[ جميع التخصصات ] : هاهو الشهر قد انتصف ، فمن أساء الإستقبال فليحسن الوادع ..

[ṣάяσọήα ✿]

بسم الله الرحمن الرحيم ..
السلآم عليكم ورحمة الله وبركآته ..
اسعد الله صبآحكم / مساءكم بالخير والرضا والبركات .
الموضوع منقول بس حبيت تستفيدون
بجد اثر فيني كثير يَ الله يَ الله كم خجلت من نفسي من شدة تقصيري
خواتي استغلو العشر من رمضان حاولو ا تجاهدون انفسكم من يضمن انه رح يعيش رمضان السنة الجاية المهم ليس بالصوم الأمتناع عن الشرب والأكل فقط ، بل عن السب والشتم والنميمة وسمآع الأغاني وكل هالأشياء إحنا نفعلها للأسف ومتجاهلين عواقبها ، و نقول يكفي إننا صايمين إستغفر الله يارب وكأننا نمن على الله بصومنا هذآ !
غيرٍ القرأن البعض يقراه فقط مجرد المهم أنه يقرأه وقرآءة القرآن عند البعض مثل قراءة الجريدة وهذا للأسف الخطا
يعني تجي تسأله هااه كم قريت اليوم يقول لك وهو مشخص قريت 5 اجزاء ورا بعض .. لا شاطر ولله طيب كنت مدرك وش كانت تتكلم عنه الايات لا طبعا .. !!!
لآزم يكون فيه خشوٍع وإستشعار عظمة كلام الله بين عيونه ومعرٍفة معاني ايـآته
ولا اوصيكم انتبهوا للصلاة لا تضعيونها وتنامون عنها
تكفون لا تسكرون الموضوع والا وانتم قارينة كلة

الى كل من ينظر لهذه الأحرف ..
اليكم انتم يا احباء الله ..

كيف احباء الله ؟! ..

أي نعم احباء الله ..

ربي سبحانه وتعالى يحبك انت يهالعبد الفقير الذليل اللي ما تساوي ذره من ملكوت الله جلً وعلا ..

تصور ان اله هالكون وخالقه جلَ جلاله يحبك ..

يحبك انت ..

يكفي انه اتخصك انت وانتي انكم تشهدون شهر رمضان وانتم أصحاء معافين قادرين ..

تقدر تقول كم من شخص كان معنا رمضان اللي فات والحين مدفون ..

كم من حبيب ..

وصديق ..

وجار ..

و و و كانوا معنا في الرمضانات السابقة والآن هم في ذمة الله عز وجل ..

يتمنون لو عادوا للدنيا فقط للحظة ليركعوا لله ركعة واحدة ! ..

وانت ! ..

ممكن تكون ميت بدال احدهم ..

اذا يكفي من من محبة الله عز وجل انه خلاًك تشهد شهر رمضان دون غيرك من الآف ممن توُفوا ..

بمجرد انَه خلاَك تشهد الشهر فهو يحبك ! ..

يحبك بأنه خلاًك قادر على صيام رمضان ..

هذه العبادة العظيمة عظمة ما يتصورها العقل البشري .. كيف لا ؟! ..

ويكفي بأنه سبحانه وتعالى قال / ..

" كل عمل ابن آدم له إلا الصوم فإنه لي وأنا أجزي به " ..

كلنا نعرف ان الله سبحانه وتعالى رتب على الأعمال اجر يتجلى فيه كرمه ..
فالحسنة بعشر امثالها ..
والصدقة تضاعف الى سبع مائه ضعف والله يضاعف لمن يشاء ..
وكل حرف بالقرآنه مضاعف ..

الا الصوم ..

فإنه لا يدخل في هذا التضعيف، جاء عن النبي-صلى الله عليه وسلم-أنه قال:
( كل عمل ابن آدم له يضاعف، الحسنة بعشر أمثالها إلى سبعمائة ضعف، قال الله –تعالى- إلا الصوم فإنه لي وأنا أجزي به، يدع شهوته وطعامه من أجلي )

فهذه فضيلة للصيام أن الله –تعالى- قد تكفّل بالجزاء على الصيام بدون عددٍ معيَّن.

تخيل لما يقول لك ملك او وزير او ثري يا فلان انت او انتي لك عندي مكآفأة ..
هل تتخيل انه راح تكون مكافأة بسيطة ؟! ..
طبعاً لا لأن العطية على قدر معطيها فالغني لا يعطي الا الشيء النفيس ..

فما بالك اذا كان القائل هو ملك الملوك الذي له مقاليد السموات الأرض ..

انت متخيل معي عظمة الأمر ؟! ..

ان اللله أضاف الجزاء إلى نفسه الكريمة والعطية زي ما قلنا على قدر معطيها ..
والله سبحانه وتعالى غني كريم جواد بيده مقاليد السماوات والأرض ..
ما أنفق منذ خلق السماوات والأرض لم يَغِض ما في يمينه سبحانه وتعالى ..

يكفي انه وضع للصائمين باب يدخلون منه الجنة !! ..
تصور معي يوم الحشر بعد الحساب ومرور الصراط وميزان الأعمال ..
لما تكون واقف امام الجنة حولك خلق كثير الكل مبسوط وفرحآن ..
وفجأة تناديك الملائكة عشان تدخل من باب مخصص لك ومن هم مثلك ..

باب الريان ..

وهو الباب المخصوص للصائمين ..

أي شرف هذا ؟! ..

أي عظمه هذي ؟! ..

يعني زيادة على دخولك الجنة .. يخصص لك باب خاص لتدخل ! ..

سبحآنك ربي ما اكرمك ..

عشان كذا وانتم صايمين كونوا فرحين ..

كونوا مبسوطين ..

استشعر انت وش تسوي الحين ..

انت تركت الأكل والشرب وهو قدامك الحين ..

تدخل المطبخ وتجد مالذَ وطآب من الأكل وتمر من برَادة الماء البارد الزلال وانت في اشد عطشك ..

الأمر بسيط ..

تقدر تاخذ كوب وتروي عطشك ..

لكنك تمتثل لأمر خالقك وتصوم ..

وخلك فرحان وانت تنتصر على نفسك وتكمل صيامك ..

أي نعم افرح وانبسط وانت جائع عطشان تعبان ..

لأنك تصوم لله عز وجل ..

تصوم عشان تدخل من باب الرَيان ..

لا توري الله عز وجل ان متضايق من تنفيذ امره ..

كأنك ــ ولله المثل الأعلى ــ تمن على الله سبحانه وتعالى !! ..

تخيل الأمر معي ..

انت يالعبد الذليل الحقير اللي لا تساوي عند الله شيء تمن على هالأله العظيم انك تنفذ امره ..

ليش تكشر ؟! ..

ليش معصب ؟! ..

كل هذا ان ربك امد بعمرك وخلاًك تصوم عشان تدخل الجنة ..

فالعبرة ليست بصورة العبادة انما بجوهرها !! ..

تعال نوَضح الأمر ..

لنفرض انه أذن الظهر واقيمت الصلآة ..
فيه رجل من قبل لا يأذن وهو فالمسجد يتسنن ويقرأ وقرآن والثاني جاء على الركعة الأولى ..
والثالث تعيجز يروح للمسجد وبيصلي فيبته والرابع للحين نايم تحت المكيف بيصليها متى ما قام العصر ..
اقيمت الصلآة ..
الأول يستشعر انه واقف امام ملك الملوك جل جلاله وانه على الصراط والجنة عن يمينه والنار عن شماله ..
وقرأ الفاتحة على الله !! ..
يقرأ الأيآت على قائلها !! ..
والثاني واقف فالصف لكن سرح فالحادثه اللي صارت بينه وبين زميله اليوم الصيح ويستذكرها ..
والثالث اللي فبيته يصلي بجنب المطبخ ويفكر بالغدء بإيش يبدأ وبإيش يحلي ؟ ..

هل يستوون عند الله مثلاً ؟ ..

هل يتساوى اجد الأول مع الثاني مع الثالث ؟ ..

هل كلهم بيآخذون نفس الأجر ؟ ..

نفس الشيء ينطبق فالصوم ..

فلآن يركب المنبه على صلآة الظهر ويقوم من عز نومته يتوضأ ويصلي الظهر ..
وبعدها يرجع ينام له ساعتين ويحط المنبه على صلاة العصر ويقوم مره ثانية من نومه ..
رغم انه يالله نام بعد الظهر ..
بعدها جلس يقرا فالقرآن ومابين دعاء واستغفار وذكر وتهليل حتى أذن المغرب ..

بينما الآخر نام على الساعة ثمانية او تسع الصبح ..
وصحى على خناق امه له قبل المغرب بربع ساعة ..
قام بسرعة وتوضا وصلى الظهر والمغرب جمع بس عشان يلحق عالفطور ..
هه سلَم من صلاة العصر ونزل يفطر مع اهله ..

وش الفرق بين الأول والثاني ..

ما كلَهم صيَام في نهاية الأمر هذا ما اكل وهذاك ما اكل !! ..

لا اقول وقف عندك يا شاطر ..

فيه حديث مهم جداً نسيناه ..

(رُبّ صائمٍ ليس من صيامه إلا الجوع والعطش، ورُبّ قائم ليس له من قيامه إلا السهر )

الثاني خاف لما يركب المنبه ويصحى يصلي بعدين يرجع ينام خاف انه يطير النوم ..
وبرضو حتى الأول خاف ..
بس مو نفس الخوف ..

الأول خاف انه تطير روحه وهو ما صلَى ..

ليش هل هو ظامن انه بيعيش لين ما يصحى من النوم بكرى المغرب ؟! ..

يطير عنه النوم ولا تطير عنه روحه وهو تارك الصلاة ..

( العهد الذي بيننا وبينهم الصلاة فمن تركها فقد كفر ) ..

خاف ان ربه يحاسبه ليش ما صحى يصلي وهو قادر يضع منبه عشان يقوم ..

هنا يتفاوت الصيام من شخص لآخر ..

وكذلك الأعمال الصالحة ..

فيه شخص يختم القرآن مره وثنين وثلاث وآخر ينتهي شهر رمضان وهو لسَه ..
ما قرا غير جزئين ونص !! ..
وفيه واحد يصلي كل ليلة تراويح والثاني يشوف التيلفزيون ..
وواحد يصلي كل ليلة ما تيسَر له من ركعات يقوم بها الليل والآخر مايبي يفوت البرنامج لأنه مباشر ..
وغيرها وغيرها وغيرها من الفرص الذهبية اللي نفوَتها بجهالتنا وخف عقلنا !! ..

طيب ممكن يجي واحد يقول خلاص رمضان قرب ينتهي ..

مافيه فرصة خلاص راحت علي ..

لا لسَه الفرصة موجودة .. والكره فملعبك ..

انا اقول لك كيف ..

بس قبل تأمل معي وتخيل نفسك فهالموقف اللي يتكرر علينا كل عام !! ..

" دائماَ فس صباح يوم العيد والإمام يخطب .. نندم كثيراً على كل ثانية اضعناها في رمضان ..
فيا نفس هيَا أنتِ في الميدان اليوم !! ..

قراءة القرآن الكريم ..

تقدر تختم القرآن الكريم قبل لا يخلص رمضان ان شاء الله ..
بما ان التاريخ اليوم 16 يعني لو بديت بكرى ان شاء الله بتخلص في يوم 26 ..
اللي هي ليلة 27 واللي نحتسبها تكون ليلة القدر ان شاء الله ..
ولو بديت يوم الأحد بتخلص يوم 27 ..
ولو الإثنين بتخلص يوم 28 ..
هذا لو قريت كل يوم ثلاث اجزاء ..
ممكن البعض يستثقل الأمر .. كيف ثلاث اجزاء في اليوم !!! ..
صدقني الأمر جداً تافه وبسيط ..
الجزء عشرين صفحة يآخذ منك قرائته كمتوسط وقتي مدة ساعة الا ربع ..
لو قريت جزء قبل صلى الفجر بساعة او فالثلث الأخير عموماً ..
وهو من بعد الساعة 12 تقريباً ..
وتذكر / ..
( ان قرآن الفجر كان مشهوداً ) ..
والجزء الثاني بعد صلاة الفجر تجلس على سجَادتك وتقرأ ..
وتذكر / ..
(من صلى الفجر في جماعة، ثم قعد يذكر الله تعالى حتى تطلع الشمس، ثم صلى ركعتين، كانت له
كأجر حجة وعمرة تامة تامة تامة)
والجزء الثالث قبل صلاة المغرب بساعة ..
كذا تكون قريت ثلاث اجزاء فاليوم ..

وبرضو باقي عندك للحين ان شاء الله جمعتين في رمضان ..
واي فضل ذلك الذي اجتمع فيه صيام مع صلوات على نبي الرحمة ..
صلى الله عليه وعلى آله وصحبه وسلم ..
فقبيل غروب هذا اليوم ستشرَع أبواب السماء ..
لاستقبال الدعوات بإذن المولى عزَ وجل ..
ولا تنسى ان تدعوا الله عزَ وجل ..

فكيفيك انه حين تتحدث مع الله / ..

لن تخجل ان تحكي له أي شيء ..

والجميل انه أصلاً يعلم بهذه الحكاية ..

فلا تحتاج ان تشرح لتوَضح له ما في نفسك ..

فهو اعلم بنفسك منك ..

ومع ذلك يسمعك ..
http://www.youtube.com/watch?v=zCRir...eature=related
نسأله سبحانه ان يتقبل منا صيامنا ويغفر لنا تقصيرنا وزلاَتنا ..
والسلآم عليكم ورحمة الله وبركآته ..

[امل غدير]

الله يجزاك الخير يا اختي ويجعله في ميزان حسناتك
<"اللهم اغفر للمؤمنين والمؤمنات الأحياء منهم والأموات >

[~ لكآإعهه ツ]

[دقة خفوق]

جزاك الله خير
فلنحرص جميعا أخواتي على استغلال هذا الشهر لأنه أيام وسينقضي .
ولانضيع أوقاتنا بيت شاشات التلفاز والأسواق فالسنة أحدى عشر شهرا ورمضان شهر واحد ..

[معاني ورد]

جزاك الله خير

[روح قلبـي]

تسلمي على الموضوع بجد يأثر موضوع راقي

[nooni-s]

جزآك الله خير والله يجعله في ميزآن حسنآتك

اللهم آمين

[معاني ورد]

up

[بنت السحاري]

الله يكتبنا من العتقاء من النار جميعا

[أحساس مشاعر]

الله يجزاك خْ`ـيِرْ