: ( مقهور .. ومحتاج رأيكم

[Qublan]

يانــااس

يـااعـآآلم

الانجليزي هذا والله ( حاجة تقرف )


وربي ضايق صدري ومادري شسوي

قبل اختار هالتخصص فكرت مليون مره

ولقيت الانجليزي هو التخصص الوحيد اللي له مستقبل

وتوكلت على الله وتخصصت انجليزي

بس والله مو فاهم شي في الانجليزي ومقرراته

تسألوني كيف وصلت للمستوى الثالث وتخصصت

اقولكم والله مادري شلون ( بس اللي اعرفه اني تجاوزت المستويات السابقه بالحظ وبالبركة ) ( في مواد الانجليزي )

بقية المقررات كانت درجاتي فوق التسعين

بس من قرادة حظي تخصصت انجليزي وانا (( فاااااشل انجليزياً )

الحين انا تورطت

وانا تأكدت اني بوادي ( لبن ) والانجليزي بوادي ( حنيفة )

يعني انا وين والانجليزي وين


ارجوكم

محتاج نصيحتكم ومشورتكم

وشلون اغير هالتخصص وافتك

وهل التخصصات الاخرى لها مستقبل

يعني ماادرس وفي الاخير يقولون لي توكل على الله ( وشهادتك بلها واشرب مويتها )

وربي ضايق صدري ومآدري وش السوآة :(

[Ŝǎ7ąβ]

حالياً ما تقدر تغير التخصص لأن خلص بيتهي الترم
لكن الترم الجاي ان شاء الله راسل الجامعة واعرف منهم طريقة تغيير التخصص

[راااق الجنوب]

اذا عزمت على التحويل حول ادارة اعمال

[منى*]

تغيير التخصص فاتح الى البارح
قدم طلب عن طريق الايقونه تلاقيها بالخدمات الطلابيه

بالنسبه للتخصصات فيه ادارة اعمال
مستقبلها كويس

[SMART.BOoOY]

السلام عليكم

انا مار مرور الكرام من هناشفت موضوعك قلت خلني اقول كلمتين

اخوي مافي شي سهل وبعدين الانقليزي سهل مع المذاكره والاصرار
وهذا مستقبلك انا كان منى عيني ادخل انقلش
بس قبلوني ادارة اعمال
فا اقول لك استمر كل شي صعب حلو
ارجو لك التوفيق

وحاب اقولك مثل انقليزي


If your afraid of failure ,you don't deserve to be successful

اذا كنت تخاف من الفشل فانت لاتستحق ان تكون ناجح .

good luck
and

good night

[ابوفجر.]

اخي الكريم الامور طيبه والدنيا سهالات
روووق وتعوذ من ابليس الي صار صار وانتهى
الحين ماعندك الا حل واحد تنسى موضوع التخصص بالمره حتى وتنتهي الاختبارات
وحاول تاخذ لك كم ساعه بتفيدك بعدين
وبالنسبه للتخصص يمديك تغير مع الترم الجديد ان شاءالله
وانصحك بادارة الاعمال جيده جدا في مجال التوظيف ان شاءالله ولكن (يبيلك تكون دافور في الرياضيات) او على الاقل تفهم فيها
واذا انك ماتفهم في الرياضيات ادخل علم اجتماع زين بعد فيه مجالات في التعليم والمستشفيات كأخصائي اجتماعي وكذ1
بالتوفيق

[babz]

السلام عليكم ،

اخوي مافي احد انولد بالدنيا يعرف كل شي ..
يعني احنا ندرس الحين تتوقع اننا نعرف كل المواد؟
كل شي على الله ثم اجتهادك ومثابرتك ..

وانت الحين بفترة ضغط الاختبارات وما تفكر زين ومشتت ...( ما ألومك )

نصيحتي لك كـ اخت وطالبة (مريت بنفس وضعك قبل فتره)

* كمل مشوارك الحين وفكر باللي عندك من مواد .
* وعقب الاختبارات استخير الله اكثر من مرة .
* وعندك مجال مفتوح كثير لتغيير التخصص
ان رب العالمين اراد انك تغير باذنه الواحد راح تتسهل امورك وتغيره بكل يُسر وسهولة، وان كانه كاتب لك تكمل بالانجليزي راح تكمل بإذنه الواحد وبتفوق ..


بالتوفيق

[Qublan]

مشكورين

انا راح اكمل الترم هذا

واشوف اخرتها مع الانجليزي

اذا كتب لي النجاح مالي الا ادرس في المعاهد واشوف حل لوضعي

بالنسبة لإدارة الأعمال زملائي تخرجو من الجامعة وتخصصهم ادارة اعمال ومحد عطاهم وجه

كل ماقدموا على وظيفة يقولون لهم شهادتكم غير معتمدة

جميع التخصصات اللي بجامعة الملك فيصل غير معتمدة ماعدا الانجليزي

(( قال وش حدك على المر . قال اللي أمر منه )

[أحمدالعاصمي]

قبل لا تسوي شيئ صل لله ركعتين وأستخر ثم أستشير

وبإذن الله ما تخيب

ترى أنا تركت جامعة بالكامل كنت منتظم وتوظفت ولله الحمد
والحمد لله الله ما خيبني هذا أنا أدرس وأفضل من قبل بكثيييير

قسماً بالله في أول مستوى كتبت رسالة إسترداد الرسوم

ولكن كتبت في نفس المذكرة
لالالالالالالالالالالالالالالالالالالالالالالالا

والحمد لله هذا أنا أختبر مستوى ثالث ..

ترى اللي وصلت له أنت شيئ مو هين

غيرك من أول ترم سحب

والله يوفقك

[Pink coral]

اخوي انصحك اذا ماحبيت التخصص لاتستمر فيه