مصيبه :""(

[am2l]

السلام عليكم

السبت كان عندي اختبارين ، رجعت البيت منهكه ماعاد اشوف شي
قلت بشوف جدولي قبل انام ، مادري وشلون شفت الجدول مادري شلون إنعميت
وقرأت الأثنين والثلاثاء بس ، على بالي الأحد ماعندي شي وارتحت اني بنام كثير وبرتاح
قفلت جوالي قلت عشان ما احد يزعجني ونمت وماصحيت إلا متأخر وما فتحت جوالي إلا بعد ماخلصت مذاكرة مدخل الموهوبين ، لما فتحته قبل شوي انصدمت البنات راسلين لي مسجات يقولون امل وينك عسى ماشر وليش ماجيتي الأختبار طمنينا ، حسيت الدنيا ظلمت وقلبي شوي ويوقف مو مصدقه ،
رحت اتأكد من جدولي يا الله انفجعت مادري وشلون صار كذا مادري وشلون انعميت ماشفت الأحد يا الله
ساعدوني وش الحل ، وش بيصير فيني الحين ، مابي احملها مابي معدلي ينزل
تكفون عطوني رقم ادق او ساعدوني بأي حل تكفون

[jooza]

الله يعيينك مالك الا تكلمين الدكتور ويااويلك ان قلتي راحت علي نومه
الافضل تقولين جاي ظرف طارئ ولا دببري اي عذر الا النووم يووييلك صدقيني بتنحرمين من الماده وخصوصا لو كان ادكتور مصصري يااسلااااام


الله يوفقك ويوفقك الجمييع وثاني مره انتبهي واقري جدولك بتركيييز

[ندىآ ..~]

لاا لا تكذبين .. وتخلقين أعذآر

الصدق منجآه يَ وخيتي


صح أنو معدلك بِ ينزل , ورآح تحملين المآدة .. بس فِ المقآبل أنتي نمتي نومه جمممميلة وأرتحتي

لاتضيقين ع عممرك يَ روحي أنتي وفكري بِ الجآي

صآر اللي صآر مآتقدرين تغيرين فيه .. توكلي على الله .. مآتستآهل يَ بنت كله أختبآر وفآتكك

هونيهآ , وفليهآ

[اكاديمي منتسب]

مالك الا اجازة مرضية

[am2l]

المشاركة الأصلية كتبت بواسطة اكاديمي منتسب

مالك الا اجازة مرضية

واذا اخذت العذر ، وش اسوي ؟؟ ارسله للدكتور؟

[اكاديمي منتسب]

المشاركة الأصلية كتبت بواسطة am2l

واذا اخذت العذر ، وش اسوي ؟؟ ارسله للدكتور؟

اتوقع الاعذار والامور الادارية ماله دخل الدكتور

ارسلي لعمادة التعلم عن بعد او كلية التربية .. أوشيكي الخدمات الطلابية يمكن فيه ايقونة للغياب بعذر عن الاختبار

[فرراوله]

المشاركة الأصلية كتبت بواسطة Abu Faisal

هلابك اخوي سعد وماتشوف باس

في الايام القادم سوف يتم تفعيل ايقونة تقديم الاعتذارات في الخدمات الطلابيه
ومن شرط الاعتذار مايلي :
يجب أن يكون لديك إجازة رسمية من مستشفى حكومي يفسّر هذا العارض الصحي.

1- ترفع العذر الطبي الرسمي بالاسكانر على الخدمات الطلابية أيقونة (تقديم الأعذار للمتغيبين عن الإختبار بعذر) :
لايتوجب عليك الذهاب في يوم الإختبار وتسليم العذر للمركز الذي تختبر فيه ، بعد إنتهاء الإختبارات يتم تفعيل هذه الأيقونة إن شاء الله تعالى ، تضعها في السكانر وترفعها على ايقونة استقبال أعذار الغياب .
2 - خلال فترة تسجيل المواد للفصل الدراسي القادم بإذن الله تعالى ؛ تدخل على أيقونة (الإستعلام عن أعذار المتغيبين عن الإختبار النهائي بعذر) وهي موجودة على الخدمات الطلابية :
سترى في هذه الأيقونة قرار الجامعة بشأن قبول عذرك أو عدم قبوله (يتم قبول الأعذار الطبية من المستشفيات الحكومية فقط)
3- إذا قبلت الجامعة عذر غيابك في المادة فستنزل لك المادة في سجلك الأكاديمي على البانر بشكل تلقائي دون أن تقوم بتسجيلها :
وجود المادة لك في نظام البانر ونزولها من الجامعة يعني أنك لاتقوم بتسجيلها بنفسك ولاتدفع رسومها ، وإذا أخطأت وقمت بتسجيلها فإنها تُحسب عليك برسوم فآمل الأنتباه لهذا الأمر جيداً .
4- عند قبول عذرك في المادة تقوم بتجميع درجات الأعمال الفصلية لها من جديد ، وتختبرها في موعدها الجديد المكتوب في جدول إختبارات الفصل الدراسي القادم بإذن الله تعالى.
5- إذا غبت عن المادة ذاتها بعد قبول عذرك فيها لايتم قبول أي عذر تأتي به وتعتبر راسب في المادة .
6- تقديرك في المادة التي غبت عنها يظل f أي راسب وتؤثر سلباً في معدلك ، إلا أن هذا التقدير وهذا التأثير السلبي في المعدل يكون مؤقتاً ويتغير حسب درجتك الجديدة التي ستحققها في الإختبار بإذن الله تعالى ، أي أن هذا التقدير ( f ) يتغير ويصبح تقديراً جديداً حسب التقدير الذي ستحرزه في إختبار المادة التي تم قبول عذر غيابك فيها .

تمنياتي لك وللجميع بالتوفيق

..
.

[نصف القمر]

الله يعينك يا قلبي وانا مع اختي ندى تراها ماده لا راحت ولا جت ولا تضغطين ع نفسك تمتحنينها الترم الجاي

[سند الحربي]

اقرب سكليف من مستشفى حكومي بس اهم شي يكون في تاريخ الاختبار

[N O O R A]

خليك صادقه عشان ربي يوفقك ..