حياكم هوووون بليز

[ام فوااز]

مرحبا

تكفون اللي يعرف يرد علي تعبت نفسيتي راحت وطي المناقشات مانزلت والمحاضرات هم زفت عندي والملخصات مو عارفه وين احصلهم بالحفر لاني جديده بالحفر وتوهقت موعارفه المكاتب اللي تبيع الملخصات والمحاضرات ماحملتهم لانه مايتحملن معي مدري شنو اسوي انتحر وافتك ولا ايش
ومحد ماكله غير ولدي المسكين اللي طلعت عليه كل جنوني

اللي يعرف لايبخل علي

[MISS EAMA]

أختي هونيها و تهون .. كلنا على نفس الحال
بالنسبة للمناقشات في الافتراضي موقفه حتى السادسه عند الجميع أما في البلاك بورد نزلت حتى العاشرة
و المحاضرات أتوقع الجميع يعاني نفس المشكله ما نقدر نحملها و أتوقع هذي مشكله في النظام , عندك أما أنك تشغلين المحاضرة و تشوفينها أو تحملينها صوت
بالنسبة للكتب .. مافيه كتب مطلوبه غير كتاب تصميم و تطوير الدروس لأن الدكتور أكد عليه و غير كذا المحتوى مش كافي بس بإذن الله راح أحاول مثل ما وعدتكم أني الخص المادة من الكتاب و المحاضرة .
و الملخصات .. فهي من المحتوى و أخواتي ماقصروا في المنتدى قاعدين يرتبونها و يضيفون الشرح من المحاضرات الله يجزاهم خير .. و ما فيه ملخصات جاهزه لأنك تعرفين أحنا مستوى جديد كل شيء جديد علينا و ما نزل من قبل ..
و الله يوفقنا و إياك ..
و حرام لا تطلعين حرتك في ولدك بعدين يتعقد

[رضاك يارب وجنتك]

حبيبتي لاتعصبين تراني مثلك ماسويت ولااااااااشي
لاواجبات ولامناقشات ولاحملت محاضرات < كفووو هههههه
ان شا الله باقي شهر كامل واسبوع تقريباً < تراني دايم كذا ابرد اعصابي واذا قربت الاختبارات اكلت هوا
بس يمدي ان شا الله نخلصهم بااسبوع او اقل

وانا من الحفر عندك مكتبة نور المعرفه بالمحمديه مره كويسه عندهم جميع الملخصات بس صراحه مااعتمد على ملخصاتهم دايماً اخذ من ملخصات الاعضا والعضوات اللي بالمنتدى الله يجزاهم كل خير

[دولار السعودية]

اهلاً ام فواز

ليش متعبه نفسك حيييل بالتفكير تعودنا على هالجامعه ونظامها البطيء خلاص هانت ان شاء الله
كلها هالترم ونقول لهم باي باي وما يبقى علينا الا التطبيقي
انا من الحفر ولا عمري اخذت ملخصات من احد ، غير الطلاب والطالبات اللي ينزلون ملخصاتهم بالمنتدى واطبعها عندي بالبيت ، اذا ما عندك طابعه حمليها على فلاش مميري وروحي لاي مكتبه واطبعيها من عندهم راح تقل عليك تكلفه انك تشترين ملخصات مو مضمونه ومن هم اللى لخصوها اما بالمنتدى اللي لخصوها شخصيات معروفه وثقه
اما بالنسبه للمحاضرات المسجله تقدرين تحملينها شرائح جوال او صوت اسرع واسهل اما المناقشات اكتبي اي شي المهم تشاركين بس موتكتبين السلام عليكم ، مساء الخير والسوالف هذه لالالالالا
اي شي يتعلق بالماده بغض النظر الاجابه صحيحه ولا لا
اما الواجبات فأعتقد سهله والاخوان والاخوات ما قصروا ينزلونها هنا اول بأول مشكورين ما قصروا
واذا تبين مساعده انا حاضر ولا يهمك ابشري
( اخر مستوى دراسي لي ما بقى الا التطبيقي وابي اتجمل قبل ما اودعكم على خير )

دعواتكم لي

[ام فوااز]

ماتقصرون الله يرزقكم الجنه بصحبه النبي ياااارب

جبتها ي دلاور احملها بفلاش >>>مافكرت بهالشي مهي فاضيه بس تهاوش

والله يعدي هالترم على خير يااااااااااااارب

ماتقصرون ي الغالين