن المشغلات الماديه او النفسيه:
يعني الجوال - التلفزيون - ناس تجيب لك النرفزه والقلق
5- ادعيه المذاكره قبل المذاكره وعند الانتهاء:
قبل المذاكرة:
اللهم إني أسألك فهم النبيين، و حفظ
المرسلين، و الملائكة المقربين، اللهم اجعل ألسنتنا
عامرة بذكرك، و قلوبنا بخشيتك، و أسرارنا
بطاعتك، إنك على كل شيء قدير، حسبنا الله و نعم الوكيل..
بعد المذاكرة:
اللهم إني أستودعك ما قرأت و ما حفظت و ما
تعلمت، فرده عند حاجتي إليه، إنك على كل شيء قدير، حسبنا
الله و نعم الوكيل..
6- تخطيط للماده ع النقاط المهمه وتوضيعها بالهاي لايت او الرصاص
لانه الانسان يتذكر بوقت الاختبار ما خطت به يديه
7- تلخيص الماده .. يعني تعيد صيغه الماده بجمل قصيره ومفهومه لك
8- الاكل وتاخيره ع المذاكره:
يعني تاكلون اي شئ ياثر عن القدرات العقليه
واهمها اوميغا 3
9- عدم الاعتماد ع اراء الغير ع صعوبه المواد
وذلك لوجود الفروقات الفرديه .. يعني الماده الفلانيه عند غيري صعبه وعندي تصير سهله..!!
10-التركيز ثم التركيز ثم التركيز


وقت الاختبارات:
1- يكون فيه مراجعه للمواد قبل الاختبارات باسبوعين
2- حل اسئله العام كمراجعه ومعرفه اسلوب الدكتور ولييييييييييييييييييس الاعتماد عليها لانها قابله للتغيير
3- دعاء وقت الاختبار:
يوم الامتحان:
اللهم إني توكلت عليك، و سلمت أمري إليك,
لا ملجأ و منجا منك إلا إليك..
دخول القاعة:
رب أدخلني مدخل صدق، و أخرجني مخرج صدق، و
اجعل لي من لدنك سلطانا نصيرا..
قبل البدء بالحل:
رب اشرح لي صدري، و يسر لي أمري, و
احلل عقدة من لساني يفقه قولي، بسم الله الفتاح, اللهم
لا سهل إلا ما جعلته سهلا و أنت تجعل الحزن متى شئت سهلا
يا أرحم الراحمين..
أثناء الامتحان:
لا إله إلا أنت سبحانك إني كنت من
الظالمين, يا حي يا قيوم برحمتك أستغيث, رب إن مسني الضر
إنك أرحم الراحمين..
عند النسيان:
اللهم يا جامع الناس ليوم لا ريب فيه اجمع
علي ضالتي..
بعد الانتهاء:
الحمد لله الذي هدانا لهذا و ما كنا
لنهتدي لولا أن هدانا الله
4-عدم التوتر والقلق لانه مجرد اختبار لما تم تجميعه في عقلك
5-اجعل الاختبار تحدي لذاتك لرفع ثقتك بنفسك
6-عدم السهر والاكتفاء بـ 6 ساعات الى 8 ساعات نوم يوميا
7- الدعاء ثم الدعاء (اللهم يسّر ولا تعسّر)



بداية الاختبارات النهائية للفصل الدراسي الأول من العام الجامعي 1434/1433 هـ
يوم الخميس
2012/12/20
1434/2/6

واخيرا"

ثمره النجاح يبغالها تعب وجد واجتهاد عشان تحصدون بالذ الثمار
وهذا مستقبل .. يعني الحياة

[" الـعـذب "]

:::::::::::

أهم نقطه .. بعد التوكل على الله ..

مرآجعة أسئله الترم المآضي ..

لله دركّ ..

بس أتوقع التنظيم والترتيب والمذآكره أول بأول .. مآ تنفع مع الموظف .. أو مع الأم ..

فاللخبطه الزمنيه موجودهـ ..

والنسيآن هو آفة العلم .. بالنسبه لي .. أحصر الموآد الصعبه ..

أو الموآد المضغوط فيهآ بالجدول .. وأبدآ فيهآ قبل الإمتحآن بأسبوعين ..

وأحآول أني أركز عليهآ وألصقهآ غصب بالذآكره ..

وبالنسبه للموآد السهله والمتوسطه ... واللي فيهآ مجآل بالجدول .. هذي أذآكرهآ بوقتهآ فقط ..

ويتم تخزينهآ بالذآكره قصيرة المدى ,,, لأن مفعولهآ عندي أقوى من طويلة المدى ..

وأنصح جدآ بالذآكره قصيرة المدى ..

كل الشكر .. لكي .

[خلف الشمري]

معك حق كلامك عين العقل مشكوره على النصائح

وبعدين في نقطه مهمه
بشتاء اذا تبي تذاكر شغل الدفايه وذاكر عن البرد
وبصيف شغل المكيف وذاكر بالبراد عن الحر

وبعدين دايم قبل تروح تختبر حط فبالك انك اذا ماحليت ترى تبي تحمل الماده

[" الـعـذب "]

8
8

تلقى الحين همس تغسل يدينآ بديزل ..

وتقول : يملين الفلال اللي يفل حيلكم ..

أمحق خوآل

[هـمـس التميمي]

<<والله ضحكت من قلب

لا بالعكس بقول.. الله يهديكم ويحط حيلكم بدراستكم
وتفرحون بالمعدل الطيب يا خوالي

[السنيدي]

المشاركة الأصلية كتبت بواسطة همس التميمي

مجهود شخصي

السلام عليكم ورحمة الله و بركاته





3- تنظيم الوقت:
كلٍ له ظروف تختلف .. من المتزوج و الموظف و العاطل
يعني يعطي كل ذي حقٍ حقه
4-الاعتماد ع النفس وعدم الاتكاليه:
يعني مثلا اخلي صاحبتي تسوي لي امور البلاك بورد وانا فاضيه..!!

عليكم السلام ورحمة الله وبركاته
كل الكلام الي ذكرتيه رائع جدا جدا ولو اطبقه يمكن يحطوني عميد للتعليم عن بعد
لاكن العمار دمار

والاتكالية زينة ولو ما مجهوداتكم كان نراوح بالمستو ى الاول

[نسيم بحر]

مشكورة حبيبتي الكلام سهلة بس الفعل تعب انسانة كسولة

[العديلي]

كلام جميل

والأحلا الماده الفلانيه

[خلود انتساب]

يعطيك العافيه ياهمس

[حـ حياTتي ـلم]

قواك الله وقوانا
تشكرين ع الطرح القيم
^_^..//