الى ادارة الجامعه- مسؤولين التوظيف - الى ديوان الخدمه

[معاناة2]

اعلم بان القسم غير مناسب للموضوع ولكن لم اجد قسم مناسب له وكتبته هنا بهذا القسم واتمنى ان يصل قلمي لادارة الجامعه ومسؤولين التوظيف وديوان الخدمه

يا اخوان وربي ملينا من قضية الواسطه بجامعة الملك فيصل ولوظائف المطروحه محجوزه مسبقاً
ملينا من قضية مطابقة الاوراق الاصليه في كل مره نسجل نروح نطابق لمتى يعني حنا طابقنا من قبل مفروض يكون عندهم نظام متطور بحيث اللي سجل وطابق يكتشفه النظام ويعفيه من المطابقه الا في حالة وجود مستندات جديده توه رافعها يجي يطابق وبينا وبينهم اذا توظفنا لهم الحق اذا ما جبنا مستندات اصليه يحطو البديل او الاحتياطي وربي صعب نجي نطابق زحمه وبعدها نجي نختبر تضيع وقت الواحد يضطر يستأذن من عمله في القطاع الخاص مرتين عشان يروح يطابق ومره عشان يختبر وانتو خابرين الشركات خصم الاستئدان وما تقدر تقول لهم والله عندي مطابقه بالجماعه وبعدها والله عندي اختبار بتقدي تشوف لك صاروخ ارض جو عشان تقدر تطلع وخاصه بعض الشركات اللي صعب جدا الاستئدان فيها الى متى هالحاله وهالتخلف متى بنطور ونصير زي بقية الدول الثانيه لا وجامعة الدمام مسخوها بقوه التسجيل في المقر تجيب ملف اخضر هههههه ومن الصبح ولا تخلص عليك الارقام شالجهل والتخلف ذا جامعه محترمه على مستوى التسجيل فيها الحضور بقاعة الفهد اوم التخلف والمسخره وربي عبط وجهل وعدم فهم الله يصبرنا بس هذا اللي اقدر اقوله وحسبنى الله ونعم الوكيل

[nafee]

فعلا صادق انا رفضوا معاملتي بحجة ان بطاقة الاحوال غير مرقوعه في الموقع الالكتروني
سلمتهم بطاقتي الاصليه وقالولي احتمال تجيزك اللجنه واحتمال ترفض طلبك

((( بالله عليكم كيف ترفض طلبي وانا وقت المطابقه كل اثباتاتي الاصليه موجوده وبطاقتي الاحوال كانت معي الاصل
لاكن ما اقول غير حسبي الله ونعم الوكيل

[القلب النابض]

اخووي الكريم اقدر لك معاناتك

لكن ي طيب

حنا هنا مجموعه طلاب وطالبات لا نمثل جهة رسميه

حاول الاتصال بقنوات المسوولين

فهم يملكون خيار الرد عليك بما يفيدك

اعانك الله