نقاط عرفتها من الجامعة

[إحسـاس]

اليوم زرت الجامعة ومع الأسئلة والأخذ معهم هذا الأمور اللي طلعت فيها لكم ..

1- الإختبارات النهائية كلها بتبدأ يوم الأربعاء 25/6/1433هـ وتنتهي 9/7/1433هـ وفي إعلان واضعينه للي يجون يسألون عنها داخل القسم ..

2- تحميل المحاضرات ماعليها درجات مجرد الدكتور أو الأستاذ يشوف الطلاب اللي حملوا وشافوا المحاضرات >> بس نحمل وكيفهم وهذا رأيي وهذا أفادني فيه موظف في التعليم عن بعد ..

3- الدرجات أغلبها المناقشات والواجبات والمحتوى وكل شئ بالبلاك بورد يسجل للطالب يعني المناقشات والواجبات ضرورية وهذا اللي فهمونا عليه في المحاضرات المباشرة ..

4- الإختبارات بتكون في مقر جامعة الدمام داخل الحرم الجامعي .. لكن ماهو أكيد لأنهم إلى الآن ينسقون لكن الوضع يقول إنه داخل جامعة الدمام

5- إلى الآن ماتحددت قاعات الإختبارات

6- بالنسبة للموظفين والموظفات

يمكن لهم أخذ تعريف من الجامعة وإرفاق جدول الإختبارات النهائية معه إذا نزل بالبلاك بورد .. لأن إلى الآن مافي خطاب دخول الإختبارات وفترتها ..

أنا أخذت خطاب تعريف ( إلى من يهمه الأمر ) إحتياط لو مافيه خطاب تعريف دخول الإختبارات وبطبع الجدول وبرسله للإدارة عندي في العمل .. لعل وعسى إن شاء الله يقبلونه ..
ويمكن هذا يهم الكثير من الموظفين الطلاب


ولا أحد يعتمد على الإشاعات والتوقعات وكلام الغير لأن الموظفين يقولون إشاعات الطلاب كثير وكل واحد يتوقع ويخمن أشياء من عنده وهم مايدرون عن شئ ..
طبعاً يمكن في أشياء متشتته نشوفها الإدارة تقول حاجة والموظفين يقولون حاجة وهيئة التدريس تقول حاجة .. لكن نمشي على اللي نعرفه واللي سمعناه منهم والباقي على الله ..

الشئ اللي ودي أقوله ..
في عدم تنظيم وهذا الشئ اللي أستنتجته من زيارتي واللي نشوفه من بداية الدراسة لكن هذا كله من صالحنا خاصة في أول سمستر لنا في الجامعة وفي التعليم عن بعد ..
وإنهم بيتساعدون بإذن الله معنا ومقدرين ظروف كل الطلاب والطالبات ..
والله يوفق الجميع دنيا وآخرة
وبالتوفيق لنا كلنا في الإختبارت إن شاء الله

أخوكم

إحساس

[باسكن]

يعطيييك العافييه احساس ماتقصر

الله يووفق الجمييع

[al-mha]

يعطيك العافيه احساس

اذا المحاضرات ماعليها درجات اجل ليش كل دكتور كاتب بتوزيع الدرجات لها 10

كلام موظفين الجامعه ماينوثقبه
الكلام الاكيد من الدكاتره بنسالهم بلمباشره ان شالله

يعطيك العافيه مرا ثانيه

[iGhaida]

فترة بغيضه لأبعد درجة .. الله يعدّيهاعلى خير
( فيس يتنهّد من اعماق اعماق اعماق قلبه )


دربك سمح و الله يوفقك

[الكادي عطرها]

يعطيك العافيه

وان شالله اكيد مع الوقت راح يتحدد كل شي

وشكرا اخوي

[نبضة خفوق]

الله يعطيك العافية اخوي طيب كيف المحتوى علية درجات انا ماأفتحة
ولا اطبع منة شي معتمدة على ملخصات الطلاب وبعض المحاضرات اكتبها

[M.k♔]

عشرة تحميل المحاضرآت
الكل ان شاءالله بياخذها

نفس فيصل في ناس ماتحمل المحاضرات
وتاخذ درجه كامله 10

^^
بس الاكيد دكاتره بيقولون لنا في المحاضرات المباشره اذا صح او لا

[n3wmh]

مشكور

[كوني]

احسساس تسسلم على هالمعلومات

[طالبه مضيعه]

يعطيك الف عااااااااااااااااااافيه خيووووووووووووووووووووو