[ جميع التخصصات ] : || Back To University ||

[J A M I L A H]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]


[/ALIGN][/CELL][/TABLE1][/ALIGN][ALIGN=CENTER][TABLE1="width:95%;background-color:silver;"][CELL="filter:;"][ALIGN=center]

اجتهدنآ .. تعبنآ .. سهرنا .. وتخرجنآ من الثآنويه وي آلله ي زين ذيك الفرحك لهآ طعم مختلف ..
خلآص حسينآ اننآ كبرنآ .. وخلآص انتصفنآ في سلم العلم وبدينآ بالنص الثآني >> حشى عرس مهب تعليم ..
ودعنآ زميلآتنآ بدموع ومعلماتنآ الحلوآت ، ودعنآ مرآييلنآ والجرس والطآبور والمرآقبآت والمشرفات ،ودعنآ الحصص والكتب اللي تتوزع علينا ..


ودعنآ كل شي تعودنآ عليه من 12 سنه اللي كان نفس الروتين ..
ودعنآ حركآت الحفل ومجلس الامهآت وامي تسأل عني .. كل شي رآح ..
لأن القآدم أحلى وله حلآوه وطعم غير صرنآ الوحيدين المسؤولين عن انفسنآ ..
قدمنا وتخصصنآ .. وصرنآ جامعيين .. الحمدلله ..
آلله يوفق اللي انقبل منكم هالسنه .. ويفرج على البآقين ويقبلونهم ي رب وينظمون معكم في هالفرحه ..


طبعآ هذي هديه صغننه مني لكل بنت رآيحه هالسنه للجآمعه .. وهذي عديتي لكم ..

هذآ موضوعي كامل متكامل مستمر آن شآءالله
لـ كل بنت جآمعية و كل ماتحتاجه
من نصآيح ، آستفسآرآت ، لبس الجامعه وكل شي يخصهآ
من الشعر للـ شوز الله يكرمكم


اول شي حبيت اقدملكم كذا نصيحه لعل وعسى تفيدكم

اول شي طالبات السنه التحضيريه المتخرجات لسى من الثانوي
لازم تعرفين كذا شي , اولا ان المدرسه شي والجامعه شي ثاااااااااااااااااني
من كل النواحي مختلفه ت م ا م ا
بما ان مرت علي سنتين وانا بالجامعه وكان دخولى لها كبدايه لى من الصفر
يعني ما كان عندي خلفيه بتااااااااااااااااتا
إلا أني دخلت وبحثت لحد مالقيت هالمنتدى ولقيت بنآت آجآويد ومسكوآ بيديني


اول شي لازم تعرفينه يابنت التحضيري .. انك مسؤوله عن نفسك
انسي حركات مراقبه تقول عذر مدري غيابي مدري شتسوي
انسي حركات مدرسه تذكرني باختباري وتعطيني واجب وتزيدني درجات
انسي انك في مجتمع مكون بس من 600 بنت وكل المدرسه تعرفينها وكلها تعرفك بسبب قلة العدد
انسي حتى ان الصديقات ممكن يكونون كلهم حليوات ووفيات
انسي انك بمدرسه وبالطقاق ايش بتسوين شعرك وايش بتلبسين



كمقدمه لموضوعي ,,
ابيك كل شي تغيرينه فيك .. كل شي تنسينه .. كوّني نفسك بنفسك
[ المقصود التغيّر للأفضل ]


اول شي كوني ( ذكيه )

س : ايش قصدي بـ ذكيه ؟!


ما ينلعب عليك .. ما ينوخذ حقك .. محد يسحب عليك او يهمشك
بتصادفين اشكااال وانواع من البنات وبتتعاملين مع ناس كثير
سواء بالبحوث بالواجبات بالامن بالمعاملات .. بكل شي
ماتثقين باي احد .. ولا تستأمنين احد على اشياءك

الصداقات !

اذا كان عندك صديقات بالجامعه ,, بتصيرين تحبين الدوام وبتصير لك ذكريات حلوه وبتتحمسين تداومين
لو كان عندك صديقات قبل وجوا معك بنفس الجامعه او حتى نفس القسم فهذا شي جيد ولكن لاتعتمدين على صداقاتك القديمه فقط

س : شلون يعني لاتعتمدين ؟

يعني لاتوقفين صداقاتك عليهم .. اقعدي تعرفي واعرفي من هنا للابد
لان لما تتخرجون ,, لو كنتى متعرفه على 10 يمكن مايستمر معك الا 2 او 3 والباقي نادر ماتشوفينهم
اذا تعرفتي على صديقات جدد لا تخلين لك صديقه وحده كل شي تقولينه لها
انسي هالموضوع عشان مايجي يوم وتنجرحين ولا تزعل منك ويصير ماعندك احد
كوني الذكيه اللى كل الناس لها لو احد تخلى عنها مو تضيع ومايبقى عندها احد !!


اخر موضوع تفتحينه لصديقتك هو ( المشاكل العائليه )
حاولى قد ماتقدرين انك ماتقولينها لاحد
ماله داعي احد يناظرك بنظره انك مسكينه وكذا الا اذا كانت صديقه ثقه
واذا كان عندك احد دايم تقولين له عن مشاكلك العائليه , لا عاد تقولين عن هالمشاكل لاحد ثاني
يعني انا عندي عدد معقول من الصديقات الكلوز مني اللى ادق عليهم
( لما اقول ادق قصدي انهم كلوز لاني ما اكلم أي احد )
يعني صديقه للسوالف عن الجامعه والمواد, صديقه عن الطلعات والسوق , صديقه عن الملابس , صديقة اشكيلها صارلي موقف مع احد وكذا صديقه للضحك وسعة الصدر
يعني ما احددلي بنت و كل هالسوالف معها ..
حاولى ان محد يتحكم فيك ,, محد يحتقرك
دايم اشوف شلل بنات يمشون ووحده باالاخير تلحقهم او مو معطينها وجه
حاولى انتى تكونين الليدر .. يعني يشاورونك يسالونك مب اذا قرروا يعطونك خبر ولا مايطقونلك خبر من الاساس

الموضوع يطول شرحه جداااااااااااااا ومالى خلق افصل فيها لا اقلبها روايه الحين
اصلاه مب مكانه هنا .. بس يوزوز بخاطري من زمان







[/ALIGN][/CELL][/TABLE1][/ALIGN]

[J A M I L A H]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]

وهذي أهم نقطه .. ورآح تفيدك بإذن الله ..
يمكن الغآلبيه انقبلوا في جآمعآت فرقتهم عن صديقآتهم ..
يمكن تكون شلتك 8 بنات وبعد القبول اكتشفتم ان كل وحده بكلية ..
وحتى ان كنتم بنفس الجامعه بس بعيدين عن بعض ..
ما تقدرون تلتقون ببعض بشكل يومي ..
يعني تحسين نفسك وحيده في عآلم كبير ماتعرفين احد فيه ابدآ ..
ما تعرفين لا مبناك ولا شي عن دكاترتك ..
اللي تعرفين هو ان هالبوابه توصل لقسمك وبس !! >> مريت في هالشعور

بتسمعين كلآم كثير عن أي جامعه بتدخلينها بعض الكلآم يخليلك كأنك بتدخلين جآمعه تل ابيب مب جامعه مسلمه عربيه وسعوديه بعد !!
في هالحآل كيف تتصرفين .. بتحطين يدك على خدك ولا رآح تتهني برمضآن >>مثلي قبل سنتين ..
ويمكن بعض البنات تتأخر ما تداوم شهر من الخوف من هالمجتمع ..



المطلوب انك تسوين كالآتي :

1- حطي في بآلك ان الجآمعه مجتمع حلو .. وجميل .. وونآسه .. وكل شي حلو فيها ..
2- كثفي الدعآء والاستغفار ان ربي يرزقك بالصديقآت الصآلحات والدكاتره السنعين ..
3- في الف طريقه تقدرين تتعرفين فيها على الجآمعه من غير ما تكون مزحومه بالبنات علشان ما تزيد ربكتك ..
4- انتي جآيه لهدف وآحد بالحقيقه وهو العلم .. فقط .. اذا ليش اخاف من الجمهور اللي راح اقابله ..
5- عيشي يومك .. لآ تفكرين بالجآمعه كثير ولآ تخلينهآ تآخذ حيز كبير من وقتك والله ماتسوى همها >> تذكرت العرايس هههههه آبد مآتقصد نفسهآ

::::

قلتلك في نقطه 3( في الف طريقه تقدرين تتعرفين فيها على الجآمعه من غير ما تكون مزحومه بالبنات علشان ما تزيد ربكتك)

بتقولين كيف ؟! اقولك في حياتنا العامه لو بندخل أي مكان لوحدنا ومظطرين لهالشي لزوم ناخذ فكره عنه ونتعرف عليه بوقت كآفي
علشآن ندخل واحنا مرتآحين نفسيآ .. فأنتي في جآمعه .. خبركم البنات ما يداومون الا بعد
الدوام الرسمي لطالبات الجآمعه بسبوع يعني الغالبيه الكثيره يسحبون على اول اسبوع لأنه
في الغالب يكون اسبوع جداول وتحسينات وخرابيط للبنات الثانيات مو لسنه اولى جآمعه حطي هالشي في بالك ..
روحي اول ما يبدآ الدوام الرسمي سمي اول ما تدخلين واقري آيه الكرسي وادخلي وآثقه ولا تكوني مشدوده وخايفه
حاولي قدر الامكان تكوني مرتآحه وتفائلي وخلك نبيهه .. ماراح تلاقين بنات كثار .. اول يوم روحي اسئلي عن مبناك واحفظي طريقك وتأكدي من جدولك ..
ادخلي في المبنى وسمي بالله قبل .. تعرفي على كل شي بمبنى قسمك ..
روحي شوفي مكان رئيسه القسم .. الكفتريآ .. كل شي فيهآآ ..
اقرب بوابه لقسمك علشان اذا طلعتي .. مكان مكتبه التصوير ومكان المكتبه اسئلي اذا ما عرفتي المكان عادي جدآ ..
ولآ بأس من الفرفره في المبآني الاخرى .. يمكن تتعرفي على بنت مثلك تايهه .. :58545:
او تسألك عن شي ..
لآتقولين لحالي صعبه مدري ايش صدقيني هالزياره بتفيدك بضمير ..
وبعدين لزوم تعودين نفسك وتضغطين عليها مب كل عمرك بيكون معك احد لأي مكان تروحي له ..




:::


طيب بدأت الدرآسه الجديه اللي هو الاسبوع الثآني ..
وخلآص استقرينآ بشعبنا وبدينا نشوف اشكال والون من البنات ..


كيف اقدر اتعرف واكون لي شله ؟!



من تجربتي الشخصيه : كنت انسآنه مو مره آجتماعية.. وبنفس الوقت ودي اكون شله بس أنا
مو من نوع البنات اللي اخش بسرعه مع البنات الثانيات لا لآزم آعرف سيكولوجيه هآالانسانه
اللي امامي وآقلب في خآطري آتعرف ولآ لآ هههههههه ..

..

وعندي وحده من زميلاتي ملازمتني من ايام الدراسه من آحس آني ضايعه بالجامعه
ومافي احد معي ي اتصل عليها ولا تتصل علي
يمكن كانت عندي رده فعل اني خايفه اجلس لحالي وهذآ اللي افسره ألحين >> توها تكتشف نفسهآ ..
تقريبا بكل سمستر اتعرف على بنات شكل ، بحكم المواد واختلافها وآنآ جدآولنا
مو نفس بعض ..
ما استقريت الا هالسنه تصدقون خخخخ .. لأني بديت اعرف البنات آكثر وآكثر وآتعود على
الجو الجامعي ... :58545:
وفي بنات ما اعرفهم الا اذا جينا نسأل عن شي وهم كذلك وبنات أصبح عليهم اول ما اجي بنات بوقت ما تتأخر الدكتور نسولف ..
او نتنآقش عن جدول معين او بحث ..
خصوصا اذا حطتنا الدكتوره قروبات غصب عننا ..
اكتشفت انها مفيده عرفتني اكثر على بنات الشعبه ..
في بنات كنت افتكرهم حبوبات وطلعوا العكس نفسيه وكبر وغيره ..
وبنات لآ كنت اقول ي صبر الارض اللي متحملتهم وانصدمت كثيير طلعوا طيوبات بقوه ..
وفيه بنات قليييل كانو مثل نظرتي لهم .. وفيه بنات صارحوني بنهايه السنه ..
يقولون شكلك متكبره ومغروره بس من يوم جلسنا نسولف معك وهكآ طلعتي العكس اسمحي لنآ كنآ بس نذب فيك كل ما شفناك ..
فتوقعي أي نظره من الناس ..


ما يستفآد :

1- لا تتسرعين في ا ختيار الصديقآت .. تعرفي شوي شوي على الشعبه وبعدين اختاريهم .. خلك مبتسمه .. علشان مايكون لك كل شوي صديقه ..
2-لآ تكون لك صآحبه وحده وبس .. ترآ بعض البنآت نفسيه ..
3-طنشي .. طنشي .. وسلكي ومشي .. تعيشين بالكليه ..
لا تدقيين وآجد بكلآم البعض لأنه بعضهم طبيعتها دفشه بالكلآم ..
بس لا تسكتين رديهآ لهآ بأسلوب احسن ..
4-لو صار بينك وبين أي بنت سوء تفآهم ..
تكلمي معها بذوق وادب ..
5-لآ تهملين حقك خوذيه بأدب وبدون بلبله ..
6-مب أي صديقه تفضفضين لها .. وتكبين عفشك عندها .. تذكري لن يؤلم الجرحا الآ من به الألمآ استغني بالله عن الناس والشكوى لغير الله مذله ..


:::

ابتعدي عن الكبر .. ولا تغرك الصوره الخارجيه لأي بنت .. تواضعي .. لآ تستحقرين احد .. ابعدي عن التفكير السطحي ... خلي هدفك من الصداقه الاخلاق
انتي تدورين عن بنت تكون اخلآقها توب علشان ترتاحين نفسيآ معهآ علشان بكرآ لا طولت مده صداقتكم ما تتعبين معهآ..
لآ يكون هدفك من بعض الصداقات مصلحه صدقين كذا او كذآ راح تشتهرين بهالطبع وي كثرهم وخسروا كثير وتجنبهم ناس كثير ..
ابتعدي عن النميمه .. وحتى اذا وصلك كلام عن أي بنت ..
تغاضي عنها لوجه الله اذا شفتي ان الكلام وصلك من كثيير بنات ونفس الكلام اللي انقال في ظهرك روحي وخلك ريلآكس ..وتفهامي معها بهدوووء تام ..
تغاضي عن أي كلآم يوصلك .. مدامك ما سمعتيه بذنك ..
لآ تخلين أي احد يستغفلك .. او يستغلك ..


::::


لآ تشلين هم كيف ابتعرف عليهم .. لآ خليهآ تجي كذآ ..
يعني يمكن وحده تجلس كم مره تسألك عن جدول او أي شي احتمال تجيك وحده تقولك ابي اتعرف عليك ..
انتي اذا دخلتي الشعبه سلمي اسألي عن أي شي جدول دكتوره أي شي كبدآيه علشان تتعرفين ..



. التعليم ..

طبعآ هنآ في اختلآف كبير ونقله كبيره .. بعكس الثانوي كتاب فيه 200 صفحه او اكثر بشوي ما ياصل 300 ..
لا بتشوفين ملآزم .. ومرآجع .. وكتب وش كبرهآ ..
من غير اللي تكتبيه مع الدكاتره طبعا مو كلهم كذآ لآ كل دكتور وسياسته ...


الدكآتره في الجآمعه ..

ترآ كثير منهم الطيب .. يمكن قليل الشرير .. خلك مؤدبه ..
اتركي حركات الاستهبال وقت المحاضرة .. وخصوصا الضحك ..
ترآه أكثر شي ينرفزهم .. لآ تتكلمين كثير بوقت المحاضرة ..
لأن بعضهم يحطك براسه .. وانسي انك تنجحين ..
احترميهم حتى هم يحترمونك ويساعدونك ..
مهما كانت الدكتوره شريره او تهاوش على كل شي .. طنشي واهتمي بدراستك ..
حتى هي بتحترمك .. لآ تردين عليهم ..
التزمي الصمت معهم اذا بالمره اهانتك او شي امسكيها لحالها وكلميها بلباقه ..
لآ تصدقين أي كلام عنهم سبولي دكاتره كثير وطلعوا العكس ..
ما يستفآد : احترميهآ افرضي عليها احترامك غصب عليها تحترمك ..
اعتمدي على نفسك في المحاضرات والتصوير وكل شي ..
لآ تعتمدين على احد ما تدرين يمكن ينكبك ..
يعيي وهذآ حق من حقوقهآ لأنهآ تتعب وتكتب وتجين بكل برود تبين محاضراتها ..



..الوقت ..


اهتمي بوقتك .. وخلي معك ساعه علشان محاضراتك او حطي منبه في الجوال..
شي حلو تجين قبل المحاضرة ب 10 او 5 دقايق لأنه ما تدرين يمكن يكون فيه شي يأخرك غصب وما تدرين الدكتوره تدخلك او لآ ..
ترآ هنآ الغيآب كثرته يسبب لك حرمان في الماده فلآ تغيبي الآ عند الشي الضروري ..
وخزني غيآبك لآخر الترم .. >> علمي نفسك خخخخخ
بجد والله تجيني ضروف اكون لزوم اغيب فيها ظروف خاصه ..
وانا خلاص راح اكون حرمان واضطر اتبهذل واجي للجامعه .. وشوفي عاد كيف النفسيه ..




BRB



[/ALIGN][/CELL][/TABLE1][/ALIGN]

[J A M I L A H]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]




شوفي لآ تتكفلين وآجد وتكونين اوفر .. لأنك بتتعبين بالنهآيه ..
انا ما اقدر اقولك خليك سمبل او اي حآقه تنيه او نوعي لأنه هذآ رآجع لكل بنت وشخصيتهآ .. تجهزي لهآ من ألحين ..





أ‌-الملآبس ..

مثل ما قلت فوق .. هذآ شي يعتمد على شخصيتك ..
ولكن اسئلي عن اللالوان المسموحه والغير مسموحه هناا بنات الملتقى ما بيقصون ان شاء الله ..
التنوره اهم شي .. انصحكم بتنوره زارا السترش روعه ومريحه وبارده ..
انا ما طحت فيها الا اخر الترم كثير بنات يمدحونها وقلت خليني اجرب ..
ندمت اني ما شريتها من الاول ..
وخيطي لك او اشتري لك كم تنوره احتياط ..





ب‌-السآعه ..

بالنسبه لي اعتبرها شي ضروري وما استغني عنه .. ابدا في الجامعه ..
اشتري لك كم ساعه ماركه وتكون عمليه .. وشكلها حلو وناعم ..
بعدين تستفيدن منها بغير الجامعه ..





ج- الوآقي ..

شي ضروري جدآآ .. لأنك بدون واقي بتنحرقين ..
وافضل واقي استخدمته قيتشي .. رآآئع بمعنى الكلمه ..
للفيس واليدين ..






د- النظارات ..

منيب من ربعه عجزت اتقبل شكلي فيهآ .. بس اذا تحبين اشتريلك وحده تناسب فيسك ..
وان شاء الله البنات ما بقصرون معك ..
بس ابعدي عن راي بان لأنهآ منتشره بقوووووه ..
مدري ليش احب شكل نظارات شآنل و D&G احسهم يعطون اللوك فخآمه ..
بس لآ تشترين تقليد لأنه بتضرك عيونك .. والبنآت ألحين يميزون مومثل قبل ..





هـ - الشوز ..

افضل الفلات .. هو افضل شي للجآمعه مشآن ترتآحين في المشي ..

س: ايش الموديلات اللى ابتعد عنها ؟




مؤذيه للقدم ولآ تنآسب الدوآم




و- عطرك ..

خليه شي اساسي معك بالشنطه .. لأنه ما فيه بنت تستغني عنه ..
ولآ تعطينه احد يرش منه هذا شي يخصك يميزك ..
لو تعطينه كل اللي معك وش استفدتي فيه ؟!!
وخصوصآ بعض البنات ما ينعطون وجه .. تصيرون طقم بالريحه خييير







ع- الشنطه ..

عآد الشنطه أفضلهآ تكون كبيره .. خصوصآ رآعيه العفش ..
اما اذا انتي مب رآعيه عفش خوذيلك الوسط ..
الصغيره ابعدي عنهآ منظرهآ ابدآ ولآ رآح تفيدك بشي ..
ومن نآحيه الذوق والشكل واللون هذآ شي رآجعلك انتي ..
خوذيلك مآركه أصليه ولآ تتحسفين الشنط تلقينهم مهما دفعتي فيهآ ..
واكرفيهآ طول الترم ولآ بأس من انك تخلينهآ طول السنه >> اوفر بعد

واذا كانت الشنطه من هالانوع تنمسك كذآ :




وأهم من هذآ كله النظآفه ..




ن - نظآفه البدن ..

اهتمي بنظآفك جسمك .. خلك فواحه .. سواء بالجامعه او خارجهآ ..
ترآ النظآفه والريحه الحلوه لهآ وقع ايجآبي كبيير على أي شخص يجلس جنبك او يتكلم معك .. ..

الشعر شعر اليد والسآق والشنب كوني نظيفه .. لآ يطلع شي ..
لأنه بيخرب منظرك سوآء بالجامعه او خارجهآ ..
واذا كنتي تزيلينه بستمرار رآح يعطيك ثقه أكتر بحآلك ..


أ‌-الشعر ..

شعرك اذا دهني كل يوم اغسليه .. لآ تخلينه يدهن يعطيك منظر بشع ..
وفكره مو حلوه عنك .. مو لآزم كل يوم استشوار وفير وستريت .. ريحي شعرك ..
اذا كان خشن افرديه ..
لآ تسوين فيه تسريحآت اوفر وكنك بعرس .. حلوه النعومه والبساطه ..
فيه خمريآت بالمره حلوه للشعر ..
سواء عند بدي شوب او الماجد للعود وخصوصا العاذريه ..
وعلي اصغر مدري اصغر علي .. حلوه خمرياته ..
وهذي بعض التسريحآت البسيطه والحلوه ..











ب‌-اسنانك ..




اهتمي بنظآفتهم .. وخصوصآ اذاكنتي مركبه تقويم هنا كل شي يتضآعف في النظافه ..
فيه غسولات كثيره حلوه للفم مثل كرست ..
وفيه حلاو حلو يخلي ريحه افمك جونان شوفوه بالصيدليآت اسمه انه بولو
وفيه بخآخ للفم بروآئح مختلفه وحلوه ..


BRB



[/ALIGN][/CELL][/TABLE1][/ALIGN]

[J A M I L A H]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]



ز- الاكسسوارات :

السلاسل فضيه وذهببيه
والخواتم نقي اشياء حلوه او اللى تجيك باصبعين احبهااااا
الاساور بعدي عن حركات المبزره
الحلقات
هي اللى تقهرني .. حنآ قلنا فتحه فتحتين بالاذن مره تعطي شكل وتحلي
لآكن عشر طعش فتححه وين آصرفهآ وكيف بـ تلبسين الحلق
وحركات تشترين حلق اصفر اخضر بنفسجي واحمر وبلاستك وعلييه علامة لكزس مدري كاديلاك وموديلات التقليد بطليها






ح- المنااااااااكير :
اهااا جينا للوتر الحساس
الحين تجيك البيريود كل شهر وماتحطين ليه ؟؟
تدرين قد ايش يعطيك شكل ؟؟
فنصيحه الى كل بنت ارجو انك تحطين مناكير ياحبيبتي انتي .
ترى واللله يعطي شكل
ابتعدين عن الفسفوري.. استغفرالله ما احب ذا الالوان
حتى لو موضه ..
خلك انيقه اختاري عنابي او بيج ( لحمي ) مرره حلو ....
ممكن احمر على برتقالي يسمونه ناري .. اللى هو بس الا الفسفوري



ط - الميك اب :
1- ارواجك : اساسياتك 3 :
عنابي ( ارجح حق ماك )
لون وردي مدري شلون جاي بس اللى نفس درجة الروج السحري احبه واجسه مريح للنظر ويناسب جميع الالوان
والبيج او وردي على بيج ( يعني لون قريب من بشرتك )

اللى ابيك تشيلينه من راسك وتنسينه الاحمر الجميل هذا
X
على طاري هاللون .. تذكرت في فئه بالكليه معنا تجي اشكالهم كذا
شعر اسود ناعم مفتوح – كحله سودا من فوق وتحت – بيضا بياض الثلج ماشاءالله – وروج احمر زي هالدرجه ومناكير نفس الرده –
وكللل يووووووووووووووووووووووووووووووووووووووووم
ما احب هالستايل اصلا .. احسه اوفرررر OVER
يبيلها فستان اسود وتروح بارتي



بعد الروج البلاشر ..
على بيج وعلى بنك يكفي ..


2 - الكحل :

يا من فوق . يا من جوا يا تركواز جوا عينك ( احيانا ناس تضبطه ويطلع حلو )
او فضي فوق >> كان موضه اخرس مستر فما ادري بيستمرون عليه او لا
( للى تحب تحط التركواز جوا عينها انصحها تحط داخل العين كحل اسود وتحته شوي تحط التركواز,, يعني لاتحط التركواز بدون الاسود )
او بدون ,, حلو اللوك الطبيعي




ي - حواجبك :
هذي بلحالها يبيلها موضوع بكبره ..
اول شي لاااااااااااازم تعرفين ان راس مالك حواجبك
مهما لبستي وكشختي وما سويتيها ماراح يطلع شكلك حلو
لازم كل يوم تتاكدين انها مرتبه ( كل يوم مب كل شهر )
واسبوعيا تسوينها عالاقل.. لان في ناس شعرها يطلع بسرعه ..
طبعا أأيد التشقير ولا انصح لا بالقص ولا النمص استغفرالله مايجوز
ما اتخيل انى انا بنفسي اطردني من رحمة الله ..
وبعدين في وسيلة بدال النمص فليش الجأله اصلا .. عشان حواجبي شعرها كثيف وتطلع تفشل ؟؟؟
هذا الشيطان اللى يخليها شينه بنظرك .. بس لو انك ترتبينها وتعرفين تسوينها كل يوم وماتحفين لاجل ارضاء الله كان حلا بعينك التشقير
>>كني طلعت برا الموضوع


BRB



[/ALIGN][/CELL][/TABLE1][/ALIGN]

[J A M I L A H]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]


[/ALIGN][/CELL][/TABLE1][/ALIGN][ALIGN=CENTER][TABLE1="width:95%;background-color:silver;"][CELL="filter:;"][ALIGN=center]

وبالنهآيه :



آنصحكم بالإطلآع على هالموآضيع


http://www.ckfu.org/vb/t242481.html


http://www.ckfu.org/vb/t162614.html


لـ صديقتي : بشآير آلقحطآني



http://www.ckfu.org/vb/t204082.html

لـ الغآيبه : الدلوعه


http://www.ckfu.org/vb/t172742.html


لـ الأنيقه : M



للأمآنه الموضوع الأصلي :

http://www.ckfu.org/vb/t211880.html

وتم نسخه هنا





ملآحظه :


الموضوع مرتب وكشخه

يعني لآ حد يجي ويدينه فآضيه :58545:

اذا آعجبس آلمحتوى آضغطي [ لآيك + تقييم ]

أو

شآركينآ بـأي شي " تسريحه + ميك آب + شنط + جزم + لبس "

× لكن بدون صور فآضحه . واذا فيه عورآت آطمسيهآ ×

وأنا بحآول بين فتره وفتره أنزل لكم بحيث يتجدد الموضوع ..


آلمهم : أبتعدوا عن الردود السطحيه الـ يسلمو وشكرا



وتفضلوآ














[/ALIGN][/CELL][/TABLE1][/ALIGN]

[rosy+]

موضوع جميييل يشرفني اكون اول شخص يرد عليك

يعطيك الف الف عافيه استفدت كثير

[J A M I L A H]

بنآت التحضيري :

عندكم الثلآثآء 24\10
الأربعآء 25\10

من السآعه 9 إلى 12 ونص

في قآعة الأميره جوآهر , معروفه أسئلو عنهآ وتوصلون


يوم التهيئه , مهم جددآ هاللقآء

آنصحكم تحضرونه تتعرفون على طبيعة الأجوآء الجآمعيه

[rosy+]

المشاركة الأصلية كتبت بواسطة j a m i l a h

بنآت التحضيري :

عندكم الثلآثآء 24\10
الأربعآء 25\10

من السآعه 9 إلى 12 ونص

في قآعة الأميره جوآهر , معروفه أسئلو عنهآ وتوصلون


يوم التهيئه , مهم جددآ هاللقآء

آنصحكم تحضرونه تتعرفون على طبيعة الأجوآء الجآمعيه

أوكي بحضر الثلاثاء عشان هذا الموضوع ،، لكن ليش الاربعاء .؟؟

[J A M I L A H]

مثل ماهو وآضح بالجدول العلوم والآداآب خصصوا لهم يومين لأن بناتهم كثار ماشالله
بعكس التربيه يوم وآحد ..

آعتقد انه نفس الشي واذا حابه اسئليهم اذا رحتي . .

[nooni-s]

مدري وش اقوولك , الموضوع مررره يهبل ومتعوب عليه تسلمين عالنقل فديييتك >

ولي بآك بتسريحآت وشغلآت تنآسب الجآمعه

والله يعطييك العآفيه افدتي خوآتنا المستجدات بموضوعك الأكثر من رآقي

تحيآتي لكك