قصة الورقه المسكينه...

[دمعة مطر]

تحياتي للجميع والقائمين على هذا القسم الرائع واهديكم كره ارضيه مليئه بالورود


اليوم تم وبحمد لله تاجيل هذا الترم وحاولت بشتى الطرق تأجيل الاختبارات فقط ولكن ماتيسرت والحمد لله على كل حال




# قصة الورقه المسكينه #



طبعا اليوم كان اخر يوم لتأجيل هذا الترم او الاختبار وطريقة التأجيل لمن سأل في السابق واسف جدااااا على التاخير بس لظروف خاصه والحمد لله...الطريقه كالتالي:

عن طريق سجلات الطلب وفيه ايوقونه لطلب الاعتذار

او

الذهاب للجامعه "ويااااقلب لا تحزن على المرمطه والحوسه":

1-تروح مبنى 900 ادارة التعليم عن بعد وتطلع فوق عند "احمد الزهراني" انسان قمه بالاخلاق
يعطيك ورقه تعبيها وووو...
2- تطلع من المبنى وتروح لمبنى 100 الظاهر هو اول مبنى على يمينك اول ماتدخل وبعدين تروح تمشي في سيب مالا نهايه هههههههههه الين توصل مكتب بابه زجاج وتعطيه الورقه ويشخبط عليها ويختمها وووو...
3-وتطلع وتركب سيارتك وتطلع من الجامعه وتروح مبنى الجامعه الجديد اول مبنى على يمينك اول ماتدخل اكسر يمين في باب اخضر كأنه باب طوارئ "بس طلع باب مكاتب " تدخل وتمشي اخر شي يمين واول مكتب يسار بعدين اخر مكتب على اليمين تعطيه نفس الورقه المسكينه ويشخبط عليها ويختمها ووو...
4-وتركب سيارتك وترجع للجامعه مره ثانيه وتدور موقف وتروح لمبنى 900 مره ثانيه وتعطيهم الورقه وتنتظر يختمها الوكيل "زهراني ناسي اسمه بس محترم جدا جدا جدا ماتقول انه وكيل ما شاء الله ولو ان فيه شوي بس محترم ويحق له ماشاء الله"
بكذا انتهى مشوار الورقه المسكينه من مكتب في مكتب من شارع لشارع واخيرا راح تستريح في احد الادراج مطمئنه ومرتاحه

نقطه مهمه:
الا مادفع الترم هذا لا يظن انهم نسوو هه هه هه لا ياعزيزي محسوب عليك اذا سجلت للترم الثاني يعني تجمع لك وتدفعها مره وحده تطلع حدود 5000 للترمين انتبه وزهب دراهمك لا تتوهق... وش قال قال ينسون الدراهم هه هه هه انت نسيت تفطر اليوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

الامر الاخر راح ادخل المستشفى يوم الاحد او الاثنين بإذن الله تعالى
اتمنى من الجميع يسامحني ولا تنسوني من الدعاء....والبرادات والشيسمونه تكفل فيها ابو نايف
تحياتي للجميع ماودي اكتب اسم وانسى اسم لذلك اهديكم كلكم وادارة القسم احلى باقة ورد معطره بالفلفل "نحيس " لا لا امزح احلى باقة ورد معطره بالفل والياسمين ورشة مسك وعنبر مع شويت كادي على خزامى

واسف على الاطاله واتمنى اني وضعت بصمه طيبه وذكرى حسنه عند الجميع

والف الف مبارك مقدما لكل الناجحين والي مانجح نقوله برضو الف مبارك ولا تيأس كمل لا اعض خشمك
تقبلو تحياتي واشواكي
استودعكم الله الذي لا تضيع ودائعه
والسلام عليكم ورحمة الله وبركاته


اخوكم
دمعة متر"مطر"

[M.k♔]

الله يشفيك ويوفقك ان شاءالله

[روعة 999]

سلامتك وماتشوف شر

والترم الجاي تعوضها

[ابو نآآآآيف]

هلا والله بخونا دمعة متر اقصد مطر
البردات ابشرك شاريها من ذاك اليوم ولكن انتظر عشان اركبها عند المساجد
وسويت لك ابراء ذمه بعد
لكن ياخوي طلع عليك ديون لليل وش سالفتك كل العالم تطالبك حتى الجامعة
عموم قدامك العافيه والله يشفيك يارب
ونشوفك معنا بالمنتدى في القريب العاجل انشاء الله

[هووى رووحي]

تقوووم بسلااامه يااارب ماتشوووف شررر .....
والله يشاافيك ويعاافيك تستتاهل كل خيررر والله

وماشااءالله اعجببني اسلووبك في روآآايه القصه

[nour.s]

مآتششوف شرر

[∂ώαя]

قصصصتكك حلووووهـ ... اسلوب مبدع الله يوفقكك

و ماتشوف شر تقوووم بالسلآإمة أخونآإ الغالي

و الله يعوضكك بالخير الترم القـــآإدم موفق بأذن الله

[High ambition]

تروح وترجع بالسلامه
وماتشوف شر

[باسكن]

الله يشافيك يارب وترجع احسن من اول

[دمعة مطر]

المشاركة الأصلية كتبت بواسطة ابو نآآآآيف

هلا والله بخونا دمعة متر اقصد مطر

البردات ابشرك شاريها من ذاك اليوم ولكن انتظر عشان اركبها عند المساجد
وسويت لك ابراء ذمه بعد
لكن ياخوي طلع عليك ديون لليل وش سالفتك كل العالم تطالبك حتى الجامعة
عموم قدامك العافيه والله يشفيك يارب

ونشوفك معنا بالمنتدى في القريب العاجل انشاء الله

كفوووو والله انا اقول مالها الا ابو نايف تسلم ماتقصر...بس ركبها من الان لا تنتظر بعد يمكن شيسمونه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

واشكركم جميعا الله يوفقكم وينجحكم...ب ماحد قال اني وضعت بصمه طيبه الظاهر اني مابصمت كويس !!!