 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2010- 10- 14
|
|||
|
|||
|
مححححد بهآلدنيآ يسسسستآهل وربي ..
جاني إيميل والكلام اللي فيه عاجبني مره قلت انقله لكم وإن شاء الله يعجبكم .gif "(164)") ... =)السلام عليكم ورحمة الله وبركاته إلى كل من عندها هم يثقلها .gif "(108)") معطل حياتها كارهه لأجله دنياها أقولها وأقول لنفســـي قبلها محد بالدنيا يستاهل !! .gif "(154)") ولا شي بالدنيا يستاهل الدنيا ماتساوي جناح بعوضه انتي ومشاكلك واحزانك وافراحك وبلاويييييك كله ما يساوي جناح بعوضه محد يستاهل اصيح عشانه ولحد يستاهل احزن عشانه واوقف حياتي لعيونه الدنيا ياجماعه فاانيه يعني بيوم من الأيام بموت وبيحطوني بالقبر وبنسأل وش بقول وش بقول ؟؟ انت يارب بليتني وانا كانت عندي بلاوي عشان كذا ماطعتك يارب كانت عندي مشاكل وتعطلت حياتي وقعدت مثل الغبية اصيح عليها  ياجماعه الدنيا تمشي وإذافي توقف فهو احنا اللي واقفين القي كل همومك ورا ظهرك وخلي شعارك محد بالدنيا يستاهل .gif "(204)") لا زوج بهذلك ولا صديقه جفت فيك ولا حقير حرق قلبك الدنيا عندالله جناح بعوضه بس يعني حتى مو البعوضه حقيييره ياجماعه احتسبي كل بلاء عند رب العالمين واحمدي ربك على كل نعمه انتي عايشتها حنا في نعمه والله مو حاسين  الناس ..!! الناس عامليهم بذوق وأسلوب .. وزي ما علمتك امك من يومك صغيرهسوي خير .. سوي خيييير ولا تنتظرين رد من احد او اعتبار من احد .. اذا بتسوينه سويه لنفسك .. لك إنتي عشان تعيشين مرتاحه ما تنامين وتقولين زعلت فلانه وضايقت فلانه وترا الدنيا دواره كما تدين تدان .. ربي ما ينسى ظلم !! طنشي طنشي طنشي ..!! .gif "(175)") فلانه تحش فيك فلانه تتكلم فلانه ما تحبك ..!! خليها حلالها .. هو احسن بعد خففت علي ذنوبي .. وعطتني من حسناتها تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى كل ما صارت تجاربك وخبرتك الاجتماعيه أحسن وأحسن . رمت عليك كلمه .. عادي ولا كأني سمعت  .. ان دل يدل على قلة ذوقها وتهذيبها ..كشرت بوجهك .. ابتسمي !!واذا رفعت صوتها .. وطي صوتك  .. !واذا اتجنبتك .. تجاهلي وجودها ... "وترا ما طاح من النجوم اخف للسمـا " دموعك !! :d1: دموعك ومشاعرك تراها اهم واغلى شي عندنا احنا البنات وهي الي تتحكم بنفسيتنا وأفعالنا.. حبي نفسك حبي نفسك حبي نفسك ودلعيها  ..!! عشان تعيشين مرتاحه... .gif "(156)") حبي الناس بعقلك مو بقلبك عشان ترتاحين بحياتك .. العافيــه !! كافي انك تمشين وتحركين يدينك ورجولك مافكرتي يوم تقولين الحمدلله !!:praying: يارب اني أمشي مو أتسحب من كرسي لسرير وأشوف نظرات الشفقه تحرقني احمدي ربك على كل نعمه انتي فيها .. الحمدلله !! المال ..! تاكلين تشربين تشترين تتسوقين تلعبين بالفلوس بيدينك ورجولك عايشه بأمن وأمان :) وتقولين يارب وش هالدنيا الغثا .gif "(177)") فلانه ضيقت صدري وعلانه سوت وواختي سببت لي مشكله ولا أمي ولا أبوي أنا ما أبي الدنيا كرهت العالم ابي اموت !  مره وانا في السوق واحد وأمه اشكالهم جدن مبهذله .gif "(176)") و واقفين عند محل سينبونويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها كله على بعضه ما جا 4 ريال !!! تخيلوا سأل الولد الي يبيع اذا فيه شي من السينبون الي عارضينه بأربع ريال قاله لا يا دوب تشتري فيهم مويه شفت في عينه نظرة انكسار وبوؤس مو طبيعيه لا هو ولا امه شي يبكي ويعور القلب!! .gif "(15)") احمدي ربك عشان ما يسلب نعمته عنك .gif "(16)") وصلي لك ركعتين عشان ربي يرحمك ويرفع عنك ضره احمدي ربك على العافيه والله يابنات اني كنت يوم من الأيام ضااايق صدري من موقف صار لي مع استاذة في الجامعه وأنا أمشي كارهه الدنيا .gif "(36)") وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !! يوم قربت اكتشفت إنهم ثنتينهم صم وبكم !! .gif "(91)") ما يتكلمون بنات صغار عمرهم اقل من عشرين والدنيا قدامهم مايتكلمون محد يفهملهم والله اني استحقرت همي ونفسي قلت يارب انت انعمت علي انا كل يوم اتكلم مع أهلي هُم مـآيقدرون أنا إذا بغيت أصرخ صرخت هُم مـآيقدرون أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي هُم مـآيقدرون كل يوم لساني أحركه مليون مره وما عمري قلت الحمدلله ياربي إني أتكلم إيش كنت أقول أنا ضايقه ولحد يكلمني مالي خلقكم ولحد حاس فيني والله ولا شي ولا احد بالدنيا يستـــاهل همي !! إذا عندك هم صلي ركعتين واطلبي ربك يفرجها .gif "(125)") لاتذلين نفسك لخلقه ترى كلهم ضعاف ما راح يسوون لك شي واحتسبي الأجر احمدي ربك حتى على البلاء ان ربي بيكفر لك به ذنوبك اللي يشوف أهل البلاء يوم القيامه يتمنى ان جسده قرض بالمقاريظ حنا المرض الخفيف ما نتحمله احمدي ربك على كل بلاء لأنه خير والله لك وانتي اللي في النهايه بتلاقينه حسنات ولأن الدنيا ماااشيه وبتنتهي بيوم من الأيام ومرح تبقى كل النعم اللي اليوم انتي تطولينها مرح يبقى إلا عملك حنا ياجماعه همومنا موقفتنا عن كل شي ماعندنا غير نندب حظنا وعملنا ودينا ماسوينا شي ياجماعه أنصح نفســـي قبلكم لأني الله يعلم بتقصيري ! وقلة صبري ..!! وضعفي ..!!! نبي كل شي لنا وإذا نقصنا شي تركنا كل اللي عندنا وقعدنا ننوح طول حياتنا على الناقص إذا ارتفعت حرارتي ماتحملت وقعدت أصيح طول الليل و بلال كان يضرب بالصخرة العظيمه الحاره بصحراء مكه وهو يقول أحــــــــــــدٌ أحــــــــــــــــد .gif "(117)") وش له من الأجر عندالله ياجماعه فكروا بس وش سويتوا ؟ وشو البلاء العظيم اللي مريتي فيه واللي بيكفر لك ذنوبك ؟ هذا طبعاً إذا احتسبتي الأجر وماكسبتي زيادة سيئات بالقنوط وسوء معاملتك لاهلك والناس ! إنتي عندك مشكله مع زوجك؟ بلاء في واحد من عيالك؟ مشكله مع صديقه؟ جفاء شخص تحبينه؟ ابتلاء في أمك وخواتك؟ عندك أب أو زوج أو أخ ظالم؟ عندك ابن أو أخ هايت ضايع حارق لك قلبك ؟ مشكله مع زميلة دراسه-عمل؟ حالتك المادية سيئه؟ فيك مرض مزمن خطير؟ أقول في كلا الأحوال احمدي ربك إنك مو في فلسطين ولا العراق عرضك مستباح دمك مستباح .gif "(160)") تصبحين وتنامين خايفه تعدين عيالك واخوانك قبل يفجعك الصبح الثاني بواحد منهم احمدي ربك إذا أصابك واحد من هالإبتلاءات إن ربي رفع عنك بقيتهم إذا أصبتي بالتهاب في الحلق فاحمدي الله أنك لم تصابي بسرطان في البلعوم وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر ) وإذا أصبتي بمرض في عينيك فاحمدي الله أنك لم تصابي بالعمى حنا في نعمه ليه نجحدها؟ ليه ننكرها؟ ونخلي ربنا يسخط علينا ربي رحيم .gif "(202)") كريم يعطي ويداه مبسوطتان وحنا نشكي لفلان وعلان محد بينفعك وإن نفعوك فإن ربي هو اللي يسّر لهم ! في الثلث الأخير من الليل كل يوم ربي ينزل للسما الدنيا ويقول هل من داع فأستجيب له كل يوم ياجماعه كل يوم وحنا كل يوم وش نسوي ! فكري بجد قاعده على النت ولا تسولفين مع صديقتك عالمسن ! ولا تلفزيون ولا فيلم .. ولا نااااايمه وربك العظيم جل جلاله نازل يسمع مطالب عبده ربي مايرد إيدينك إن رفعتيها  ربك كريم عندك مشكله ؟ هو ملاذك اشكي لــــه كل شي مشاكلك الكبيره والصغيره الصحابه كانو يسألون الله حتى في شراك النعل !! وربي إن ما أجاب دعوتك ألحين بيثيبك على دعاؤك وبتاخذين أجر من إيش؟ مجرد سؤال وبيبرد على قلبك ربي ما بلاك إلا لأنه يحبك ربك قدير يقدر يبلي فلان من الناس وفلان لكن اختارك انت ليه؟ يبي ينكد حياتك؟ لاوالله لأنه يحبك ربك يحبك في أحلى شعور من هذا .gif "(86)") =') !!بلاءك مايزيد من ملكه شي سبحانه ولا ينفعه بشئ ينفعك انت ربك يحبك .gif "(119)") يبي يجمع لك رصيد تلقاه بعدين ربك هو اللي بلاك ماتستحين تشكين لغيره ؟ وتعصينه وهو أكرمك بابتلائه؟ أسأل الله أن يرفع عن كل قارئه كربها ويفرج لها كل ضيقه ويفتح على قلبها ويهديها وييسر أمرها ويكشف ضرها إنه سميع سبحانه مجيب الدعاء :praying: إن رباً كفاك ماكان بالأمس سيكفيك في غدٍ ما يكون اتمنى انو الكلام ماازعجكم بس بصراحه أنا مره عاجبني واحس صدق قاعده تتكلم عن الواقع "حبيباتي اتمــــــــــنى لكم حياة سعيدة" أختكم حليب السعودية .gif "(106)") 
|
|
2010- 10- 14
|
#2 |
|
أكـاديـمـي فـعّـال
|
رد: مححححد بهآلدنيآ يسسسستآهل وربي ..
حليـــــــب السعوديه والله ماعرفت وانا اختك وش اقتبس وش اخلي
موضوعك ومحتاجينه كثيــــــــــر >>حتى انا برسله ايميل للي عندي يعطيك العافيه |
|
|
|
2010- 10- 14
|
#3 |
|
أكـاديـمـي مـشـارك
|
رد: مححححد بهآلدنيآ يسسسستآهل وربي ..
صدقتـي بكـل كلمـه قلتيهـآ ^ ^
وجزاك الله خيـر وبعديـن نكـك ترى عيـآرت اختي :mh01: اول مـآ قلت لهـآ ترى فيـه وحدهـ نكهـآ حليب السعوديـه عصصبت :tj4: |
|
|
|
2010- 10- 14
|
#4 |
|
أكـاديـمـي مـشـارك
|
رد: مححححد بهآلدنيآ يسسسستآهل وربي ..
قرأته من قبل لكن حبيت أقراه مرة ثانية....بصراحة كلام مؤثر جدا ومريح
الحمدلله على كل النعم جزاك الله خير, موضوع جاء في وقته |
|
|
|
2010- 10- 14
|
#5 |
|
أكـاديـمـي ذهـبـي
|
رد: مححححد بهآلدنيآ يسسسستآهل وربي ..
"وترا ما طاح من النجوم اخف للسمـا
<<<صادقهـ والي يطيح من قلب اوفكر نفس الشيء مايستحق يعيش بوه3- لاتحزن لا راح عنكـ انسانـ اعرف ان اللهـ يحبكـ ويبي يبدله بشخص يستاهل قلبونكـ6-ربك يحبك في أحلى شعور من هذا =') !!بلاءك مايزيد من ملكه شي سبحانه ولا ينفعه بشئ ينفعك انت ربك يحبك يبي يجمع لك رصيد تلقاه بعدين... [glow=FFFF00]<<<<<<< [/glow] يلبااااااااااا من قلب قلبي تسلم يدن كتبت, ويدن نقلت, ماعقب هالكلام كلام مروري صار تقبليهـ
|
|
|
|
2010- 10- 14
|
#6 |
|
أكـاديـمـي فـعّـال
|
رد: مححححد بهآلدنيآ يسسسستآهل وربي ..
تسلمييييييييييييين يالغلا (حليب السعودية) على هالإبداع وعلى هالنقل الحلو واللي جاء في وقته.
وصح كل كلامك >>صاااااادقة ووالله مااحد يستاهل في هالدنيا إنك تضايقين نفسك عشانه. وصح كلامك أنا أسوي بهالمعلومة >> أسوي خير وماأنتظر رد من أحد . لأن إذا سويت خير حتى لو اللي سويت لها خير ماردته لي بخير >>أكييييييييد الله سبحانه وتعالى بيرده لي بأكثرررر . وأي بنت تكشر بوجهي >> ابتسم لها . لأن الإبتسامة صدقة. أما الغيرة والحسد والكره اللي بقلوب الناس فالله القوي عليه والله يآخذ الحق. وانا دائما في السراء والضراء وحتى وأنا متضايقة مرة أو تعبانة دائما أقول >> الحمدلله ياربي على كل حال. ومشكوووووورة يالغلا على هالكلمات النايس. واتمنى كل البنات يدخلون ويقرأون الموضوع ويستفيدون منه. وتحياتي لك ولكل البنات. وطبعا لحبي(د.ناهد). قصة حب |
|
|
|
2010- 10- 14
|
#7 |
|
أكـاديـمـي فـعّـال
|
رد: مححححد بهآلدنيآ يسسسستآهل وربي ..
يسلمواااااااااا
|
|
|
|
2010- 10- 14
|
#8 |
|
أكـاديـمـي
|
رد: مححححد بهآلدنيآ يسسسستآهل وربي ..
- (( يابن آدم إذا رأيت ربك سبحانه يتابع عليك نعمه ، وأنت تعصيه فاحذره )).
- (( عجبت للبخيل يستعجل الفقر الذي منه هرب ،ويفوته الغنى الذي إياه طلب ،فيعيش في الدنيا عيش الفقراء، ويحاسب في الآخرة حساب الأغنياء ، وعجبت للمتكبر الذي كان بالأمس نطفة ، ويكون غدا جيفة .وعجبت لمن شك في الله وهو يرى خلق الله. وعجبت لمن نسي الموت وهو يرى الموتى . وعجبت لمن انكر النشأة الأخرى وهو يرى النشأة الأولى . وعجبت لعامر دار الفناء وتارك دار البقاء )). هذي من اقوال الامام علي (ع) ذكرتني بنفس كلامك يارب نموت على الحق ويدخلنا ربي جنه الفردوس جميعا |
|
|
|
2010- 10- 14
|
#9 |
|
أكـاديـمـي ذهـبـي
|
رد: مححححد بهآلدنيآ يسسسستآهل وربي ..
مووضووع حلو قريته من اوله لآ آآخره من جد الدنيآآ ماتستاهل واحنا اغلب الوقت نتحلطم من الكلية من الحياة من الزحمة من كل شي وننسى النعمة اللي احنا فيهااللهم مآاصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر |
|
|
|
2010- 10- 14
|
#10 |
|
أكـاديـمـي
|
رد: مححححد بهآلدنيآ يسسسستآهل وربي ..
مررررحبااااا
مشكورين كل كلكم :) ع المرور والله أنا ناقله الموضوع عشان تستفيدون منه لانه من جد أثر فيني احنا مقصرين كثير بس الله يسامحنا ريم الفلا سلمي على أختك وقولي لها تسامحنا ههههههههههههه :mh01: وش اسوي مالقيت غيره اصلاً مدري كيف جا ببالي .gif "(96)")
|
|
|
|
| مواقع النشر (المفضلة) |
| الكلمات الدلالية (Tags) |
| مححححد, بهآلدنيآ, يسسسستآهل, وربي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فوائد الصلوات الخمس | saahir | ملتقى المواضيع العامة | 10 | 2007- 2- 19 10:03 PM |
